वैशंपायन उवाच
ततः सत्कृत्य वार्ष्णेयं विराटः पृथिवीपतिः ॥
गृहान् प्रस्थापयाम् आस सगणं सहबान्धवम् ॥
द्वारकां तु गते कृष्णे युधिष्ठिरपुरोगमाः ॥
चक्रुः सांग्रामिकं सर्वं विराटश् च महीपतिः ॥
ततः संप्रेषयाम् आस विराटः सह बान्धवैः ॥
सर्वेषां भूमिपालानां द्रुपदश् च महीपतिः ॥
वचनात् कुरुसिंहानां मत्स्यपाञ्चालयोश् च ते ॥
समाजग्मुर् महीपालाः संप्रहृष्टा महाबलाः ॥
तच् छ्रुत्वा पाण्डुपुत्राणां समागच्छन् महद् बलम् ॥
धृतराष्ट्रसुतश् चापि समानिन्ये महीपतीन् ॥
vaiśaṃpāyana uvāca
tataḥ satkṛtya vārṣṇeyaṃ virāṭaḥ pṛthivīpatiḥ ||
gṛhān prasthāpayām āsa sagaṇaṃ sahabāndhavam ||
dvārakāṃ tu gate kṛṣṇe yudhiṣṭhirapurogamāḥ ||
cakruḥ sāṃgrāmikaṃ sarvaṃ virāṭaś ca mahīpatiḥ ||
tataḥ saṃpreṣayām āsa virāṭaḥ saha bāndhavaiḥ ||
sarveṣāṃ bhūmipālānāṃ drupadaś ca mahīpatiḥ ||
vacanāt kurusiṃhānāṃ matsyapāñcālayoś ca te ||
samājagmur mahīpālāḥ saṃprahṛṣṭā mahābalāḥ ||
tac chrutvā pāṇḍuputrāṇāṃ samāgacchan mahad balam ||
dhṛtarāṣṭrasutaś cāpi samāninye mahīpatīn ||
Vaishampayana said: 'Then King Virata, having honored the Vrishni scion, sent him home together with his retinue and kinsmen. And after Krishna had departed for Dvaraka, Yudhishthira and his followers, together with King Virata, began preparing for war. Virata and his kinsmen sent word to all the kings, and King Drupada did likewise. And at the bidding of these lions of the Kuru race, and of the two kings of the Matsyas and Panchalas, many lords of the earth, endowed with great might, came to that place with joyful hearts. And when the sons of Dhritarashtra heard that the Pandavas had gathered a great army, they too gathered many rulers of the earth.'
a3973b67d63b · प्रकाशित 17 जुल॰ 2026, 3:22:50 am UTC
उपलब्ध भाषाएँRUENश्लोक बदलें इन कुंजियों से
This passage (5.5.11-15) develops the central theme of the Udyoga-parva: the effort for peace unfolds already against the backdrop of an unavoidable war. Key figures: Krishna, Dhritarashtra. Dharma reveals itself here through speech, the choice of an embassy, fidelity to promises, and the responsibility of kings for the consequences of their decisions.