संजय उवाच
ततो दुर्योधनो राजा लोहितायति भास्करे ॥
संग्रामरभसो भीमं हन्तुकामो ऽभ्यधावत ॥
तम् आयान्तम् अभिप्रेक्ष्य नृवीरं दृढवैरिणम् ॥
भीमसेनः सुसंक्रुद्ध इदं वचनम् अब्रवीत् ॥
अयं स कालः संप्राप्तो वर्षपूगाभिकाङ्क्षितः ॥
अद्य त्वां निहनिष्यामि यदि नोत्सृजसे रणम् ॥
अद्य कुन्त्याः परिक्लेशं वनवासं च कृत्स्नशः ॥
द्रौपद्याश् च परिक्लेशं प्रणोत्स्यामि हते त्वयि ॥
यत् त्वं दुरोदरो भूत्वा पाण्डवान् अवमन्यसे ॥
तस्य पापस्य गान्धारे पश्य व्यसनम् आगतम् ॥
कर्णस्य मतम् आज्ञाय सौबलस्य च यत् पुरा ॥
अचिन्त्य पाण्डवान् कामाद् यथेष्टं कृतवान् असि ॥
याचमानं च यन् मोहाद् दाशार्हम् अवमन्यसे ॥
उलूकस्य समादेशं यद् ददासि च हृष्टवत् ॥
अद्य त्वा निहनिष्यामि सानुबन्धं सबान्धवम् ॥
समीकरिष्ये तत् पापं यत् पुरा कृतवान् असि ॥
एवम् उक्त्वा धनुर् घोरं विकृष्योद्भ्राम्य चासकृत् ॥
समादाय शरान् घोरान् महाशनिसमप्रभान् ॥
षड्विंशत् तरसा क्रुद्धो मुमोचाशु सुयोधने ॥
ज्वलिताग्निशिखाकारान् वज्रकल्पान् अजिह्मगान् ॥
ततो ऽस्य कार्मुकं द्वाभ्यां सूतं द्वाभ्यां च विव्यधे ॥
चतुर्भिर् अश्वाञ् जवनान् अनयद् यमसादनम् ॥
द्वाभ्यां च सुविकृष्टाभ्यां शराभ्याम् अरिमर्दनः ॥
छत्रं चिच्छेद समरे राज्ञस् तस्य रथोत्तमात् ॥
त्रिभिश् च तस्य चिच्छेद ज्वलन्तं ध्वजम् उत्तमम् ॥
छित्त्वा तं च ननादोच्चैस् तव पुत्रस्य पश्यतः ॥
रथाच् च स ध्वजः श्रीमान् नानारत्नविभूषितः ॥
पपात सहसा भूमिं विद्युज् जलधराद् इव ॥
ज्वलन्तं सूर्यसंकाशं नागं मणिमयं शुभम् ॥
ध्वजं कुरुपतेश् छिन्नं ददृशुः सर्वपार्थिवाः ॥
अथैनं दशभिर् बाणैस् तोत्त्रैर् इव महागजम् ॥
आजघान रणे भीमः स्मयन्न् इव महारथः ॥
ततस् तु राजा सिन्धूनां रथश्रेष्ठो जयद्रथः ॥
दुर्योधनस्य जग्राह पार्ष्णिं सत्पुरुषोचिताम् ॥
कृपश् च रथिनां श्रेष्ठः कौरव्यम् अमितौजसम् ॥
आरोपयद् रथं राजन् दुर्योधनम् अमर्षणम् ॥
स गाढविद्धो व्यथितो भीमसेनेन संयुगे ॥
निषसाद रथोपस्थे राजा दुर्योधनस् तदा ॥
परिवार्य ततो भीमं हन्तुकामो जयद्रथः ॥
रथैर् अनेकसाहस्रैर् भीमस्यावारयद् दिशः ॥
saṃjaya uvāca
tato duryodhano rājā lohitāyati bhāskare ||
saṃgrāmarabhaso bhīmaṃ hantukāmo 'bhyadhāvata ||
tam āyāntam abhiprekṣya nṛvīraṃ dṛḍhavairiṇam ||
bhīmasenaḥ susaṃkruddha idaṃ vacanam abravīt ||
ayaṃ sa kālaḥ saṃprāpto varṣapūgābhikāṅkṣitaḥ ||
adya tvāṃ nihaniṣyāmi yadi notsṛjase raṇam ||
adya kuntyāḥ parikleśaṃ vanavāsaṃ ca kṛtsnaśaḥ ||
draupadyāś ca parikleśaṃ praṇotsyāmi hate tvayi ||
yat tvaṃ durodaro bhūtvā pāṇḍavān avamanyase ||
tasya pāpasya gāndhāre paśya vyasanam āgatam ||
karṇasya matam ājñāya saubalasya ca yat purā ||
acintya pāṇḍavān kāmād yatheṣṭaṃ kṛtavān asi ||
yācamānaṃ ca yan mohād dāśārham avamanyase ||
ulūkasya samādeśaṃ yad dadāsi ca hṛṣṭavat ||
adya tvā nihaniṣyāmi sānubandhaṃ sabāndhavam ||
samīkariṣye tat pāpaṃ yat purā kṛtavān asi ||
evam uktvā dhanur ghoraṃ vikṛṣyodbhrāmya cāsakṛt ||
samādāya śarān ghorān mahāśanisamaprabhān ||
ṣaḍviṃśat tarasā kruddho mumocāśu suyodhane ||
jvalitāgniśikhākārān vajrakalpān ajihmagān ||
tato 'sya kārmukaṃ dvābhyāṃ sūtaṃ dvābhyāṃ ca vivyadhe ||
caturbhir aśvāñ javanān anayad yamasādanam ||
dvābhyāṃ ca suvikṛṣṭābhyāṃ śarābhyām arimardanaḥ ||
chatraṃ ciccheda samare rājñas tasya rathottamāt ||
tribhiś ca tasya ciccheda jvalantaṃ dhvajam uttamam ||
chittvā taṃ ca nanādoccais tava putrasya paśyataḥ ||
rathāc ca sa dhvajaḥ śrīmān nānāratnavibhūṣitaḥ ||
papāta sahasā bhūmiṃ vidyuj jaladharād iva ||
jvalantaṃ sūryasaṃkāśaṃ nāgaṃ maṇimayaṃ śubham ||
dhvajaṃ kurupateś chinnaṃ dadṛśuḥ sarvapārthivāḥ ||
athainaṃ daśabhir bāṇais tottrair iva mahāgajam ||
ājaghāna raṇe bhīmaḥ smayann iva mahārathaḥ ||
tatas tu rājā sindhūnāṃ rathaśreṣṭho jayadrathaḥ ||
duryodhanasya jagrāha pārṣṇiṃ satpuruṣocitām ||
kṛpaś ca rathināṃ śreṣṭhaḥ kauravyam amitaujasam ||
āropayad rathaṃ rājan duryodhanam amarṣaṇam ||
sa gāḍhaviddho vyathito bhīmasenena saṃyuge ||
niṣasāda rathopasthe rājā duryodhanas tadā ||
parivārya tato bhīmaṃ hantukāmo jayadrathaḥ ||
rathair anekasāhasrair bhīmasyāvārayad diśaḥ ||
Sanjaya said: 'As the sun began to redden, King Duryodhana, seized by the fury of battle and desiring to kill Bhima, charged at him. Seeing this hero and long-standing enemy approaching, greatly enraged Bhimasena spoke these words: "Now has come that very hour for which I have waited for so many years. Today I will kill you, unless you abandon the battlefield. Today, once you are slain, I will put an end to the suffering of Kunti, the whole span of our forest exile, and the suffering of Draupadi. You became an evil gamester and scorned the Pandavas; now, son of Gandhari, behold the calamity that has come upon you for that sin. Having earlier accepted the counsel of Karna and of Saubala, you acted willfully as you pleased, giving no thought to the Pandavas. In your delusion you scorned the Dasharha when He sued for peace, and joyfully sent your message through Uluka. Today I will kill you together with your followers and kinsmen, and requite the evil you committed before." Having said this, he drew his terrible bow, brandished it repeatedly, took up dreadful arrows shining like great thunderbolts, and in fury swiftly loosed twenty-six arrows at Suyodhana — shafts like blazing tongues of fire, straight-flying and like the vajra. Then with two arrows he struck his bow, with two his charioteer, and with four he sent his swift horses to the abode of Yama; with two more well-drawn arrows the crusher of foes cut down the parasol from the king's splendid chariot in that battle. With three arrows he cut down his blazing, lofty banner, and having felled it before the eyes of your son, roared aloud. That splendid banner, adorned with various jewels, suddenly fell from the chariot to the ground like lightning falling from a cloud. All the kings of the earth beheld the fallen banner of the Kuru lord — blazing like the sun, beautiful, bearing a jeweled serpent. Then Bhima, the great chariot-warrior, as if smiling, struck him with ten arrows in that battle, as one goads a great elephant. Then Jayadratha, king of the Sindhus and finest of charioteers, guarded Duryodhana's rear as befits a noble man. And Kripa, best of charioteers, raised the Kaurava of measureless might, impatient Duryodhana, onto his chariot. Deeply pierced and tormented by Bhimasena in that battle, King Duryodhana then sank down onto the seat of his chariot. After this, Jayadratha, desiring to kill Bhima, surrounded him with many thousands of chariots and closed off every direction to him.'
382b964c6261 · प्रकाशित 17 जुल॰ 2026, 9:38:21 pm UTC
उपलब्ध भाषाएँRUENश्लोक बदलें इन कुंजियों से
Bhima's speech binds the day's battle to a long chain of wrongs: the dice game, the exile, the humiliation of Draupadi, the rejected peace embassy of Krishna. His fury is not sudden — it has grown out of the memory of violated dharma, and now takes the shape of a warrior's reckoning.