वैशंपायन उवाच
याते त्रिगर्तं मत्स्ये तु पशूंस् तान् स्वान् परीप्सति ॥
दुर्योधनः सहामात्यो विराटम् उपयाद् अथ ॥
भीष्मो द्रोणश् च कर्णश् च कृपश् च परमास्त्रवित् ॥
द्रौणिश् च सौबलश् चैव तथा दुःशासनः प्रभुः ॥
विविंशतिर् विकर्णश् च चित्रसेनश् च वीर्यवान् ॥
दुर्मुखो दुःसहश् चैव ये चैवान्ये महारथाः ॥
एते मत्स्यान् उपागम्य विराटस्य महीपतेः ॥
घोषान् विद्राव्य तरसा गोधनं जह्रुर् ओजसा ॥
षष्टिं गवां सहस्राणि कुरवः कालयन्ति ते ॥
महता रथवंशेन परिवार्य समन्ततः ॥
गोपालानां तु घोषेषु हन्यतां तैर् महारथैः ॥
आरावः सुमहान् आसीत् संप्रहारे भयंकरे ॥
गवाध्यक्षस् तु संत्रस्तो रथम् आस्थाय सत्वरः ॥
जगाम नगरायैव परिक्रोशंस् तदार्तवत् ॥
स प्रविश्य पुरं राज्ञो नृपवेश्माभ्ययात् ततः ॥
अवतीर्य रथात् तूर्णम् आख्यातुं प्रविवेश ह ॥
vaiśaṃpāyana uvāca
yāte trigartaṃ matsye tu paśūṃs tān svān parīpsati ||
duryodhanaḥ sahāmātyo virāṭam upayād atha ||
bhīṣmo droṇaś ca karṇaś ca kṛpaś ca paramāstravit ||
drauṇiś ca saubalaś caiva tathā duḥśāsanaḥ prabhuḥ ||
viviṃśatir vikarṇaś ca citrasenaś ca vīryavān ||
durmukho duḥsahaś caiva ye caivānye mahārathāḥ ||
ete matsyān upāgamya virāṭasya mahīpateḥ ||
ghoṣān vidrāvya tarasā godhanaṃ jahrur ojasā ||
ṣaṣṭiṃ gavāṃ sahasrāṇi kuravaḥ kālayanti te ||
mahatā rathavaṃśena parivārya samantataḥ ||
gopālānāṃ tu ghoṣeṣu hanyatāṃ tair mahārathaiḥ ||
ārāvaḥ sumahān āsīt saṃprahāre bhayaṃkare ||
gavādhyakṣas tu saṃtrasto ratham āsthāya satvaraḥ ||
jagāma nagarāyaiva parikrośaṃs tadārtavat ||
sa praviśya puraṃ rājño nṛpaveśmābhyayāt tataḥ ||
avatīrya rathāt tūrṇam ākhyātuṃ praviveśa ha ||
Vaishampayana said: “When Matsya had gone forth against the Trigartas, seeking to protect his own cattle, Duryodhana, together with his counselors, advanced upon Virata. Bhishma, Drona, Karna, Kripa the knower of the highest weapons, Drauni, Saubala, lord Duhshasana, Vivimshati, Vikarna, mighty Chitrasena, Durmukha, Duhsaha, and other great chariot-warriors—all of them, having come upon the Matsyas, upon the land of King Virata, swiftly scattered the herdsmen's camps and by force carried off the wealth of cattle. The Kurus drove off sixty thousand cows, surrounding them on every side with a great array of chariots. Among the herdsmen's camps, as those great chariot-warriors struck them down, a tremendous outcry arose in the terrible onslaught. The terrified chief of the cowherds mounted his chariot in haste and sped straight for the city, wailing as one in anguish. Entering the city, he went to the king's palace, quickly descended from his chariot, and went in to tell what had happened.”
ae5d64464306 · प्रकाशित 16 जुल॰ 2026, 6:23:49 pm UTC
उपलब्ध भाषाएँRUENश्लोक बदलें इन कुंजियों से
The Kauravas' plan counts on an empty city. They strike not at a strong army but at a defenseless household, and so the raid at once lays bare the moral character of the conflict.