एतौ हि वसुदेवस्य पुत्रौ सुरसुतोपमौ ववृधाते महात्मानौ ब्रह्मगार्ग्येण संस्कृतौ ॥
जन्मप्रभृति चाप्य् एतौ गार्ग्येण परमर्षिणा याथातथ्येन विज्ञाय संस्कारं प्रतिपादितौ ॥
यदा त्व् इमौ नरश्रेष्ठौ स्थितौ यौवनगौ मुखे सिंहशावाव् इवोदीर्णौ मत्तौ हैमवतौ यथा ॥
ततो मनांसि गोपीनां हरमाणौ महाबलौ आस्तां गोष्ठचरौ वीरौ देवपुत्रसमद्युती ॥
नैतौ जवे वा युद्धे वा क्रीडासु विविधासु वा नन्दगोपस्य गोपालाः शेकुः प्रतिसमीक्षितुम् ॥
व्यूढोरस्कौ महाबाहू सालस्कन्धाव् इवोद्गतौ श्रुत्वेमौ व्यथितः कंसो मन्त्रिभिः सहितो ऽभवत् ॥
नाशकच् च यदा कंसो ग्रहीतुं बलकेशवौ निजग्राह ततः क्रोधाद् वसुदेवं सबान्धवम् ॥
सहोग्रसेनेन तदा चोरवद् गाढबन्धनम् कालं महान्तम् अवसत् कृच्छ्रम् आनकदुंदुभिः ॥
कंसस् तु पितरं बध्वा शूरसेना? शशास ह जरासंधं समाश्रित्य तथैवाह्वृतिभीष्मकौ ॥
कस्यचित् त्व् अथ कालस्य मथुरायां महोत्सवम् पिनाकिनं समुद्दिश्य कंसश् चक्रे नराधिपः ॥
तत्र मल्लाः समापेतुर् नानादेश्या विशां पते नर्तका गायकाश् चैव कुशला नृत्तसामसु ॥
ततः कंसो महातेजा रङ्गवाटं महाधनम् कुशलैः कारयाम् आस शिल्पिभिः साधुनिष्ठितैः ॥
तत्र मञ्चसहस्राणि पौरजानपदैर् जनैः समाकीर्णान्य् अदृश्यन्त ज्योतिर्भिर् गगनं यथा ॥
भोजराजः श्रिया जुष्टं राजमञ्चं महर्द्धिमत् अरुरोह ततः कंसो विमानं सुकृती यथा ॥
रङ्गद्वारे गजं मत्तं प्रभूतायुधकल्पितम् शूरैर् अधिष्ठितं कंसः स्थापयाम् आस वीर्यवान् ॥
यदा हि स महाभोजो रामकृष्णौ समागतौ शुश्राव पुरुषव्याघ्रौ सूर्याचन्द्रमसाव् इव ॥
तदाप्रभृति यत्तो ऽभूद् रक्षां प्रति नराधिपः न च शेते सुखं रात्रौ रामकृष्णौ विचिन्तयन् ॥
श्रुत्वा तु रामकृष्णौ च तं समाजम् अनुत्तमम् उभौ विविशतुर् वीरौ शार्दूलौ गोव्रजं यथा ॥
ततः प्रवेशे संरुद्धौ रक्षिभिः पुरुषर्षभौ हत्वा कुवलयापीडं ससादिनम् अरिंदमौ अवमृद्य दुराधर्षौ रङ्गं विविशतुस् तदा ॥
चाणूरान्ध्रौ विनिष्पिष्य केशवेन बलेन च औग्रसेनिः स दुष्टात्मा सानुजो विनिपातितः ॥
etau hi vasudevasya putrau surasutopamau vavṛdhāte mahātmānau brahmagārgyeṇa saṃskṛtau ||
janmaprabhṛti cāpy etau gārgyeṇa paramarṣiṇā yāthātathyena vijñāya saṃskāraṃ pratipāditau ||
yadā tv imau naraśreṣṭhau sthitau yauvanagau mukhe siṃhaśāvāv ivodīrṇau mattau haimavatau yathā ||
tato manāṃsi gopīnāṃ haramāṇau mahābalau āstāṃ goṣṭhacarau vīrau devaputrasamadyutī ||
naitau jave vā yuddhe vā krīḍāsu vividhāsu vā nandagopasya gopālāḥ śekuḥ pratisamīkṣitum ||
vyūḍhoraskau mahābāhū sālaskandhāv ivodgatau śrutvemau vyathitaḥ kaṃso mantribhiḥ sahito 'bhavat ||
nāśakac ca yadā kaṃso grahītuṃ balakeśavau nijagrāha tataḥ krodhād vasudevaṃ sabāndhavam ||
sahograsenena tadā coravad gāḍhabandhanam kālaṃ mahāntam avasat kṛcchram ānakaduṃdubhiḥ ||
kaṃsas tu pitaraṃ badhvā śūrasenā? śaśāsa ha jarāsaṃdhaṃ samāśritya tathaivāhvṛtibhīṣmakau ||
kasyacit tv atha kālasya mathurāyāṃ mahotsavam pinākinaṃ samuddiśya kaṃsaś cakre narādhipaḥ ||
tatra mallāḥ samāpetur nānādeśyā viśāṃ pate nartakā gāyakāś caiva kuśalā nṛttasāmasu ||
tataḥ kaṃso mahātejā raṅgavāṭaṃ mahādhanam kuśalaiḥ kārayām āsa śilpibhiḥ sādhuniṣṭhitaiḥ ||
tatra mañcasahasrāṇi paurajānapadair janaiḥ samākīrṇāny adṛśyanta jyotirbhir gaganaṃ yathā ||
bhojarājaḥ śriyā juṣṭaṃ rājamañcaṃ maharddhimat aruroha tataḥ kaṃso vimānaṃ sukṛtī yathā ||
raṅgadvāre gajaṃ mattaṃ prabhūtāyudhakalpitam śūrair adhiṣṭhitaṃ kaṃsaḥ sthāpayām āsa vīryavān ||
yadā hi sa mahābhojo rāmakṛṣṇau samāgatau śuśrāva puruṣavyāghrau sūryācandramasāv iva ||
tadāprabhṛti yatto 'bhūd rakṣāṃ prati narādhipaḥ na ca śete sukhaṃ rātrau rāmakṛṣṇau vicintayan ||
śrutvā tu rāmakṛṣṇau ca taṃ samājam anuttamam ubhau viviśatur vīrau śārdūlau govrajaṃ yathā ||
tataḥ praveśe saṃruddhau rakṣibhiḥ puruṣarṣabhau hatvā kuvalayāpīḍaṃ sasādinam ariṃdamau avamṛdya durādharṣau raṅgaṃ viviśatus tadā ||
cāṇūrāndhrau viniṣpiṣya keśavena balena ca augraseniḥ sa duṣṭātmā sānujo vinipātitaḥ ||
«Эти два сына Васудевы, подобные сыновьям богов, выросли великими душами, освящённые Брахмагаргьей. С самого рождения высший риши Гаргья истинно распознал их и совершил для них обряд. Когда эти два лучших мужа вступили в юность, они были словно выросшие львята и словно два горных слона. Могучие герои, сияющие как сыновья богов, жили среди пастбищ и пленяли сердца гопи. Ни в быстроте, ни в бою, ни в разных играх пастухи Нанды не могли с ними сравниться. Услышав о них, широкогрудых, могучеруких и поднявшихся словно стволы сал, Камса встревожился вместе с министрами. Когда Камса не смог схватить Балу и Кешаву, он в гневе захватил Васудеву с родичами. Вместе с Уграсеной Анакадундубхи был крепко связан как вор и долго пребывал в беде. Камса же, связав отца, правил шурасенами, опираясь на Джарасандху, а также на Ахврити и Бхишмаку. Спустя некоторое время царь Камса устроил в Матхуре великий праздник в честь Пинакина. Туда собрались борцы из разных стран, о владыка людей, а также танцоры и певцы, искусные в танце и пении. Затем могучий Камса велел умелым зодчим построить богато украшенную арену. Там тысячи помостов, заполненные горожанами и сельскими жителями, казались небом, полным светил. Царь Бходжей, полный блеска, затем взошёл на богатый царский помост, словно праведник на небесную колесницу. У входа на арену доблестный Камса поставил бешеного слона, снаряжённого множеством оружия и управляемого героями. Когда великий Бходжа услышал, что Рама и Кришна, два тигра среди людей, явились словно солнце и луна, с тех пор, о царь, он стал тщательно заботиться об охране и ночью не спал спокойно, думая о Раме и Кришне. Услышав об этом превосходном собрании, оба героя, Рама и Кришна, вошли туда, словно тигры в стадо. Задержанные у входа стражами, два лучших мужа, победители врагов, убили Кувалаяпиду вместе с погонщиком, сокрушили препятствие и вошли на арену. Кешава и Бала сокрушили Чануру и Андхру, а злодей сын Уграсены был низвергнут вместе с младшим братом».
3ad32a97250b · प्रकाशित 22 जून 2026, 5:23:56 am UTC
उपलब्ध भाषाएँRUश्लोक बदलें इन कुंजियों से
Здесь Нарада показывает, как юношеская красота и сила Рамы и Кришны приводят к открытому столкновению с тиранией. Камса боится не случайно: в них уже созрела сила, которая возвращает законный порядок.