Vedawordएक वैदिक पुस्तकालय
खोज
प्रवेश
महाभारत
Bhīṣma-parva, adhyāya 85 (Bhīṣma-parva, Chapter 85)6.85.27-36
5771 / 15823
महाभारत · 6.85.27-36
॥
देवनागरी

ततो भीमो रणे क्रुद्धो रभसश् च विशेषतः ॥
गजानीकं समासाद्य प्रेषयाम् आस मृत्यवे ॥
तत्र भारत भीमेन नाराचाभिहता गजाः ॥
पेतुः सेदुश् च नेदुश् च दिशश् च परिबभ्रमुः ॥
छिन्नहस्ता महानागाश् छिन्नपादाश् च मारिष ॥
क्रौञ्चवद् व्यनदन् भीताः पृथिवीम् अधिशिश्यिरे ॥
नकुलः सहदेवश् च हयानीकम् अभिद्रुतौ ॥
ते हयाः काञ्चनापीडा रुक्मभाण्डपरिच्छदाः ॥
वध्यमाना व्यदृश्यन्त शतशो ऽथ सहस्रशः ॥
पतद्भिश् च हयै राजन् समास्तीर्यत मेदिनी ॥
निर्जिह्वैश् च श्वसद्भिश् च कूजद्भिश् च गतासुभिः ॥
हयैर् बभौ नरश्रेष्ठ नानारूपधरैर् धरा ॥
अर्जुनेन हतैः संख्ये तथा भारत वाजिभिः ॥
प्रबभौ वसुधा घोरा तत्र तत्र विशां पते ॥
रथैर् भग्नैर् ध्वजैश् छिन्नैश् छत्रैश् च सुमहाप्रभैः ॥
हारैर् निष्कैः सकेयूरैः शिरोभिश् च सकुण्डलैः ॥
उष्णीषैर् अपविद्धैश् च पताकाभिश् च सर्वषः ॥
अनुकर्षैः शुभै राजन् योक्त्रैश् चव्यसुरश्मिभिः ॥
संछन्ना वसुधा भाति वसन्ते कुसुमैर् इव ॥
एवम् एष क्षयो वृत्तः पाण्डूनाम् अपि भारत ॥
क्रुद्धे शांतनवे भीष्मे द्रोणे च रथसत्तमे ॥
अश्वत्थाम्नि कृपे चैव तथैव कृतवर्मणि ॥
तथेतरेषु क्रुद्धेषु तावकानाम् अपि क्षयः ॥

लिप्यंतरण (IAST)

tato bhīmo raṇe kruddho rabhasaś ca viśeṣataḥ ||
gajānīkaṃ samāsādya preṣayām āsa mṛtyave ||
tatra bhārata bhīmena nārācābhihatā gajāḥ ||
petuḥ seduś ca neduś ca diśaś ca paribabhramuḥ ||
chinnahastā mahānāgāś chinnapādāś ca māriṣa ||
krauñcavad vyanadan bhītāḥ pṛthivīm adhiśiśyire ||
nakulaḥ sahadevaś ca hayānīkam abhidrutau ||
te hayāḥ kāñcanāpīḍā rukmabhāṇḍaparicchadāḥ ||
vadhyamānā vyadṛśyanta śataśo 'tha sahasraśaḥ ||
patadbhiś ca hayai rājan samāstīryata medinī ||
nirjihvaiś ca śvasadbhiś ca kūjadbhiś ca gatāsubhiḥ ||
hayair babhau naraśreṣṭha nānārūpadharair dharā ||
arjunena hataiḥ saṃkhye tathā bhārata vājibhiḥ ||
prababhau vasudhā ghorā tatra tatra viśāṃ pate ||
rathair bhagnair dhvajaiś chinnaiś chatraiś ca sumahāprabhaiḥ ||
hārair niṣkaiḥ sakeyūraiḥ śirobhiś ca sakuṇḍalaiḥ ||
uṣṇīṣair apaviddhaiś ca patākābhiś ca sarvaṣaḥ ||
anukarṣaiḥ śubhai rājan yoktraiś cavyasuraśmibhiḥ ||
saṃchannā vasudhā bhāti vasante kusumair iva ||
evam eṣa kṣayo vṛttaḥ pāṇḍūnām api bhārata ||
kruddhe śāṃtanave bhīṣme droṇe ca rathasattame ||
aśvatthāmni kṛpe caiva tathaiva kṛtavarmaṇi ||
tathetareṣu kruddheṣu tāvakānām api kṣayaḥ ||

शब्दशः अर्थ
संस्कृतIASTअर्थ
ततः भीमः रणे क्रुद्धःtataḥ bhīmaḥ raṇe kruddhaḥthen Bhima, enraged in battle; after that, furious Bhima
रभसः च विशेषतःrabhasaḥ ca viśeṣataḥand especially impetuous; especially fierce
गजानीकम् समासाद्यgajānīkam samāsādyahaving reached the elephant division; having approached the line of elephants
प्रेषयाम् आस मृत्यवेpreṣayām āsa mṛtyavesent them to death; dispatched them to destruction
तत्र भारत भीमेनtatra bhārata bhīmenathere, O Bharata, by Bhima; there Bhima, O Bharata
नाराच अभिहताः गजाःnārāca abhihatāḥ gajāḥelephants struck by narachas; elephants pierced by iron arrows
पेतुः सेदुः च नेदुः चpetuḥ seduḥ ca neduḥ cafell, sank down, and bellowed; collapsed, sat down, and trumpeted
दिशः च परिबभ्रमुःdiśaḥ ca paribabhramuḥand wandered in all directions; rushed about on every side
छिन्नहस्ताः महानागाःchinnahastāḥ mahānāgāḥgreat elephants with severed trunks; huge elephants without trunks
छिन्नपादाः च मारिषchinnapādāḥ ca māriṣaand with severed legs, venerable one; and without legs, O venerable one
क्रौञ्चवत् व्यनदन् भीताःkrauñcavat vyanadan bhītāḥcried out in fright like krauncha birds; wailed fearfully, like birds
पृथिवीम् अधिशिश्यिरेpṛthivīm adhiśiśyirelay down upon the ground; fell to the earth
नकुलः सहदेवः चnakulaḥ sahadevaḥ caNakula and Sahadeva; the two sons of Madri
हयानीकम् अभिद्रुतौhayānīkam abhidrutauattacked the cavalry division; assailed the horse troops
ते हयाः काञ्चनापीडाःte hayāḥ kāñcanāpīḍāḥthose horses with golden ornaments; horses with golden headbands
रुक्मभाण्डपरिच्छदाःrukmabhāṇḍaparicchadāḥwith golden trappings and coverings; in golden harness
वध्यमानाः व्यदृश्यन्तvadhyamānāḥ vyadṛśyantawere seen being slain; were seen as they were struck down
शतशः अथ सहस्रशःśataśaḥ atha sahasraśaḥby the hundreds and thousands; in hundreds and in thousands
पतद्भिः च हयैः राजन्patadbhiḥ ca hayaiḥ rājanand by the falling horses, O king; from the horses that were falling
समास्तीर्यत मेदिनीsamāstīryata medinīthe earth was strewn; the ground became covered
निर्जिह्वैः च श्वसद्भिः चnirjihvaiḥ ca śvasadbhiḥ caand with tongueless ones, gasping; without tongues and wheezing
कूजद्भिः च गतासुभिःkūjadbhiḥ ca gatāsubhiḥand with moaning ones, lifeless; crying out and dead
हयैः बभौ नरश्रेष्ठhayaiḥ babhau naraśreṣṭhashone with horses, O best of men; the earth looked covered with horses
नानारूपधरैः धराnānārūpadharaiḥ dharāthe earth, bearing manifold shapes; the earth with mottled bodies
अर्जुनेन हतैः संख्येarjunena hataiḥ saṃkhyeslain by Arjuna in the fight; struck down by Arjuna
तथा भारत वाजिभिःtathā bhārata vājibhiḥalso, O Bharata, with horses; with horses, O Bharata
प्रबभौ वसुधा घोराprababhau vasudhā ghorāthe terrible earth shone; the dreadful earth was covered
तत्र तत्र विशाम् पतेtatra tatra viśām patehere and there, lord of the peoples; everywhere, sovereign
रथैः भग्नैः ध्वजैः छिन्नैःrathaiḥ bhagnaiḥ dhvajaiḥ chinnaiḥwith broken chariots, severed banners; with shattered rathas and standards
छत्रैः च सुमहाप्रभैःchatraiḥ ca sumahāprabhaiḥand with brilliantly shining parasols; with gleaming royal parasols
हारैः निष्कैः सकेयूरैःhāraiḥ niṣkaiḥ sakeyūraiḥwith necklaces, coins, and armlets; with chains, ornaments, bracelets
शिरोभिः च सकुण्डलैःśirobhiḥ ca sakuṇḍalaiḥand with heads still wearing earrings; with heads adorned with earrings
उष्णीषैः अपविद्धैः चuṣṇīṣaiḥ apaviddhaiḥ caand with cast-off turbans; with torn-off headbands
पताकाभिः च सर्वशःpatākābhiḥ ca sarvaśaḥand with banners everywhere; with standards on every side
अनुकर्षैः शुभैः राजन्anukarṣaiḥ śubhaiḥ rājanwith beautiful chariot-frames, O king; with the fair rear-parts of chariots
योक्त्रैः च अव्यसुरश्मिभिःyoktraiḥ ca avyasuraśmibhiḥand with harness, the reins of the lifeless; with straps and reins of dead horses
संछन्ना वसुधा भातिsaṃchannā vasudhā bhātithe earth, covered over, shines; the earth, strewn with them, gleams
वसन्ते कुसुमैः इवvasante kusumaiḥ ivaas if with flowers in spring; as though with blossoms in springtime
एवम् एष क्षयः वृत्तःevam eṣa kṣayaḥ vṛttaḥthus this destruction took place; such was the ruin that came about
पाण्डूनाम् अपि भारतpāṇḍūnām api bhārataamong the sons of Pandu too, O Bharata; for the Pandavas too, O Bharata
क्रुद्धे शांतनवे भीष्मेkruddhe śāṃtanave bhīṣmewhen Bhishma, son of Shantanu, was enraged; with furious Bhishma
द्रोणे च रथसत्तमेdroṇe ca rathasattameand Drona, foremost of chariot-warriors; and Drona, best of the rathins
अश्वत्थाम्नि कृपे च एवaśvatthāmni kṛpe ca evawith Ashvatthaman and Kripa; and also Ashvatthaman and Kripa
तथा एव कृतवर्मणिtathā eva kṛtavarmaṇiand likewise with Kritavarman; and just so with Kritavarman
तथा इतरेषु क्रुद्धेषुtathā itareṣu kruddheṣuand when the others were enraged; when the rest were furious
तावकानाम् अपि क्षयःtāvakānām api kṣayaḥdestruction came upon your side too; your men too perished
अनुवाद

Then enraged Bhima, especially fierce in the battle, reached the elephant division and began sending it to death. There, O Bharata, elephants struck down by Bhima's narachas fell, sank down, bellowed, and rushed about in every direction. Great elephants with severed trunks and legs, venerable one, cried out fearfully like birds and sank to the ground. Nakula and Sahadeva attacked the cavalry division. Those horses, with golden headbands, in golden harness and trappings, were seen struck down by the hundreds and thousands. The earth, O king, was strewn with fallen horses: tongueless, wheezing, moaning, and lifeless, they covered it with their manifold, mottled bodies, best of men. So too the earth, O Bharata, here and there shone terribly with horses slain by Arjuna, lord of the peoples; with broken chariots, severed banners, gleaming parasols, necklaces, golden ornaments, bracelets, and heads still wearing earrings; with cast-off turbans, standards, the fair frames of chariots, and the straps and reins of dead horses. Covered with all this, the earth shone as though with flowers in springtime. Thus was the destruction that befell the Pandavas too, O Bharata, when Bhishma, son of Shantanu, Drona, foremost of chariot-warriors, and also Ashvatthaman, Kripa, Kritavarman, and the rest grew enraged; and your men too suffered ruin.

संस्करण

5eb4851f8899 · प्रकाशित 17 जुल॰ 2026, 9:46:25 pm UTC

उपलब्ध भाषाएँRUEN
पिछलाश्लोक 6.85.15-26

श्लोक बदलें इन कुंजियों से