एवम् उक्तस् तु कर्णेन पुत्रो दुर्योधनस् तव ॥
अब्रवीद् भ्रातरं तत्र दुःशासनम् इदं वचः ॥
अनुयात्रं यथा सज्जं सर्वं भवति सर्वतः ॥
दुःशासन तथा क्षिप्रं सर्वम् एवोपपादय ॥
एवम् उक्त्वा ततो राजन् कर्णम् आह जनेश्वरः ॥
अनुमान्य रणे भीष्मम् इतो ऽहं द्विपदां वरम् ॥
आगमिष्ये ततः क्षिप्रं त्वत्सकाशम् अरिंदम ॥
ततस् त्वं पुरुषव्याघ्र प्रकरिष्यसि संयुगम् ॥
निष्पपात ततस् तूर्णं पुत्रस् तव विशां पते ॥
सहितो भ्रातृभिः सर्वैर् देवैर् इव शतक्रतुः ॥
ततस् तं नृपशार्दूलं शार्दूलसमविक्रमम् ॥
आरोहयद् धयं तूर्णं भ्राता दुःशासनस् तदा ॥
अङ्गदी बद्धमुकुटो हस्ताभरणवान् नृपः ॥
धार्तराष्ट्रो महाराज विबभौ स महेन्द्रवत् ॥
भाण्डीपुष्पनिकाशेन तपनीयनिभेन च ॥
अनुलिप्तः परार्ध्येन चन्दनेन सुगन्धिना ॥
अरजोम्बरसंवीतः सिंहखेलगतिर् नृपः ॥
शुशुभे विमलार्चिष्मञ् शरदीव दिवाकरः ॥
evam uktas tu karṇena putro duryodhanas tava ||
abravīd bhrātaraṃ tatra duḥśāsanam idaṃ vacaḥ ||
anuyātraṃ yathā sajjaṃ sarvaṃ bhavati sarvataḥ ||
duḥśāsana tathā kṣipraṃ sarvam evopapādaya ||
evam uktvā tato rājan karṇam āha janeśvaraḥ ||
anumānya raṇe bhīṣmam ito 'haṃ dvipadāṃ varam ||
āgamiṣye tataḥ kṣipraṃ tvatsakāśam ariṃdama ||
tatas tvaṃ puruṣavyāghra prakariṣyasi saṃyugam ||
niṣpapāta tatas tūrṇaṃ putras tava viśāṃ pate ||
sahito bhrātṛbhiḥ sarvair devair iva śatakratuḥ ||
tatas taṃ nṛpaśārdūlaṃ śārdūlasamavikramam ||
ārohayad dhayaṃ tūrṇaṃ bhrātā duḥśāsanas tadā ||
aṅgadī baddhamukuṭo hastābharaṇavān nṛpaḥ ||
dhārtarāṣṭro mahārāja vibabhau sa mahendravat ||
bhāṇḍīpuṣpanikāśena tapanīyanibhena ca ||
anuliptaḥ parārdhyena candanena sugandhinā ||
arajombarasaṃvītaḥ siṃhakhelagatir nṛpaḥ ||
śuśubhe vimalārciṣmañ śaradīva divākaraḥ ||
Thus addressed by Karna, your son Duryodhana said there to his brother Duhshasana these words: 'Duhshasana, quickly make ready everything, so that the escort be prepared on every side.' Having said this, the king addressed Karna: 'Having honored Bhishma, the foremost of men, and having obtained his consent, I shall quickly return from there to you, tamer of foes. Then you, tiger among men, shall begin the battle.' Then your son, lord of the people, set out swiftly together with all his brothers, like Shatakratu-Indra amid the gods. Then his brother Duhshasana swiftly helped this kingly hero, equal to a tiger in valor, to mount his horse. The son of Dhritarashtra, great king, shone like Mahendra: adorned with armlets, a bound crown, and ornaments upon his hands, anointed with excellent fragrant sandalwood paste, the color of the bhandi flower and of gold. Clad in spotless garments, the king with the gait of a playful lion gleamed with pure radiance, like the autumn sun.
851b6eb712ef · प्रकाशित 17 जुल॰ 2026, 9:47:12 pm UTC
उपलब्ध भाषाएँRUENश्लोक बदलें इन कुंजियों से
Duryodhana goes to Bhishma not as a humble petitioner but as a king surrounded by splendor and martial pomp. The outward brilliance only underscores his inward dependence: his fate already rests on the decision of an elder he does not fully trust.