Vedawordएक वैदिक पुस्तकालय
खोज
प्रवेश
महाभारत
Bhīṣma-parva, adhyāya 98 (Bhīṣma-parva, Chapter 98)6.98.9-22
5833 / 15823
महाभारत · 6.98.9-22
॥
देवनागरी

ततो दुर्योधनो राजा सुशर्माणम् अचोदयत् ॥
द्रोणस्य समरे राजन् पार्ष्णिग्रहणकारणात् ॥
त्रिगर्तराड् अपि क्रुद्धो भृशम् आयम्य कार्मुकम् ॥
छादयाम् आस समरे पार्थं बाणैर् अयोमुखैः ॥
ताभ्यां मुक्ताः शरा राजन्न् अन्तरिक्षे विरेजिरे ॥
हंसा इव महाराज शरत्काले नभस्तले ॥
ते शराः प्राप्य कौन्तेयं समस्ता विविशुः प्रभो ॥
फलभारनतं यद्वत् स्वादुवृक्षं विहंगमाः ॥
अर्जुनस् तु रणे नादं विनद्य रथिनां वरः ॥
त्रिगर्तराजं समरे सपुत्रं विव्यधे शरैः ॥
ते वध्यमानाः पार्थेन कालेनेव युगक्षये ॥
पार्थम् एवाभ्यवर्तन्त मरणे कृतनिश्चयाः ॥
मुमुचुः शरवृष्टिं च पाण्डवस्य रथं प्रति ॥
शरवृष्टिं ततस् तां तु शरवर्षेण पाण्डवः ॥
प्रतिजग्राह राजेन्द्र तोयवृष्टिम् इवाचलः ॥
तत्राद्भुतम् अपश्याम बीभत्सोर् हस्तलाघवम् ॥
विमुक्तां बहुभिः शूरैः शस्त्रवृष्टिं दुरासदाम् ॥
यद् एको वारयाम् आस मारुतो ऽभ्रगणान् इव ॥
कर्मणा तेन पार्थस्य तुतुषुर् देवदानवाः ॥
अथ क्रुद्धो रणे पार्थस् त्रिगर्तान् प्रति भारत ॥
मुमोचास्त्रं महाराज वायव्यं पृतनामुखे ॥
प्रादुरासीत् ततो वायुः क्षोभयाणो नभस्तलम् ॥
पातयन् वै तरुगणान् विनिघ्नंश् चैव सैनिकान् ॥
ततो द्रोणो ऽभिवीक्ष्यैव वायव्यास्त्रं सुदारुणम् ॥
शैलम् अन्यन् महाराज घोरम् अस्त्रं मुमोच ह ॥
द्रोणेन युधि निर्मुक्ते तस्मिन्न् अस्त्रे महामृधे ॥
प्रशशाम ततो वायुः प्रसन्नाश् चाभवन् दिशः ॥
ततः पाण्डुसुतो वीरस् त्रिगर्तस्य रथव्रजान् ॥
निरुत्साहान् रणे चक्रे विमुखान् विपराक्रमान् ॥

लिप्यंतरण (IAST)

tato duryodhano rājā suśarmāṇam acodayat ||
droṇasya samare rājan pārṣṇigrahaṇakāraṇāt ||
trigartarāḍ api kruddho bhṛśam āyamya kārmukam ||
chādayām āsa samare pārthaṃ bāṇair ayomukhaiḥ ||
tābhyāṃ muktāḥ śarā rājann antarikṣe virejire ||
haṃsā iva mahārāja śaratkāle nabhastale ||
te śarāḥ prāpya kaunteyaṃ samastā viviśuḥ prabho ||
phalabhāranataṃ yadvat svāduvṛkṣaṃ vihaṃgamāḥ ||
arjunas tu raṇe nādaṃ vinadya rathināṃ varaḥ ||
trigartarājaṃ samare saputraṃ vivyadhe śaraiḥ ||
te vadhyamānāḥ pārthena kāleneva yugakṣaye ||
pārtham evābhyavartanta maraṇe kṛtaniścayāḥ ||
mumucuḥ śaravṛṣṭiṃ ca pāṇḍavasya rathaṃ prati ||
śaravṛṣṭiṃ tatas tāṃ tu śaravarṣeṇa pāṇḍavaḥ ||
pratijagrāha rājendra toyavṛṣṭim ivācalaḥ ||
tatrādbhutam apaśyāma bībhatsor hastalāghavam ||
vimuktāṃ bahubhiḥ śūraiḥ śastravṛṣṭiṃ durāsadām ||
yad eko vārayām āsa māruto 'bhragaṇān iva ||
karmaṇā tena pārthasya tutuṣur devadānavāḥ ||
atha kruddho raṇe pārthas trigartān prati bhārata ||
mumocāstraṃ mahārāja vāyavyaṃ pṛtanāmukhe ||
prādurāsīt tato vāyuḥ kṣobhayāṇo nabhastalam ||
pātayan vai tarugaṇān vinighnaṃś caiva sainikān ||
tato droṇo 'bhivīkṣyaiva vāyavyāstraṃ sudāruṇam ||
śailam anyan mahārāja ghoram astraṃ mumoca ha ||
droṇena yudhi nirmukte tasminn astre mahāmṛdhe ||
praśaśāma tato vāyuḥ prasannāś cābhavan diśaḥ ||
tataḥ pāṇḍusuto vīras trigartasya rathavrajān ||
nirutsāhān raṇe cakre vimukhān viparākramān ||

शब्दशः अर्थ
संस्कृतIASTअर्थ
ततः दुर्योधनः राजाtataḥ duryodhanaḥ rājāthen King Duryodhana; after this Duryodhana
सुशर्माणम् अचोदयत्suśarmāṇam acodayaturged Sushilarman; commanded Sushilarman
द्रोणस्य समरे राजन्droṇasya samare rājanfor Drona's sake in battle, O king; for Drona on the field
पार्ष्णिग्रहणकारणात्pārṣṇigrahaṇakāraṇātfor the purpose of guarding the rear; to cover the flank
त्रिगर्तराट् अपि क्रुद्धःtrigartarāṭ api kruddhaḥthe king of the Trigartas, likewise enraged; Sushilarman in fury
भृशम् आयम्य कार्मुकम्bhṛśam āyamya kārmukamdrawing his bow taut; bending his bow tightly
छादयाम् आस समरेchādayām āsa samarecovered in battle; overwhelmed in the fight
पार्थम् बाणैः अयोमुखैःpārtham bāṇaiḥ ayomukhaiḥPartha with iron-tipped arrows; Arjuna with iron-headed shafts
ताभ्याम् मुक्ताः शराः राजन्tābhyām muktāḥ śarāḥ rājanthe arrows loosed by those two, O king; the shafts shot by them
अन्तरिक्षे विरेजिरेantarikṣe virejireshone in the sky; gleamed in the air
हंसाः इव महाराजhaṃsāḥ iva mahārājalike swans, great king; as geese
शरत्काले नभस्तलेśaratkāle nabhastalein the autumn sky; in the autumn firmament
ते शराः प्राप्य कौन्तेयम्te śarāḥ prāpya kaunteyamthose arrows, reaching the son of Kunti; these shafts, having reached Arjuna
समस्ताः विविशुः प्रभोsamastāḥ viviśuḥ prabhoall together entered him, lord; all struck home at once
फलभारनतम् यद्वत्phalabhāranatam yadvatas onto a tree bent low with fruit; like a tree bowed by the weight of fruit
स्वादुवृक्षम् विहंगमाःsvāduvṛkṣam vihaṃgamāḥbirds settle on a sweet-fruited tree; birds onto a sweet tree
अर्जुनः तु रणे नादम्arjunaḥ tu raṇe nādamArjuna, in the battle, a roar; Arjuna on the field a war cry
विनद्य रथिनाम् वरःvinadya rathinām varaḥhaving raised, the best of charioteers; uttering it, the foremost of charioteers
त्रिगर्तराजम् समरेtrigartarājam samarethe king of the Trigartas in the fight; Sushilarman on the field
सपुत्रम् विव्यधे शरैःsaputram vivyadhe śaraiḥpierced him together with his son, with arrows; struck him down along with his son
ते वध्यमानाः पार्थेनte vadhyamānāḥ pārthenathey, being slain by Partha; being cut down by Arjuna
कालेन इव युगक्षयेkālena iva yugakṣayelike Time at the end of an age; as Kala at the destruction of a yuga
पार्थम् एव अभ्यवर्तन्तpārtham eva abhyavartantaturned upon Partha himself; advanced against Arjuna alone
मरणे कृतनिश्चयाःmaraṇe kṛtaniścayāḥresolved upon death; having decided to die
मुमुचुः शरवृष्टिम् चmumucuḥ śaravṛṣṭim caand loosed a rain of arrows; poured out a shower of shafts
पाण्डवस्य रथम् प्रतिpāṇḍavasya ratham pratiat the chariot of the Pandava; toward Arjuna's chariot
शरवृष्टिम् ततः ताम् तुśaravṛṣṭim tataḥ tām tuthat rain of arrows then; this shower of shafts
शरवर्षेण पाण्डवःśaravarṣeṇa pāṇḍavaḥthe Pandava, with his own rain of arrows; Arjuna with his own shower
प्रतिजग्राह राजेन्द्रpratijagrāha rājendrareceived it, O lord of kings; met it
तोयवृष्टिम् इव अचलःtoyavṛṣṭim iva acalaḥlike a mountain a rain of water; as a mountain a downpour
तत्र अद्भुतम् अपश्यामtatra adbhutam apaśyāmathere we beheld a wondrous thing; there we witnessed something marvelous
बीभत्सोर् हस्तलाघवम्bībhatsor hastalāghavamthe lightness of hand of Bibhatsu; Arjuna's swiftness of hand
विमुक्ताम् बहुभिः शूरैःvimuktām bahubhiḥ śūraiḥloosed by many warriors; shot by many heroes
शस्त्रवृष्टिम् दुरासदाम्śastravṛṣṭim durāsadāma rain of weapons hard to withstand; an unassailable shower of arms
यत् एकः वारयाम् आसyat ekaḥ vārayām āsawhich he alone held off; that he single-handedly stopped
मारुतः अभ्रगणान् इवmārutaḥ abhragaṇān ivaas the wind does masses of clouds; like the wind scattering clouds
कर्मणा तेन पार्थस्यkarmaṇā tena pārthasyaby that deed of Partha; through this feat of Arjuna's
तुतुषुः देवदानवाःtutuṣuḥ devadānavāḥgods and danavas rejoiced; the celestials and demons were pleased
अथ क्रुद्धः रणे पार्थःatha kruddhaḥ raṇe pārthaḥthen Partha, enraged in battle; after this the furious Arjuna
त्रिगर्तान् प्रति भारतtrigartān prati bhārataagainst the Trigartas, O Bharata; at the Trigartas
मुमोच अस्त्रम् महाराजmumoca astram mahārājaloosed a weapon, great king; released an astra
वायव्यम् पृतनामुखेvāyavyam pṛtanāmukhethe Vayavya, at the head of the army; the wind-weapon before the ranks
प्रादुरासीत् ततः वायुःprādurāsīt tataḥ vāyuḥthen a wind arose; after this a gale sprang up
क्षोभयाणः नभस्तलम्kṣobhayāṇaḥ nabhastalamshaking the vault of heaven; convulsing the sky
पातयन् वै तरुगणान्pātayan vai tarugaṇānfelling stands of trees; casting down trees
विनिघ्नन् च एव सैनिकान्vinighnan ca eva sainikānand slaying soldiers; and striking down warriors
ततः द्रोणः अभिवीक्ष्य एवtataḥ droṇaḥ abhivīkṣya evathen Drona, seeing this; after that Drona, having beheld
वायव्यास्त्रम् सुदारुणम्vāyavyāstram sudāruṇamthe very terrible Vayavya weapon; the dreadful wind-astra
शैलम् अन्यत् महाराजśailam anyat mahārājaanother, the mountain weapon, great king; a different, mountain astra
घोरम् अस्त्रम् मुमोच हghoram astram mumoca haloosed a fearsome weapon; released a terrible astra
द्रोणेन युधि निर्मुक्तेdroṇena yudhi nirmuktewhen it was loosed by Drona in the fight; when Drona had released
तस्मिन् अस्त्रे महामृधेtasmin astre mahāmṛdhethat weapon, in the great battle; this astra on the great field
प्रशशाम ततः वायुःpraśaśāma tataḥ vāyuḥthen the wind died down; after this the gale subsided
प्रसन्नाः च अभवन् दिशःprasannāḥ ca abhavan diśaḥand the quarters grew clear; and the directions became calm
ततः पाण्डुसुतः वीरःtataḥ pāṇḍusutaḥ vīraḥthen the valiant son of Pandu; after this the heroic Arjuna
त्रिगर्तस्य रथव्रजान्trigartasya rathavrajānthe columns of chariots of the Trigartas; the ranks of Trigarta chariots
निरुत्साहान् रणे चक्रेnirutsāhān raṇe cakremade them dispirited in battle; robbed them of fighting spirit
विमुखान् विपराक्रमान्vimukhān viparākramānturned away, their strength broken; put to flight, their might shattered
अनुवाद

Sanjaya said: 'Then King Duryodhana ordered Sushilarman to guard Drona's rear in the battle, O king. Enraged, the king of the Trigartas drew his bow taut and covered Partha in the fight with iron-tipped arrows. The arrows loosed by the two of them, O king, shone in the sky like swans in the autumn firmament, great king. Reaching the son of Kunti, all these arrows struck home at once, as birds settle on a sweet-fruited tree bowed low with its burden. Then Arjuna, the best of charioteers, raising a war cry in the battle, pierced the king of the Trigartas together with his son with arrows. Cut down by Partha as though by Time at the destruction of an age, they, resolved upon death, turned again upon Partha himself and poured a rain of arrows upon the Pandava's chariot. But this rain of arrows the Pandava met with his own rain of arrows, O lord of kings, as a mountain receives a downpour of rain. There we beheld a wondrous thing -- the lightness of hand of Bibhatsu: an unassailable rain of weapons loosed by many heroes, he alone held off, as the wind scatters masses of clouds. By this deed of Partha's the gods and danavas were pleased. Then Partha, enraged in the battle, O Bharata, loosed the Vayavya weapon against the Trigartas at the head of their army, great king. Then a wind arose, shaking the vault of heaven, felling stands of trees and slaying soldiers. Seeing this most terrible Vayavya weapon, Drona, great king, loosed another fearsome weapon, the mountain astra. When this weapon was released by Drona in the great battle, the wind died down and the quarters grew clear. Then the valiant son of Pandu broke the spirit of the Trigartas' columns of chariots in the battle, turning them back with their strength shattered.'

संस्करण

ce26a54c6805 · प्रकाशित 17 जुल॰ 2026, 9:47:12 pm UTC

उपलब्ध भाषाएँRUEN
पिछलाश्लोक 6.98.4-8

श्लोक बदलें इन कुंजियों से