Vedawordएक वैदिक पुस्तकालय
खोज
प्रवेश
महाभारत
Bhīṣma-parva, adhyāya 99 (Bhīṣma-parva, Chapter 99)6.99.1-12
5836 / 15823
महाभारत · 6.99.1-12
॥
देवनागरी

संजय उवाच
मध्याह्ने तु महाराज संग्रामः समपद्यत ॥
लोकक्षयकरो रौद्रो भीष्मस्य सह सोमकैः ॥
गाङ्गेयो रथिनां श्रेष्ठः पाण्डवानाम् अनीकिनीम् ॥
व्यधमन् निशितैर् बाणैः शतशो ऽथ सहस्रशः ॥
संममर्द च तत् सैन्यं पिता देवव्रतस् तव ॥
धान्यानाम् इव लूनानां प्रकरं गोगणा इव ॥
धृष्टद्युम्नः शिखण्डी च विराटो द्रुपदस् तथा ॥
भीष्मम् आसाद्य समरे शरैर् जघ्नुर् महारथम् ॥
धृष्टद्युम्नं ततो विद्ध्वा विराटं च त्रिभिः शरैः ॥
द्रुपदस्य च नाराचं प्रेषयाम् आस भारत ॥
तेन विद्धा महेष्वासा भीष्मेणामित्रकर्शिना ॥
चुक्रुधुः समरे राजन् पादस्पृष्टा इवोरगाः ॥
शिखण्डी तं च विव्याध भरतानां पितामहम् ॥
स्त्रीमयं मनसा ध्यात्वा नास्मै प्राहरद् अच्युतः ॥
धृष्टद्युम्नस् तु समरे क्रोधाद् अग्निर् इव ज्वलन् ॥
पितामहं त्रिभिर् बाणैर् बाह्वोर् उरसि चार्पयत् ॥
द्रुपदः पञ्चविंशत्या विराटो दशभिः शरैः ॥
शिखण्डी पञ्चविंशत्या भीष्मं विव्याध सायकैः ॥
सो ऽतिविद्धो महाराज भीष्मः संख्ये महात्मभिः ॥
वसन्ते पुष्पशबलो रक्ताशोक इवाबभौ ॥
तान् प्रत्यविध्यद् गाङ्गेयस् त्रिभिस् त्रिभिर् अजिह्मगैः ॥
द्रुपदस्य च भल्लेन धनुश् चिच्छेद मारिष ॥
सो ऽन्यत् कार्मुकम् आदाय भीष्मं विव्याध पञ्चभिः ॥
सारथिं च त्रिभिर् बाणैः सुशितै रणमूर्धनि ॥

लिप्यंतरण (IAST)

saṃjaya uvāca
madhyāhne tu mahārāja saṃgrāmaḥ samapadyata ||
lokakṣayakaro raudro bhīṣmasya saha somakaiḥ ||
gāṅgeyo rathināṃ śreṣṭhaḥ pāṇḍavānām anīkinīm ||
vyadhaman niśitair bāṇaiḥ śataśo 'tha sahasraśaḥ ||
saṃmamarda ca tat sainyaṃ pitā devavratas tava ||
dhānyānām iva lūnānāṃ prakaraṃ gogaṇā iva ||
dhṛṣṭadyumnaḥ śikhaṇḍī ca virāṭo drupadas tathā ||
bhīṣmam āsādya samare śarair jaghnur mahāratham ||
dhṛṣṭadyumnaṃ tato viddhvā virāṭaṃ ca tribhiḥ śaraiḥ ||
drupadasya ca nārācaṃ preṣayām āsa bhārata ||
tena viddhā maheṣvāsā bhīṣmeṇāmitrakarśinā ||
cukrudhuḥ samare rājan pādaspṛṣṭā ivoragāḥ ||
śikhaṇḍī taṃ ca vivyādha bharatānāṃ pitāmaham ||
strīmayaṃ manasā dhyātvā nāsmai prāharad acyutaḥ ||
dhṛṣṭadyumnas tu samare krodhād agnir iva jvalan ||
pitāmahaṃ tribhir bāṇair bāhvor urasi cārpayat ||
drupadaḥ pañcaviṃśatyā virāṭo daśabhiḥ śaraiḥ ||
śikhaṇḍī pañcaviṃśatyā bhīṣmaṃ vivyādha sāyakaiḥ ||
so 'tividdho mahārāja bhīṣmaḥ saṃkhye mahātmabhiḥ ||
vasante puṣpaśabalo raktāśoka ivābabhau ||
tān pratyavidhyad gāṅgeyas tribhis tribhir ajihmagaiḥ ||
drupadasya ca bhallena dhanuś ciccheda māriṣa ||
so 'nyat kārmukam ādāya bhīṣmaṃ vivyādha pañcabhiḥ ||
sārathiṃ ca tribhir bāṇaiḥ suśitai raṇamūrdhani ||

शब्दशः अर्थ
संस्कृतIASTअर्थ
संजय उवाचsaṃjaya uvācaSanjaya said; Sanjaya spoke
मध्याह्ने तु महाराजmadhyāhne tu mahārājaat midday, great king; toward midday
संग्रामः समपद्यतsaṃgrāmaḥ samapadyataa battle arose; combat unfolded
लोकक्षयकरः रौद्रःlokakṣayakaraḥ raudraḥworld-destroying, terrible; ruinous for the world
भीष्मस्य सह सोमकैःbhīṣmasya saha somakaiḥof Bhishma with the Somakas; between Bhishma and the Somakas
गाङ्गेयः रथिनाम् श्रेष्ठःgāṅgeyaḥ rathinām śreṣṭhaḥGangeya, best of chariot-warriors; Bhishma, the finest charioteer
पाण्डवानाम् अनीकिनीम्pāṇḍavānām anīkinīmthe army of the Pandavas; the Pandava host
व्यधमत् निशितैः बाणैःvyadhamat niśitaiḥ bāṇaiḥscattered with sharp arrows; dispersed with honed arrows
शतशः अथ सहस्रशःśataśaḥ atha sahasraśaḥby hundreds and thousands; hundreds and thousands of times
संममर्द च तत् सैन्यम्saṃmamarda ca tat sainyamand crushed that army; shattered this force
पिता देवव्रतः तवpitā devavrataḥ tavayour father Devavrata; Devavrata, your father
धान्यानाम् इव लूनानाम्dhānyānām iva lūnānāmlike reaped grain; like harvested corn
प्रकरम् गोगणाः इवprakaram gogaṇāḥ ivaa heap, as cattle-herds; a mass, as herds of cows do
धृष्टद्युम्नः शिखण्डी चdhṛṣṭadyumnaḥ śikhaṇḍī caDhrishtadyumna and Shikhandin; Dhrishtadyumna, Shikhandin
विराटः द्रुपदः तथाvirāṭaḥ drupadaḥ tathāVirata and Drupada also; and also Virata, Drupada
भीष्मम् आसाद्य समरेbhīṣmam āsādya samarereaching Bhishma in battle; coming up to Bhishma
शरैः जघ्नुः महारथम्śaraiḥ jaghnuḥ mahārathamstruck the great chariot-warrior with arrows; assailed the great warrior
धृष्टद्युम्नम् ततः विद्ध्वाdhṛṣṭadyumnam tataḥ viddhvāthen piercing Dhrishtadyumna; having wounded Dhrishtadyumna next
विराटम् च त्रिभिः शरैःvirāṭam ca tribhiḥ śaraiḥand Virata with three arrows; Virata with three arrows
द्रुपदस्य च नाराचम्drupadasya ca nārācamand at Drupada an iron arrow; and toward Drupada an iron shaft
प्रेषयाम् आस भारतpreṣayām āsa bhāratahe sent, O Bharata; directed, O Bharata
तेन विद्धाः महेष्वासाःtena viddhāḥ maheṣvāsāḥthe great archers pierced by him; the mighty bowmen wounded by him
भीष्मेण अमित्रकर्शिनाbhīṣmeṇa amitrakarśināby Bhishma, tormentor of foes; by Bhishma, scourge of enemies
चुक्रुधुः समरे राजन्cukrudhuḥ samare rājangrew furious in battle, O king; blazed with wrath on the field
पादस्पृष्टाः इव उरगाःpādaspṛṣṭāḥ iva uragāḥlike serpents touched by a foot; like snakes that have been trodden upon
शिखण्डी तम् च विव्याधśikhaṇḍī tam ca vivyādhaShikhandin also pierced him; Shikhandin too wounded him
भरतानाम् पितामहम्bharatānām pitāmahamthe grandsire of the Bharatas; the patriarch of the Bharatas
स्त्रीमयम् मनसा ध्यात्वाstrīmayam manasā dhyātvāconsidering him a woman in mind; thinking of him as a woman
न अस्मै प्राहरत् अच्युतःna asmai prāharat acyutaḥthe unshaken one did not strike him; the steadfast Bhishma did not strike him
धृष्टद्युम्नः तु समरेdhṛṣṭadyumnaḥ tu samareDhrishtadyumna, however, in battle; Dhrishtadyumna on the field
क्रोधात् अग्निः इव ज्वलन्krodhāt agniḥ iva jvalanblazing with anger like fire; burning with wrath like fire
पितामहम् त्रिभिः बाणैःpitāmaham tribhiḥ bāṇaiḥthe grandsire with three arrows; Bhishma with three arrows
बाह्वोः उरसि च अर्पयत्bāhvoḥ urasi ca arpayatlodged in his arms and chest; drove into his arms and chest
द्रुपदः पञ्चविंशत्याdrupadaḥ pañcaviṃśatyāDrupada with twenty-five; Drupada with twenty-five arrows
विराटः दशभिः शरैःvirāṭaḥ daśabhiḥ śaraiḥVirata with ten arrows; Virata with ten arrows
शिखण्डी पञ्चविंशत्याśikhaṇḍī pañcaviṃśatyāShikhandin with twenty-five; Shikhandin with twenty-five arrows
भीष्मम् विव्याध सायकैःbhīṣmam vivyādha sāyakaiḥpierced Bhishma with arrows; wounded Bhishma with shafts
सः अतिविद्धः महाराजsaḥ atividdhaḥ mahārājahe, sorely pierced, great king; he, heavily wounded
भीष्मः संख्ये महात्मभिःbhīṣmaḥ saṃkhye mahātmabhiḥBhishma in battle by the great souls; Bhishma by these heroes
वसन्ते पुष्पशबलःvasante puṣpaśabalaḥvariegated with flowers in spring; dappled with blossoms in springtime
रक्ताशोकः इव आबभौraktāśokaḥ iva ābabhaushone like a red ashoka tree; gleamed like a crimson ashoka
तान् प्रत्यविध्यत् गाङ्गेयःtān pratyavidhyat gāṅgeyaḥGangeya pierced them in return; Bhishma struck them back
त्रिभिः त्रिभिः अजिह्मगैःtribhiḥ tribhiḥ ajihmagaiḥwith three straight arrows each; each with three unswerving shafts
द्रुपदस्य च भल्लेनdrupadasya ca bhallenaand with a bhalla-arrow of Drupada's; and with a broad-headed shaft, Drupada's
धनुः चिच्छेद मारिषdhanuḥ ciccheda māriṣacut through the bow, O venerable one; severed the bow
सः अन्यत् कार्मुकम् आदायsaḥ anyat kārmukam ādāyahe, taking up another bow; Drupada took up another bow
भीष्मम् विव्याध पञ्चभिःbhīṣmam vivyādha pañcabhiḥpierced Bhishma with five; wounded Bhishma with five
सारथिम् च त्रिभिः बाणैःsārathim ca tribhiḥ bāṇaiḥand the charioteer with three arrows; and the charioteer with three arrows
सुशितैः रणमूर्धनिsuśitaiḥ raṇamūrdhanivery sharp, at the height of battle; keenly honed, in the thick of battle
अनुवाद

Sanjaya said: 'At midday, great king, a terrible battle broke out between Bhishma and the Somakas, ruinous for the world. Gangeya, the best of chariot-warriors, scattered the army of the Pandavas by hundreds and thousands with sharp arrows. Your father Devavrata crushed that army as herds of cattle trample heaps of reaped grain. Dhrishtadyumna, Shikhandin, Virata, and Drupada, coming up to Bhishma in battle, began to strike that great chariot-warrior with arrows. Then Bhishma pierced Dhrishtadyumna, and Virata with three arrows, and sent an iron shaft at Drupada, O Bharata. Wounded by Bhishma, the tormentor of foes, these mighty archers grew furious in battle, like serpents that have been trodden upon. Shikhandin, too, wounded the grandsire of the Bharatas, but the unshaken Bhishma, thinking of him in his mind as a woman, did not strike him. Dhrishtadyumna, however, blazing in battle with anger like fire, drove three arrows into the grandsire's arms and chest. Drupada struck Bhishma with twenty-five arrows, Virata with ten, and Shikhandin with twenty-five. Sorely wounded by these great souls in battle, Bhishma, great king, shone like a red ashoka tree dappled with blossoms in spring. Gangeya in return pierced each of them with three straight arrows, and with a broad bhalla-arrow, O venerable one, cut through Drupada's bow. Drupada took up another bow and struck Bhishma with five arrows, and his charioteer with three very sharp arrows in the thick of battle.'

संस्करण

f3d1beaabaed · प्रकाशित 17 जुल॰ 2026, 9:47:12 pm UTC

उपलब्ध भाषाएँRUEN
पिछलाश्लोक 6.98.28-38

श्लोक बदलें इन कुंजियों से