तस्य पर्वतमुख्यस्य शृङ्गं यत् परमार्चितम् विमलार्केन्दुसंकाशं मणिकाञ्चनतोरणम् ॥
सपक्षिगणमातङ्गं सव्यालमृगपन्नगम् शाखामृगगणैर् जुष्टं सुप्रस्तरशिलातलम् ॥
न्यङ्कुभिश् च वराहैश् च रुरुभिश् च निषेवितम् सप्रपातमहासानुं विचित्रशिखरद्रुमम् ॥
अत्यद्भुतम् अचिन्त्यं च मृगवृन्दविलोडितम् जीवंजीवकसंघैश् च बर्हिभिश् च निनादितम् ॥
तद् अप्य् अतिबलो विष्णुर् दोर्भ्याम् उत्पाट्य भास्वरम् आरोपयामास तदा गरुडे पक्षिणां वरे ॥
मणिपर्वतशृङ्गं च सभार्यं च जनार्दनम् उवाह लीलया पक्षी गरुडः पततां वरः ॥
स पक्षबलविक्षेपैर् महाद्रिशिखरोपमः दिक्षु सर्वासु संह्रादं जनयामास पक्षिराट् ॥
आरुजन् पर्वताग्राणि पादपांश् च समाक्षिपन् संजहार महाभ्राणि विजहार च कानिचित् ॥
विषयं समतिक्रम्य देवयोश् चन्द्रसूर्ययोः ययौ वातजवः पक्षी जनार्दनवशे स्थितः ॥
स मेरुगिरिम् आसाद्य देवगन्धर्वसेवितम् देवसद्मानि सर्वाणि ददर्श मधुसूदनः ॥
विश्वेषां मरुतां चैव साध्यानां च नराधिप भ्राजमानान्य् अतिक्रामद् अश्विनोश् च परंतपः ॥
प्राप्य पुण्यकृतां लोकान् देवलोकम् अरिंदमः शक्रसद्म समासाद्य प्रविवेश जनार्दनः ॥
अवतीर्य स तार्क्ष्यात् तु ददर्श विबुधाधिपम् प्रीतश् चैवाभ्यनन्दत् तं देवराजः शतक्रतुः ॥
tasya parvatamukhyasya śṛṅgaṃ yat paramārcitam vimalārkendusaṃkāśaṃ maṇikāñcanatoraṇam ||
sapakṣigaṇamātaṅgaṃ savyālamṛgapannagam śākhāmṛgagaṇair juṣṭaṃ suprastaraśilātalam ||
nyaṅkubhiś ca varāhaiś ca rurubhiś ca niṣevitam saprapātamahāsānuṃ vicitraśikharadrumam ||
atyadbhutam acintyaṃ ca mṛgavṛndaviloḍitam jīvaṃjīvakasaṃghaiś ca barhibhiś ca nināditam ||
tad apy atibalo viṣṇur dorbhyām utpāṭya bhāsvaram āropayāmāsa tadā garuḍe pakṣiṇāṃ vare ||
maṇiparvataśṛṅgaṃ ca sabhāryaṃ ca janārdanam uvāha līlayā pakṣī garuḍaḥ patatāṃ varaḥ ||
sa pakṣabalavikṣepair mahādriśikharopamaḥ dikṣu sarvāsu saṃhrādaṃ janayāmāsa pakṣirāṭ ||
ārujan parvatāgrāṇi pādapāṃś ca samākṣipan saṃjahāra mahābhrāṇi vijahāra ca kānicit ||
viṣayaṃ samatikramya devayoś candrasūryayoḥ yayau vātajavaḥ pakṣī janārdanavaśe sthitaḥ ||
sa merugirim āsādya devagandharvasevitam devasadmāni sarvāṇi dadarśa madhusūdanaḥ ||
viśveṣāṃ marutāṃ caiva sādhyānāṃ ca narādhipa bhrājamānāny atikrāmad aśvinoś ca paraṃtapaḥ ||
prāpya puṇyakṛtāṃ lokān devalokam ariṃdamaḥ śakrasadma samāsādya praviveśa janārdanaḥ ||
avatīrya sa tārkṣyāt tu dadarśa vibudhādhipam prītaś caivābhyanandat taṃ devarājaḥ śatakratuḥ ||
«У этой великой горы была особо почитаемая вершина, сияющая как чистые солнце и луна, с арками из самоцветов и золота, с птицами и слонами, со зверями и змеями, населённая стаями обезьян, с ровными каменными площадками, посещаемая антилопами, кабанами и оленями, с водопадами и великими склонами, с пёстрыми вершинами и деревьями, чудесная, непостижимая, полная движущихся стад зверей и оглашаемая стаями дживандживак и павлинами. Сверхсильный Вишну вырвал руками эту сияющую вершину и тогда поместил её на Гаруду, лучшего из птиц. Гаруда, лучший из летящих, легко понёс вершину Манипарваты и Джанардану с супругой. Царь птиц, подобный вершине великой горы, взмахами мощных крыльев породил грохот во всех сторонах. Он разбивал горные вершины, разбрасывал деревья, сгонял великие облака и часть их разгонял. Пройдя область Луны и Солнца, птица, быстрая как ветер и послушная Джанардане, полетела дальше. Достигнув горы Меру, служимой богами и гандхарвами, Мадхусудана увидел все обители богов. О владыка людей, сокрушитель врагов миновал сияющие обители Вишведевов, Марутов, Садхьев и Ашвинов. Достигнув миров праведников и мира богов, покоритель врагов подошёл к жилищу Шакры, и Джанардана вошёл. Сойдя с Гаруды, он увидел владыку небожителей, а царь богов Шатакрату радостно приветствовал его».
5ceddc669d52 · प्रकाशित 22 जून 2026, 5:09:04 am UTC
उपलब्ध भाषाएँRUश्लोक बदलें इन कुंजियों से
Поднятая вершина Манипарваты подчёркивает не прихоть, а сверхчеловеческую свободу Кришны: то, что для мира кажется неподвижным, становится переносимым его волей. Путь через небесные области показывает, что земной подвиг Нараки сразу имеет небесное значение.