जनमेजय उवाच
एवं वने वर्तमाना नराग्र्याः; शीतोष्णवातातपकर्शिताङ्गाः ॥
सरस् तद् आसाद्य वनं च पुण्यं; ततः परं किम् अकुर्वन्त पार्थाः ॥
वैशंपायन उवाच
सरस् तद् आसाद्य तु पाण्डुपुत्रा; जनं समुत्सृज्य विधाय चैषाम् ॥
वनानि रम्याण्य् अथ पर्वतांश् च; नदीप्रदेशांश् च तदा विचेरुः ॥
तथा वने तान् वसतः प्रवीरान्; स्वाध्यायवन्तश् च तपोधनाश् च ॥
अभ्याययुर् वेदविदः पुराणास्; तान् पूजयाम् आसुर् अथो नराग्र्याः ॥
ततः कदा चित् कुशलः कथासु; विप्रो ऽभ्यगच्छद् भुवि कौरवेयान् ॥
स तैः समेत्याथ यदृच्छयैव; वैचित्रवीर्यं नृपम् अभ्यगच्छत् ॥
अथोपविष्टः प्रतिसत्कृतश् च; वृद्धेन राज्ञा कुरुसत्तमेन ॥
प्रचोदितः सन् कथयां बभूव; धर्मानिलेन्द्रप्रभवान् यमौ च ॥
कृशांश् च वातातपकर्शिताङ्गान्; दुःखस्य चोग्रस्य मुखे प्रपन्नान् ॥
तां चाप्य् अनाथाम् इव वीरनाथां; कृष्णां परिक्लेशगुणेन युक्ताम् ॥
ततः कथां तस्य निशम्य राजा; वैचित्रवीर्यः कृपयाभितप्तः ॥
वने स्थितान् पार्थिवपुत्रपौत्राञ्; श्रुत्वा तदा दुःखनदीं प्रपन्नान् ॥
प्रोवाच दैन्याभिहतान्तरात्मा; निःश्वासबाष्पोपहतः स पार्थान् ॥
वाचं कथं चित् स्थिरताम् उपेत्य; तत् सर्वम् आत्मप्रभवं विचिन्त्य ॥
janamejaya uvāca
evaṃ vane vartamānā narāgryāḥ; śītoṣṇavātātapakarśitāṅgāḥ ||
saras tad āsādya vanaṃ ca puṇyaṃ; tataḥ paraṃ kim akurvanta pārthāḥ ||
vaiśaṃpāyana uvāca
saras tad āsādya tu pāṇḍuputrā; janaṃ samutsṛjya vidhāya caiṣām ||
vanāni ramyāṇy atha parvatāṃś ca; nadīpradeśāṃś ca tadā viceruḥ ||
tathā vane tān vasataḥ pravīrān; svādhyāyavantaś ca tapodhanāś ca ||
abhyāyayur vedavidaḥ purāṇās; tān pūjayām āsur atho narāgryāḥ ||
tataḥ kadā cit kuśalaḥ kathāsu; vipro 'bhyagacchad bhuvi kauraveyān ||
sa taiḥ sametyātha yadṛcchayaiva; vaicitravīryaṃ nṛpam abhyagacchat ||
athopaviṣṭaḥ pratisatkṛtaś ca; vṛddhena rājñā kurusattamena ||
pracoditaḥ san kathayāṃ babhūva; dharmānilendraprabhavān yamau ca ||
kṛśāṃś ca vātātapakarśitāṅgān; duḥkhasya cograsya mukhe prapannān ||
tāṃ cāpy anāthām iva vīranāthāṃ; kṛṣṇāṃ parikleśaguṇena yuktām ||
tataḥ kathāṃ tasya niśamya rājā; vaicitravīryaḥ kṛpayābhitaptaḥ ||
vane sthitān pārthivaputrapautrāñ; śrutvā tadā duḥkhanadīṃ prapannān ||
provāca dainyābhihatāntarātmā; niḥśvāsabāṣpopahataḥ sa pārthān ||
vācaṃ kathaṃ cit sthiratām upetya; tat sarvam ātmaprabhavaṃ vicintya ||
Janamejaya said: 'Living thus in the forest, their bodies wasted by cold, heat, wind, and sun, after reaching that lake and the sacred forest, what did the best of men, the Pārthas, do next?' Vaishampayana answered: 'Having reached that lake, the sons of Pandu released their attendants, arranged their affairs, and themselves wandered through delightful forests, mountains, and riverside regions. While these heroes dwelt in the forest, ancient knowers of the Veda, rich in austerity and devoted to sacred study, came to them; and the best of men honored them. Once a brahmin skilled in storytelling happened to visit the Kauravas, and afterward came to King Vaichitravirya. Received with honor and seated by the aged king, at his request he began to tell of the son of Dharma, the son of the Wind, the son of Indra, and the twins — gaunt, wasted by wind and sun, having entered the mouth of grievous suffering — and of Krishna, seemingly defenseless though guarded by heroes, burdened with many hardships. Hearing his account, King Vaichitravirya was consumed by pity. Learning that the sons and grandsons of kings stood in the forest, having entered the river of suffering, he — his inmost soul struck down by wretchedness, sighing and weeping — with difficulty gathered his composure and spoke, reflecting that all of this had come about through himself.'
38a055a150fc · प्रकाशित 16 जुल॰ 2026, 5:23:50 pm UTC
उपलब्ध भाषाएँRUENश्लोक बदलें इन कुंजियों से
Dhritarashtra sees the suffering of the Pandavas and for a moment clearly recognizes the source of the calamity in himself. It is a rare flash of responsibility in the blind house of Kuru.