दन्तवक्त्रो जरासंधः शिशुपालश् च वीर्यवान् संनद्धा निर्ययुः क्रुद्धा जिघांसन्तो जनार्दनम् ॥
अङ्गवङ्गकलिङ्गैश् च सार्धं पौण्ड्रैश् च वीर्यवान् निर्ययौ चेदिराजः स भ्रातृभिः सुमहारथैः ॥
तान् प्रत्यगृह्णन् संरब्धा वृष्णिवीरा महारथाः संकर्षणं पुरस्कृत्य वासवं मरुतो यथा ॥
आपतन्तं हि वेगेन जरासंधं महाबलम् षड्भिर् विव्याध नाराचैर् युयुधानो महामृधे ॥
अक्रूरो दन्तवक्त्रं तु विव्याध नवभिः शरैः तं प्रत्यविध्यत् कारूषो बाणैर् दशभिर् आशुगैः ॥
विपृथुः शिशुपालं तु शरैर् विव्याध सप्तभिः अष्टभिः प्रत्यविध्यत् तं शिशुपालः प्रतापवाण् ॥
गवेशणो ऽपि चैद्यं तु षड्भिर् विव्याध मार्गणैः अनिर्दान्तस् तथाष्टाभिर् बृहद्दुर्गश् च पञ्चभिः ॥
प्रतिविव्याध तांश् चैद्यः पञ्चभिः पञ्चभिः शरैः जघान चाश्वांश् चतुरश् चतुर्भिर् विपृथोः शरैः ॥
बृहद्दुर्गस्य भल्लेन शिरश् चिच्छेद चारिहा गवेषणस्य सूतं च प्राहिणोद्यमसादनम् ॥
हताश्वं स रथं त्यक्वा विपृथुस् तु महाबलः आरुरोह रथं क्षिप्रं बृहद्दुर्गस्य वीर्यवान् ॥
विपृथोः सारथिश् चापि गवेषणरथं द्रुतम् आरुह्य जवनान् अश्वान् नियन्तुम् उपचक्रमे ॥
ते क्रुद्धाः शरवर्षेण सुनीथं समवाकिरन् नृत्यन्तं रथमार्गेषु चापहस्ताः कलापिनः ॥
चक्रदेवो दन्तवक्त्रं बिभेदोरसि कर्णिना पटुशं पञ्चविंशत्या विव्याध युधि मार्गणैः ॥
ताभ्यां स विद्धो दशभिर् बाणैर् मर्मातिगैः शितैः ततो बली चक्रदेवं बिभेद दशभिः शरैः ॥
पञ्चभिश् चापि विव्याध सो ऽविदूराद् विदूरथम् विदूरथो ऽपि तं षड्भिर् विव्याधाजौ शितैः शरैः ॥
त्रिंशता प्रत्यविध्यत् तं बली बाणैर् महाबलम् कृतवर्मा बिभेदाजौ राजपुत्रं त्रिभिः शरैः ॥
dantavaktro jarāsaṃdhaḥ śiśupālaś ca vīryavān saṃnaddhā niryayuḥ kruddhā jighāṃsanto janārdanam ||
aṅgavaṅgakaliṅgaiś ca sārdhaṃ pauṇḍraiś ca vīryavān niryayau cedirājaḥ sa bhrātṛbhiḥ sumahārathaiḥ ||
tān pratyagṛhṇan saṃrabdhā vṛṣṇivīrā mahārathāḥ saṃkarṣaṇaṃ puraskṛtya vāsavaṃ maruto yathā ||
āpatantaṃ hi vegena jarāsaṃdhaṃ mahābalam ṣaḍbhir vivyādha nārācair yuyudhāno mahāmṛdhe ||
akrūro dantavaktraṃ tu vivyādha navabhiḥ śaraiḥ taṃ pratyavidhyat kārūṣo bāṇair daśabhir āśugaiḥ ||
vipṛthuḥ śiśupālaṃ tu śarair vivyādha saptabhiḥ aṣṭabhiḥ pratyavidhyat taṃ śiśupālaḥ pratāpavāṇ ||
gaveśaṇo 'pi caidyaṃ tu ṣaḍbhir vivyādha mārgaṇaiḥ anirdāntas tathāṣṭābhir bṛhaddurgaś ca pañcabhiḥ ||
prativivyādha tāṃś caidyaḥ pañcabhiḥ pañcabhiḥ śaraiḥ jaghāna cāśvāṃś caturaś caturbhir vipṛthoḥ śaraiḥ ||
bṛhaddurgasya bhallena śiraś ciccheda cārihā gaveṣaṇasya sūtaṃ ca prāhiṇodyamasādanam ||
hatāśvaṃ sa rathaṃ tyakvā vipṛthus tu mahābalaḥ āruroha rathaṃ kṣipraṃ bṛhaddurgasya vīryavān ||
vipṛthoḥ sārathiś cāpi gaveṣaṇarathaṃ drutam āruhya javanān aśvān niyantum upacakrame ||
te kruddhāḥ śaravarṣeṇa sunīthaṃ samavākiran nṛtyantaṃ rathamārgeṣu cāpahastāḥ kalāpinaḥ ||
cakradevo dantavaktraṃ bibhedorasi karṇinā paṭuśaṃ pañcaviṃśatyā vivyādha yudhi mārgaṇaiḥ ||
tābhyāṃ sa viddho daśabhir bāṇair marmātigaiḥ śitaiḥ tato balī cakradevaṃ bibheda daśabhiḥ śaraiḥ ||
pañcabhiś cāpi vivyādha so 'vidūrād vidūratham vidūratho 'pi taṃ ṣaḍbhir vivyādhājau śitaiḥ śaraiḥ ||
triṃśatā pratyavidhyat taṃ balī bāṇair mahābalam kṛtavarmā bibhedājau rājaputraṃ tribhiḥ śaraiḥ ||
Дантавактра, Джарасандха и доблестный Шишупала, вооружившись и разгневавшись, выступили, желая убить Джанардану. Могучий царь Чеди вышел вместе с Ангами, Вангами, Калингами, Паундрами и своими братьями, великими колесничими. Разъярённые герои Вришни, великие колесничие, во главе с Санкаршаной встретили их, как Маруты — Индру. В великой битве Ююдхана шестью нарачами поразил великосильного Джарасандху, стремительно нападавшего. Акрура девятью стрелами пронзил Дантавактру, а Каруша поразил его в ответ десятью быстрыми стрелами. Випритху семью стрелами пронзил Шишупалу, а могущественный Шишупала ответил ему восемью. Гавешана шестью стрелами поразил Чедийца, Анирданта — восемью, а Брихаддурга — пятью. Чедиец ответно поразил каждого пятью стрелами и четырьмя стрелами убил четырёх коней Випритху; врагогубитель бхаллой отсёк голову Брихаддурги и отправил возницу Гавешаны в обитель Ямы. Великосильный Випритху, оставив колесницу с убитыми конями, быстро взошёл на колесницу Брихаддурги, а его возница быстро взошёл на колесницу Гавешаны и стал править резвыми конями. Разгневанные лучники с колчанами осыпали Сунитху дождём стрел, пока тот плясал между колесницами. Чакрадева ударил Дантавактру в грудь карниной, а Патушу поразил в бою двадцатью пятью стрелами. Поражённый ими острыми стрелами в уязвимые места, сильный противник десятью стрелами пронзил Чакрадеву, а пятью — Видурадху; Видурадха же в ответ ударил его шестью острыми стрелами. Могучий противник тридцатью стрелами поразил его, а Критаварма в бою тремя стрелами ударил царевича, убил его возницу и отсёк высокий стяг. Разгневанный Паундра ответно поразил его шестью стрелами и длинной бхаллой рассёк его лук.
ec3f6a180e5e · प्रकाशित 22 जून 2026, 6:55:02 am UTC
उपलब्ध भाषाएँRUश्लोक बदलें इन कुंजियों से
Бой после похищения Рукмини разворачивается сразу на множестве поединков. Повествование удерживает имена и удары, показывая, что за личным союзом Кришны и Рукмини стоит столкновение целых царских коалиций.