समाना चासृत्य्-उपक्रमाद् अमृतत्वं चानुपोष्य
samānā cāsṛty-upakramād amṛtatvaṁ cānupoṣya
[Исход] ОДИНАКОВ [у знающего и незнающего] — до ВХОДА В ЖИЛУ; и «бессмертие» [знающего здесь] — НЕ СЖЁГШЕЕ [связи с телом].
अथ तस्मिन्न् एव वाक्ये विमर्शान्तरम् । इयम् उत्क्रान्तिर् अजस्यैव भवेद् विज्ञस्यापि वेति संशये,
यदा सर्वे प्रमुच्यन्ते कामा येऽन्ये हृदि स्थिताः ।
अथ मर्त्योऽमृतो भवत्य् अत्र ब्रह्म समश्नुते ॥
इति बृहद्-आरण्यक-श्रुत्या विज्ञस्यात्रैवामृतत्वाभिधानेनोत्क्रान्त्य्-अभावाद् अज्ञस्यैवेति प्राप्ते—
समाना चासृत्य्-उपक्रमाद् अमृतत्वं चानुपोष्य ॥
आद्यश् चोऽवधारणे । अज्ञस्य विज्ञस्य च समानैवोत्क्रान्तिर् आसृत्य्-उपक्रमाद् आगत्य्-आरम्भान् नाडी-प्रवेशात् प्राग् इत्य् अर्थः । तत्-प्रवेश-दशायां त्व् अस्ति विशेषः । अज्ञस्य नाडी-शतेनोत्क्रम्य गतिर् विज्ञस्य तु शताधिकया । तथा हि छान्दोग्याः पठन्ति— शतं चैका च हृदयस्य नाड्यास् तासां मूर्धानम् अभिनिःसृतैका । तयोर्ध्वम् आयन्न् अमृतत्वम् एति विष्वग् अन्या उत्क्रमणे भवन्ति [छा.उ. 8.6.6] इति । एतच् छ्रुत्यैकार्थेन, तस्य हैतस्य हृदयस्याग्रम् इत्य्-आदि-श्रुताव् अपि मूर्ध-निष्क्रमणं विज्ञ-विषयम् अन्यच् चाविज्ञ-विषयं बोध्यम् । यत् तु विज्ञस्यात्रैवामृतत्व-श्रवणं तत् किल देह-सम्बन्धम् अनुपोष्यादग्ध्वैव पूर्वोत्तराघ-विश्लेष-विनाश-रूपं यद् उक्तम् ॥7॥
atha tasminn eva vākye vimarśāntaram | iyam utkrāntir ajasyaiva bhaved vijñasyāpi veti saṁśaye,
yadā sarve pramucyante kāmā ye'nye hṛdi sthitāḥ |
atha martyo'mṛto bhavaty atra brahma samaśnute ||
iti bṛhad-āraṇyaka-śrutyā vijñasyātraivāmṛtatvābhidhānenotkrānty-abhāvād ajñasyaiveti prāpte—
samānā cāsṛty-upakramād amṛtatvaṁ cānupoṣya ||
ādyaś co'vadhāraṇe | ajñasya vijñasya ca samānaivotkrāntir āsṛty-upakramād āgaty-ārambhān nāḍī-praveśāt prāg ity arthaḥ | tat-praveśa-daśāyāṁ tv asti viśeṣaḥ | ajñasya nāḍī-śatenotkramya gatir vijñasya tu śatādhikayā | tathā hi chāndogyāḥ paṭhanti— śataṁ caikā ca hṛdayasya nāḍyās tāsāṁ mūrdhānam abhiniḥsṛtaikā | tayordhvam āyann amṛtatvam eti viṣvag anyā utkramaṇe bhavanti [chā.u. 8.6.6] iti | etac chrutyaikārthena, tasya haitasya hṛdayasyāgram ity-ādi-śrutāv api mūrdha-niṣkramaṇaṁ vijña-viṣayam anyac cāvijña-viṣayaṁ bodhyam | yat tu vijñasyātraivāmṛtatva-śravaṇaṁ tat kila deha-sambandham anupoṣyādagdhvaiva pūrvottarāgha-viśleṣa-vināśa-rūpaṁ yad uktam ||7||
c7bea4b9cefd · publicado 27 jul 2026, 5:36:23 UTC
Disponible enRUPasa de verso en verso con
Исход — лишь у незнающего («знающий бессмертен ЗДЕСЬ — куда ему идти»)? При полученном —
«И одинаков — до зачина пути; и бессмертие — не спалив».
Исход обоих ОДИНАКОВ до ВХОДА В ЖИЛУ; на входе — различие: незнающий исходит [какой-нибудь из] СОТНИ жил, знающий — СТО ПЕРВОЙ: «СТО И ОДНА жилы сердца; одна ПРОБИЛАСЬ К ТЕМЕНИ: ею восходя — в бессмертие; прочие — врассыпную». А «бессмертие здесь» — НЕ СПАЛИВШЕЕ связи с телом: [лишь] развязка-гибель грехов.