धिङ् मां धिक् शाल्वराजानं धिग् धातारम् अथापि च ॥
येषां दुर्नीतभावेन प्राप्तास्म्य् आपदम् उत्तमाम् ॥
सर्वथा भागधेयानि स्वानि प्राप्नोति मानवः ॥
अनयस्यास्य तु मुखं भीष्मः शांतनवो मम ॥
सा भीष्मे प्रतिकर्तव्यम् अहं पश्यामि सांप्रतम् ॥
तपसा वा युधा वापि दुःखहेतुः स मे मतः ॥
को नु भीष्मं युधा जेतुम् उत्सहेत महीपतिः ॥
एवं सा परिनिश्चित्य जगाम नगराद् बहिः ॥
आश्रमं पुण्यशीलानां तापसानां महात्मनाम् ॥
ततस् ताम् अवसद् रात्रिं तापसैः परिवारिता ॥
आचख्यौ च यथा वृत्तं सर्वम् आत्मनि भारत ॥
विस्तरेण महाबाहो निखिलेन शुचिस्मिता ॥
हरणं च विसर्गं च शाल्वेन च विसर्जनम् ॥
dhiṅ māṃ dhik śālvarājānaṃ dhig dhātāram athāpi ca ||
yeṣāṃ durnītabhāvena prāptāsmy āpadam uttamām ||
sarvathā bhāgadheyāni svāni prāpnoti mānavaḥ ||
anayasyāsya tu mukhaṃ bhīṣmaḥ śāṃtanavo mama ||
sā bhīṣme pratikartavyam ahaṃ paśyāmi sāṃpratam ||
tapasā vā yudhā vāpi duḥkhahetuḥ sa me mataḥ ||
ko nu bhīṣmaṃ yudhā jetum utsaheta mahīpatiḥ ||
evaṃ sā pariniścitya jagāma nagarād bahiḥ ||
āśramaṃ puṇyaśīlānāṃ tāpasānāṃ mahātmanām ||
tatas tām avasad rātriṃ tāpasaiḥ parivāritā ||
ācakhyau ca yathā vṛttaṃ sarvam ātmani bhārata ||
vistareṇa mahābāho nikhilena śucismitā ||
haraṇaṃ ca visargaṃ ca śālvena ca visarjanam ||
'Shame on me, shame on King Shalva, and shame on the Creator too, by whose ill decree I have fallen into the greatest misfortune. In any case, a person receives his own allotted portion of fate; but the beginning of this misfortune of mine was Bhishma, son of Shantanu. Now I see that retribution must be exacted against Bhishma, whether by austerity or by battle. He, in my judgment, is the cause of my suffering. But what lord of the earth would dare to conquer Bhishma in battle?' Having thus firmly resolved, she left the city and went to the hermitage of the noble-minded ascetics of holy conduct. She then spent the night there, surrounded by ascetics. O Bharata, the bright-smiling one told them everything that had happened to her, in full and complete detail -- the abduction, the releasing, and the rejection by Shalva.
09ea69164875 · प्रकाशित 17 जुल॰ 2026, 6:36:31 am UTC
उपलब्ध भाषाएँRUENश्लोक बदलें इन कुंजियों से
After Shalva's rejection, Amba turns her pain into resolve for the first time. She still wavers over whom to blame -- herself, her father, Shalva, fate, or Bhishma -- but gradually comes to see Bhishma as the central knot of her misfortune. Her turn to austerity is significant: lacking any social support, she seeks strength not in the protection of kin but in tapas. Thus personal humiliation becomes a long path of retribution that will later return on the field of Kurukshetra.