भ्राता च मे यश् च सखा गुरुश् च; जनार्दनस्यात्मसमश् च पार्थः ॥
यदर्थम् अभ्युद्यतम् उत्तमं तत्; करोति कर्माग्र्यम् अपारणीयम् ॥
तस्यास्त्रवर्षाण्य् अहम् उत्तमास्त्रैर्; विहत्य सर्वाणि रणे ऽभिभूय ॥
कायाच् छिरः सर्पविषाग्निकल्पैः; शरोत्तमैर् उन्मथितास्मि राम ॥
खड्गेन चाहं निशितेन संख्ये; कायाच् छिरस् तस्य बलात् प्रमथ्य ॥
ततो ऽस्य सर्वान् अनुगान् हनिष्ये; दुर्योधनं चापि कुरूंश् च सर्वान् ॥
आत्तायुधं माम् इह रौहिणेय; पश्यन्तु भौमा युधि जातहर्षाः ॥
निघ्नन्तम् एकं कुरुयोधमुख्यान्; काले महाकक्षम् इवान्तकाग्निः ॥
प्रद्युम्नमुक्तान् निशितान् न शक्ताः; सोढुं कृपद्रोणविकर्णकर्णाः ॥
जानामि वीर्यं च तवात्मजस्य; कार्ष्णिर् भवत्य् एष यथा रणस्थः ॥
साम्बः ससूतं सरथं भुजाभ्यां; दुःशासनं शास्तु बलात् प्रमथ्य ॥
न विद्यते जाम्बवतीसुतस्य; रणे ऽविषह्यं हि रणोत्कटस्य ॥
एतेन बालेन हि शम्बरस्य; दैत्यस्य सैन्यं सहसा प्रणुन्नम् ॥
वृत्तोरुर् अत्यायतपीनबाहुर्; एतेन संख्ये निहतो ऽश्वचक्रः ॥
को नाम साम्बस्य रणे मनुष्यो; गत्वान्तरं वै भुजयोर् धरेत ॥
यथा प्रविश्यान्तरम् अन्तकस्य; काले मनुष्यो न विनिष्क्रमेत ॥
तथा प्रविश्यान्तरम् अस्य संख्ये; को नाम जीवन् पुनर् आव्रजेत ॥
द्रोणं च भीष्मं च महारथौ तौ; सुतैर् वृतं चाप्य् अथ सोमदत्तम् ॥
सर्वाणि सैन्यानि च वासुदेवः; प्रधक्ष्यते सायकवह्निजालैः ॥
किं नाम लोकेष्व् अविषह्यम् अस्ति; कृष्णस्य सर्वेषु सदैवतेषु ॥
आत्तायुधस्योत्तमबाणपाणेश्; चक्रायुधस्याप्रतिमस्य युद्धे ॥
ततो ऽनिरुद्धो ऽप्य् असिचर्मपाणिर्; महीम् इमां धार्तराष्ट्रैर् विसंज्ञैः ॥
हृतोत्तमाङ्गैर् निहतैः करोतु; कीर्णां कुशैर् वेदिम् इवाध्वरेषु ॥
गदोल्मुकौ बाहुकभानुनीथाः; शूरश् च संख्ये निशठः कुमारः ॥
रणोत्कटौ सारणचारुदेष्णौ; कुलोचितं विप्रथयन्तु कर्म ॥
सवृष्णिभोजान्धकयोधमुख्या; समागता क्षत्रियशूरसेना ॥
हत्वा रणे तान् धृतराष्ट्रपुत्रांल्; लोके यशः स्फीतम् उपाकरोतु ॥
ततो ऽभिमन्युः पृथिवीं प्रशास्तु; यावद् व्रतं धर्मभृतां वरिष्ठः ॥
युधिष्ठिरः पारयते महात्मा; द्यूते यथोक्तं कुरुसत्तमेन ॥
अस्मत्प्रमुक्तैर् विशिखैर् जितारिस्; ततो महीं भोक्ष्यति धर्मराजः ॥
निर्धार्तराष्ट्रां हतसूतपुत्राम्; एतद् धि नः कृत्यतमं यशश्यम् ॥
bhrātā ca me yaś ca sakhā guruś ca; janārdanasyātmasamaś ca pārthaḥ ||
yadartham abhyudyatam uttamaṃ tat; karoti karmāgryam apāraṇīyam ||
tasyāstravarṣāṇy aham uttamāstrair; vihatya sarvāṇi raṇe 'bhibhūya ||
kāyāc chiraḥ sarpaviṣāgnikalpaiḥ; śarottamair unmathitāsmi rāma ||
khaḍgena cāhaṃ niśitena saṃkhye; kāyāc chiras tasya balāt pramathya ||
tato 'sya sarvān anugān haniṣye; duryodhanaṃ cāpi kurūṃś ca sarvān ||
āttāyudhaṃ mām iha rauhiṇeya; paśyantu bhaumā yudhi jātaharṣāḥ ||
nighnantam ekaṃ kuruyodhamukhyān; kāle mahākakṣam ivāntakāgniḥ ||
pradyumnamuktān niśitān na śaktāḥ; soḍhuṃ kṛpadroṇavikarṇakarṇāḥ ||
jānāmi vīryaṃ ca tavātmajasya; kārṣṇir bhavaty eṣa yathā raṇasthaḥ ||
sāmbaḥ sasūtaṃ sarathaṃ bhujābhyāṃ; duḥśāsanaṃ śāstu balāt pramathya ||
na vidyate jāmbavatīsutasya; raṇe 'viṣahyaṃ hi raṇotkaṭasya ||
etena bālena hi śambarasya; daityasya sainyaṃ sahasā praṇunnam ||
vṛttorur atyāyatapīnabāhur; etena saṃkhye nihato 'śvacakraḥ ||
ko nāma sāmbasya raṇe manuṣyo; gatvāntaraṃ vai bhujayor dhareta ||
yathā praviśyāntaram antakasya; kāle manuṣyo na viniṣkrameta ||
tathā praviśyāntaram asya saṃkhye; ko nāma jīvan punar āvrajeta ||
droṇaṃ ca bhīṣmaṃ ca mahārathau tau; sutair vṛtaṃ cāpy atha somadattam ||
sarvāṇi sainyāni ca vāsudevaḥ; pradhakṣyate sāyakavahnijālaiḥ ||
kiṃ nāma lokeṣv aviṣahyam asti; kṛṣṇasya sarveṣu sadaivateṣu ||
āttāyudhasyottamabāṇapāṇeś; cakrāyudhasyāpratimasya yuddhe ||
tato 'niruddho 'py asicarmapāṇir; mahīm imāṃ dhārtarāṣṭrair visaṃjñaiḥ ||
hṛtottamāṅgair nihataiḥ karotu; kīrṇāṃ kuśair vedim ivādhvareṣu ||
gadolmukau bāhukabhānunīthāḥ; śūraś ca saṃkhye niśaṭhaḥ kumāraḥ ||
raṇotkaṭau sāraṇacārudeṣṇau; kulocitaṃ viprathayantu karma ||
savṛṣṇibhojāndhakayodhamukhyā; samāgatā kṣatriyaśūrasenā ||
hatvā raṇe tān dhṛtarāṣṭraputrāṃl; loke yaśaḥ sphītam upākarotu ||
tato 'bhimanyuḥ pṛthivīṃ praśāstu; yāvad vrataṃ dharmabhṛtāṃ variṣṭhaḥ ||
yudhiṣṭhiraḥ pārayate mahātmā; dyūte yathoktaṃ kurusattamena ||
asmatpramuktair viśikhair jitāris; tato mahīṃ bhokṣyati dharmarājaḥ ||
nirdhārtarāṣṭrāṃ hatasūtaputrām; etad dhi naḥ kṛtyatamaṃ yaśaśyam ||
"Partha is my brother, my friend, and my teacher, and to Janardana he is as his own self. For his sake the highest deed, hard to accomplish, is undertaken. In battle I shall beat back with my finest weapons every storm of his arrows, overpower him, and with the choicest shafts, like serpent-venom and fire, tear the head from his body, Rama. With a sharpened sword in the fight I shall by force sever his head from his body, and then slay all his companions, Duryodhana and all the Kurus. Let the kings of the earth, rejoicing in the battle, behold me here, weapon in hand, alone slaying the chief warriors of the Kurus, as the fire at the end of time consumes a vast forest. Kripa, Drona, Vikarna, and Karna will not be able to withstand the sharp arrows loosed by Pradyumna. I know the valor of your son: such is Karshni when he stands in battle. Samba with his own arms will crush Duhshasana together with his chariot and charioteer; for the son of Jambavati, fierce in battle, nothing is beyond his strength. By this same boy the army of the daitya Shambara was once suddenly routed; round-thighed, long-armed, and broad-shouldered, he struck it down in battle. As a man who enters the realm of Antaka at the time of death does not come back out, so what man, having entered the space between his arms in battle, would return alive? Vasudeva with nets of fiery arrows will burn Drona and Bhishma, those two great chariot-warriors, Somadatta with his sons, and all their armies. What in all the worlds, among all the gods, is beyond Krishna once he is armed, holding his finest arrows and his discus, unmatched in battle? Then Aniruddha, sword and shield in hand, will make this earth strewn with the beheaded Dhartarashtras, slain, as an altar at a sacrifice is strewn with kusha grass. Gada, Ulmuka, Bahuka, Bhanu, Shura, Nishatha, Kumara, Sarana, and Charudeshna, fierce in battle, will perform a deed worthy of their lineage. Let the gathered army of the chief warriors of the Vrishnis, Bhojas, and Andhakas slay the sons of Dhritarashtra in battle and win wide renown. Then let Abhimanyu rule the earth while the great-souled Yudhishthira, foremost upholder of dharma, completes the vow, as was declared at the dice game by the best of the Kurus. And once our arrows have conquered the enemy, the King of Dharma will possess the earth free of the Dhartarashtras and the charioteer's son. This is our most necessary and most glorious task."
30a65f84dffa · प्रकाशित 16 जुल॰ 2026, 5:02:55 pm UTC
उपलब्ध भाषाएँRUENश्लोक बदलें इन कुंजियों से
Satyaki's speech shines with loyalty, yet it already carries an impatience with the law of time. Devotion must know how to do more than rush into battle -- it must also wait upon the will of the righteous king.