तस्मिन् वसंश् च बीभत्सुर् आनिनाय जनार्दनम् ॥
आनर्तेभ्यो ऽपि दाशार्हान् अभिमन्युं च पाण्डवः ॥
काशिराजश् च शैब्यश् च प्रीयमाणौ युधिष्ठिरे ॥
अक्षौहिणीभ्यां सहिताव् आगतौ पृथिवीपते ॥
अक्षौहिण्या च तेजस्वी यज्ञसेनो महाबलः ॥
द्रौपद्याश् च सुता वीराः शिखण्डी चापराजितः ॥
धृष्टद्युम्नश् च दुर्धर्षः सर्वशस्त्रभृतां वरः ॥
समस्ताक्षौहिणीपाला यज्वानो भूरिदक्षिणाः ॥
सर्वे शस्त्रास्त्रसंपन्नाः सर्वे शूरास् तनुत्यजः ॥
तान् आगतान् अभिप्रेक्ष्य मत्स्यो धर्मभृतां वरः ॥
प्रीतो ऽभवद् दुहितरं दत्त्वा ताम् अभिमन्यवे ॥
ततः प्रत्युपयातेषु पार्थिवेषु ततस् ततः ॥
तत्रागमद् वासुदेवो वनमाली हलायुधः ॥
कृतवर्मा च हार्दिक्यो युयुधानश् च सात्यकिः ॥
अनाधृष्टिस् तथाक्रूरः साम्बो निशठ एव च ॥
अभिमन्युम् उपादाय सह मात्रा परंतपाः ॥
इन्द्रसेनादयश् चैव रथैस् तैः सुसमाहितैः ॥
आययुः सहिताः सर्वे परिसंवत्सरोषिताः ॥
दश नागसहस्राणि हयानां च शतायुतम् ॥
रथानाम् अर्बुदं पूर्णं निखर्वं च पदातिनाम् ॥
वृष्ण्यन्धकाश् च बहवो भोजाश् च परमौजसः ॥
अन्वयुर् वृष्णिशार्दूलं वासुदेवं महाद्युतिम् ॥
पारिबर्हं ददौ कृष्णः पाण्डवानां महात्मनाम् ॥
स्त्रियो रत्नानि वासांसि पृथक् पृथग् अनेकशः ॥
ततो विवाहो विधिवद् ववृते मत्स्यपार्थयोः ॥
tasmin vasaṃś ca bībhatsur ānināya janārdanam ||
ānartebhyo 'pi dāśārhān abhimanyuṃ ca pāṇḍavaḥ ||
kāśirājaś ca śaibyaś ca prīyamāṇau yudhiṣṭhire ||
akṣauhiṇībhyāṃ sahitāv āgatau pṛthivīpate ||
akṣauhiṇyā ca tejasvī yajñaseno mahābalaḥ ||
draupadyāś ca sutā vīrāḥ śikhaṇḍī cāparājitaḥ ||
dhṛṣṭadyumnaś ca durdharṣaḥ sarvaśastrabhṛtāṃ varaḥ ||
samastākṣauhiṇīpālā yajvāno bhūridakṣiṇāḥ ||
sarve śastrāstrasaṃpannāḥ sarve śūrās tanutyajaḥ ||
tān āgatān abhiprekṣya matsyo dharmabhṛtāṃ varaḥ ||
prīto 'bhavad duhitaraṃ dattvā tām abhimanyave ||
tataḥ pratyupayāteṣu pārthiveṣu tatas tataḥ ||
tatrāgamad vāsudevo vanamālī halāyudhaḥ ||
kṛtavarmā ca hārdikyo yuyudhānaś ca sātyakiḥ ||
anādhṛṣṭis tathākrūraḥ sāmbo niśaṭha eva ca ||
abhimanyum upādāya saha mātrā paraṃtapāḥ ||
indrasenādayaś caiva rathais taiḥ susamāhitaiḥ ||
āyayuḥ sahitāḥ sarve parisaṃvatsaroṣitāḥ ||
daśa nāgasahasrāṇi hayānāṃ ca śatāyutam ||
rathānām arbudaṃ pūrṇaṃ nikharvaṃ ca padātinām ||
vṛṣṇyandhakāś ca bahavo bhojāś ca paramaujasaḥ ||
anvayur vṛṣṇiśārdūlaṃ vāsudevaṃ mahādyutim ||
pāribarhaṃ dadau kṛṣṇaḥ pāṇḍavānāṃ mahātmanām ||
striyo ratnāni vāsāṃsi pṛthak pṛthag anekaśaḥ ||
tato vivāho vidhivad vavṛte matsyapārthayoḥ ||
While dwelling there, Bibhatsu brought Janardana from among the Anartas and the Dasharhas, and the Pandava Abhimanyu as well. The king of Kashi and Shaibya, delighting in Yudhishthira, arrived with two akshauhinis, O lord of the earth. The mighty Yajnasena came with an akshauhini; the heroic sons of Draupadi came, along with the unconquered Shikhandin and the formidable Dhrishtadyumna, foremost among wielders of weapons, and all the lords of the akshauhinis — performers of sacrifices who had given generous fees, armed with weapons and divine missiles, heroes ready to give up their bodies. Beholding their arrival, Matsya, best among upholders of dharma, rejoiced and gave his daughter to Abhimanyu. When the kings had returned from every quarter, Vasudeva, wearer of the forest garland, came there together with Halayudha. Kritavarman Hardikya came, and Yuyudhana Satyaki, Anadhrishti, Akrura, Samba, and Nishatha as well, bringing Abhimanyu and his mother with them. Indrasena and the others, who had spent the year in readiness, also arrived together on their well-appointed chariots. Ten thousand elephants, a hundred thousand horses, a full arbuda of chariots, and a nikharva of foot-soldiers attended the many Vrishnis and Andhakas and the mighty Bhojas, who followed the radiant Vasudeva, tiger among the Vrishnis. Krishna gave the great-souled Pandavas a bridal gift — women, jewels, and garments, each in abundance and of many kinds. Then, according to the proper rite, the wedding of the Matsyas and Parthas took place.
0dd954e9c6b9 · प्रकाशित 16 जुल॰ 2026, 6:42:56 pm UTC
उपलब्ध भाषाएँRUENश्लोक बदलें इन कुंजियों से
The wedding gathers together the forces that will soon become an alliance of dharma on the field of Kurukshetra. The joy of celebration already carries the shadow of the war to come, yet in this moment it seals a righteous bond.