ततस् ते जलदाः कृष्णा घोरनादा भयावहाः आकाशं छादयामासुः सर्वतः पर्वतोपमाः ॥
विद्युत्संपातजननाः शक्रचापविभूषिताः तिमिरावृतम् आकाशं चक्रुस् ते जलदास् तदा ॥
गजा इवान्ये संसक्ताः केचिन् मकरवर्चसः नागा इवान्ये गगने चेरुर् जलदपुंगवाः ॥
ते ऽन्योन्यवपुषा बद्धा नागयूथायुतोपमाः दुर्दिनं विपुलं चक्रुश् छादयन्तो नभस् तलम् ॥
नृहस्तनागहस्तानां वेणूनां चैव सर्वशः धाराभिस् तुल्यरूपाभिर् ववृषुस् ते बलाहकाः ॥
समुद्रं मेनिरे तं हि खम् आरूढं नृचक्षुषः दुर्विगाह्यम् अपर्यन्तम् अगाधं दुर्दिनं महत् ॥
न संपतन्ति खगमा दुद्रुवुर् मृगजातयः पर्वताभेषु मेघेषु खे नदत्सु समन्ततः ॥
सुप्तसूर्येन्दुसदृशे मेघैर् नभसि दारुणैह् अतिवृष्टेन लोकस्य विरूपम् अभवद् वपुः ॥
मेघौघैर् निष्प्रभाकारम् अदृश्यग्रहतारकम् चन्द्रसूर्यांशुरहितं खं बभूवातिनिष्प्रभम् ॥
वारिणा मेघमुक्तेन मुच्यमानेन चासकृत् आबभौ सर्वतस् तत्र भूमिस् तोयमयी यथा ॥
विनेदुर् बर्हिणस् तत्र स्तोककाल्परुताः खगाः विवृद्धिं निम्नगा याताः प्लवगाः संप्लवं गताः ॥
गर्जितेन च मेघानां पर्जन्यनिनदेन च तर्जितानीव कम्पन्ते तृणानि तरुभिः सह ॥
प्राप्तो ऽन्तकालो लोकानां प्राप्ता चैकार्णवा मही इति गोपगणा वाक्यं व्याहरन्ति भयार्दिताः ॥
tatas te jaladāḥ kṛṣṇā ghoranādā bhayāvahāḥ ākāśaṃ chādayāmāsuḥ sarvataḥ parvatopamāḥ ||
vidyutsaṃpātajananāḥ śakracāpavibhūṣitāḥ timirāvṛtam ākāśaṃ cakrus te jaladās tadā ||
gajā ivānye saṃsaktāḥ kecin makaravarcasaḥ nāgā ivānye gagane cerur jaladapuṃgavāḥ ||
te 'nyonyavapuṣā baddhā nāgayūthāyutopamāḥ durdinaṃ vipulaṃ cakruś chādayanto nabhas talam ||
nṛhastanāgahastānāṃ veṇūnāṃ caiva sarvaśaḥ dhārābhis tulyarūpābhir vavṛṣus te balāhakāḥ ||
samudraṃ menire taṃ hi kham ārūḍhaṃ nṛcakṣuṣaḥ durvigāhyam aparyantam agādhaṃ durdinaṃ mahat ||
na saṃpatanti khagamā dudruvur mṛgajātayaḥ parvatābheṣu megheṣu khe nadatsu samantataḥ ||
suptasūryendusadṛśe meghair nabhasi dāruṇaih ativṛṣṭena lokasya virūpam abhavad vapuḥ ||
meghaughair niṣprabhākāram adṛśyagrahatārakam candrasūryāṃśurahitaṃ khaṃ babhūvātiniṣprabham ||
vāriṇā meghamuktena mucyamānena cāsakṛt ābabhau sarvatas tatra bhūmis toyamayī yathā ||
vinedur barhiṇas tatra stokakālparutāḥ khagāḥ vivṛddhiṃ nimnagā yātāḥ plavagāḥ saṃplavaṃ gatāḥ ||
garjitena ca meghānāṃ parjanyaninadena ca tarjitānīva kampante tṛṇāni tarubhiḥ saha ||
prāpto 'ntakālo lokānāṃ prāptā caikārṇavā mahī iti gopagaṇā vākyaṃ vyāharanti bhayārditāḥ ||
Тогда чёрные облака, страшно гремящие и несущие страх, со всех сторон подобные горам, покрыли небо. Рождая падения молний и украшенные радугой Индры, они сделали небо тёмным. Одни сцепились как слоны, другие сияли как макары, третьи двигались в небе как змеи — лучшие из облаков. Связанные телами друг с другом, подобные тысячам стад слонов, они покрыли небесный свод и создали огромное ненастье. Те облака проливали потоки, похожие то на человеческие руки, то на хоботы слонов, то на бамбуковые стволы. Людским глазам казалось, будто океан поднялся в небо: непроходимый, беспредельный, бездонный великий мрак. Птицы не могли летать, звериные стада разбегались, когда гороподобные облака гремели в небе со всех сторон. В страшном небе, где солнце и луна словно уснули, чрезмерный дождь исказил облик мира. Массы облаков сделали небо без блеска: не было видно планет и звёзд, исчезли лучи луны и солнца. От воды, непрерывно выпущенной облаками, земля со всех сторон казалась состоящей из воды. Там кричали павлины, птицы издавали редкие голоса, реки разливались, а водные существа входили в потоп. От грохота облаков и звука дождя травы вместе с деревьями дрожали, словно запуганные. Пастухи, мучимые страхом, говорили: «Пришло время конца миров, и земля стала одним океаном».
5a6b0e15c80e · प्रकाशित 22 जून 2026, 3:44:11 am UTC
उपलब्ध भाषाएँRUश्लोक बदलें इन कुंजियों से
Буря описана как обратное творение: границы исчезают, небо становится океаном, земля водой, светила скрываются. Так внешняя сила Индры раскрывает предел земной защищённости.