व्यूहं दृष्ट्वा तु तत् सैन्यं पिता देवव्रतस् तव ॥
क्रौञ्चेन महता राजन् प्रत्यव्यूहत वाहिनीम् ॥
तस्य तुण्डे महेष्वासो भारद्वाजो व्यरोचत ॥
अश्वत्थामा कृपश् चैव चक्षुर् आस्तां नरेश्वर ॥
कृतवर्मा तु सहितः काम्बोजारट्टबाह्लिकैः ॥
शिरस्य् आसीन् नरश्रेष्ठः श्रेष्ठः सर्वधनुष्मताम् ॥
ग्रीवायां शूरसेनस् तु तव पुत्रश् च मारिष ॥
दुर्योधनो महाराज राजभिर् बहुभिर् वृतः ॥
प्राग्ज्योतिषस् तु सहितः मद्रसौवीरकेकयैः ॥
उरस्य् अभून् नरश्रेष्ठ महत्या सेनया वृतः ॥
स्वसेनया च सहितः सुशर्मा प्रस्थलाधिपः ॥
वामं पक्षं समाश्रित्य दंशितः समवस्थितः ॥
तुषारा यवनाश् चैव शकाश् च सह चूचुपैः ॥
दक्षिणं पक्षम् आश्रित्य स्थिता व्यूहस्य भारत ॥
श्रुतायुश् च शतायुश् च सौमदत्तिश् च मारिष ॥
व्यूहस्य जघने तस्थू रक्षमाणाः परस्परम् ॥
ततो युद्धाय संजग्मुः पाण्डवाः कौरवैः सह ॥
सूर्योदये महाराज ततो युद्धम् अभून् महत् ॥
vyūhaṃ dṛṣṭvā tu tat sainyaṃ pitā devavratas tava ||
krauñcena mahatā rājan pratyavyūhata vāhinīm ||
tasya tuṇḍe maheṣvāso bhāradvājo vyarocata ||
aśvatthāmā kṛpaś caiva cakṣur āstāṃ nareśvara ||
kṛtavarmā tu sahitaḥ kāmbojāraṭṭabāhlikaiḥ ||
śirasy āsīn naraśreṣṭhaḥ śreṣṭhaḥ sarvadhanuṣmatām ||
grīvāyāṃ śūrasenas tu tava putraś ca māriṣa ||
duryodhano mahārāja rājabhir bahubhir vṛtaḥ ||
prāgjyotiṣas tu sahitaḥ madrasauvīrakekayaiḥ ||
urasy abhūn naraśreṣṭha mahatyā senayā vṛtaḥ ||
svasenayā ca sahitaḥ suśarmā prasthalādhipaḥ ||
vāmaṃ pakṣaṃ samāśritya daṃśitaḥ samavasthitaḥ ||
tuṣārā yavanāś caiva śakāś ca saha cūcupaiḥ ||
dakṣiṇaṃ pakṣam āśritya sthitā vyūhasya bhārata ||
śrutāyuś ca śatāyuś ca saumadattiś ca māriṣa ||
vyūhasya jaghane tasthū rakṣamāṇāḥ parasparam ||
tato yuddhāya saṃjagmuḥ pāṇḍavāḥ kauravaiḥ saha ||
sūryodaye mahārāja tato yuddham abhūn mahat ||
Having seen that army arrayed, your father Devavrata, o king, drew up his own army in the great krauncha formation to meet it. At its beak shone the great archer Bharadvaja; Ashvatthaman and Kripa were its eyes, o lord of men. Kritavarman, best of men and a superb bowman, together with the Kambojas, Arattas, and Bahlikas, stood at the head. At the neck were Shurasena and your son, o venerable one, King Duryodhana, surrounded by many kings, o great king. Pragjyotisha, together with the Madras, Sauviras, and Kekayas, surrounded by a large army, was at the chest, o best of men. Susharman, lord of Prasthala, together with his own army, took up the left wing and stood there armed. The Tusharas, Yavanas, Shakas, and Chuchupas took up the right wing of the formation, o Bharata. Shrutayus, Shatayus, and Saumadatti stood at the rear of the formation, o venerable one, guarding one another. Then the Pandavas and the Kauravas came together for battle, and at sunrise, o great king, a great battle began.'
0ef590b44949 · प्रकाशित 17 जुल॰ 2026, 9:38:20 pm UTC
उपलब्ध भाषाएँRUENश्लोक बदलें इन कुंजियों से
Bhishma answers the Pandavas' makara with the krauncha: both armies become symbolic bodies, with beak, eyes, neck, chest, and wings. Yet beneath the beauty of these formations lies an immediate collision.