अभिमन्युं तदायान्तं भीष्मायाभ्युद्यतं मृधे ॥
काम्बोजराजो बलवान् वारयाम् आस संयुगे ॥
आर्जुनिर् नृपतिं विद्ध्वा शरैः संनतपर्वभिः ॥
पुनर् एव चतुःषष्ट्या राजन् विव्याध तं नृपम् ॥
सुदक्षिणस् तु समरे कार्ष्णिं विव्याध पञ्चभिः ॥
सारथिं चास्य नवभिर् इच्छन् भीष्मस्य जीवितम् ॥
तद् युद्धम् आसीत् सुमहत् तयोस् तत्र पराक्रमे ॥
यद् अभ्यधावद् गाङ्गेयं शिखण्डी शत्रुतापनः ॥
विराटद्रुपदौ वृद्धौ वारयन्तौ महाचमूम् ॥
भीष्मं च युधि संरब्धाव् आद्रवन्तौ महारथौ ॥
अश्वत्थामा ततः क्रुद्धः समायाद् रथसत्तमः ॥
ततः प्रववृते युद्धं तव तेषां च भारत ॥
विराटो दशभिर् भल्लैर् आजघान परंतप ॥
यतमानं महेष्वासं द्रौणिम् आहवशोभिनम् ॥
द्रुपदश् च त्रिभिर् बाणैर् विव्याध निशितैस् तथा ॥
गुरुपुत्रं समासाद्य भीष्मस्य पुरतः स्थितम् ॥
अश्वत्थामा ततस् तौ तु विव्याध दशभिः शरैः ॥
विराटद्रुपदौ वृद्धौ भीष्मं प्रति समुद्यतौ ॥
तत्राद्भुतम् अपश्याम वृद्धयोश् चरितं महत् ॥
यद् द्रौणेः सायकान् घोरान् प्रत्यवारयतां युधि ॥
abhimanyuṃ tadāyāntaṃ bhīṣmāyābhyudyataṃ mṛdhe ||
kāmbojarājo balavān vārayām āsa saṃyuge ||
ārjunir nṛpatiṃ viddhvā śaraiḥ saṃnataparvabhiḥ ||
punar eva catuḥṣaṣṭyā rājan vivyādha taṃ nṛpam ||
sudakṣiṇas tu samare kārṣṇiṃ vivyādha pañcabhiḥ ||
sārathiṃ cāsya navabhir icchan bhīṣmasya jīvitam ||
tad yuddham āsīt sumahat tayos tatra parākrame ||
yad abhyadhāvad gāṅgeyaṃ śikhaṇḍī śatrutāpanaḥ ||
virāṭadrupadau vṛddhau vārayantau mahācamūm ||
bhīṣmaṃ ca yudhi saṃrabdhāv ādravantau mahārathau ||
aśvatthāmā tataḥ kruddhaḥ samāyād rathasattamaḥ ||
tataḥ pravavṛte yuddhaṃ tava teṣāṃ ca bhārata ||
virāṭo daśabhir bhallair ājaghāna paraṃtapa ||
yatamānaṃ maheṣvāsaṃ drauṇim āhavaśobhinam ||
drupadaś ca tribhir bāṇair vivyādha niśitais tathā ||
guruputraṃ samāsādya bhīṣmasya purataḥ sthitam ||
aśvatthāmā tatas tau tu vivyādha daśabhiḥ śaraiḥ ||
virāṭadrupadau vṛddhau bhīṣmaṃ prati samudyatau ||
tatrādbhutam apaśyāma vṛddhayoś caritaṃ mahat ||
yad drauṇeḥ sāyakān ghorān pratyavārayatāṃ yudhi ||
The mighty king of Kamboja held back Abhimanyu in battle, who was then advancing, having risen up against Bhishma. The son of Arjuna pierced the king with curved-jointed arrows, and then, O king, wounded this lord again with sixty-four arrows. Sudakshina, striving to protect Bhishma's life, pierced Karshni with five arrows in the fight, and his charioteer with nine. A great battle arose between them when Shikhandi, the tormentor of foes, rushed at the son of Ganga. The aged Virata and Drupada, two great chariot-warriors, holding back the mighty army, furiously charged at Bhishma in the battle. Then the enraged Ashvatthaman, best of chariot-warriors, came forward to meet them, and between your men and theirs, O Bharata, the fighting began. Virata struck Drauni, the great archer, the ornament of battle, who was striving hard, with ten bhalla arrows. Drupada too, meeting the teacher's son standing before Bhishma, likewise pierced him with three sharp arrows. Thereupon Ashvatthaman wounded the aged Virata and Drupada, who had risen against Bhishma, with ten arrows each. There we beheld a wonder, the great deed of these two elders: how they warded off in battle the terrible arrows of Drauni.
d30fd366a86e · प्रकाशित 17 जुल॰ 2026, 9:55:41 pm UTC
उपलब्ध भाषाएँRUENश्लोक बदलें इन कुंजियों से
Abhimanyu and the aged kings advance toward Bhishma, but each path is blocked by a separate defender. In this chapter the whole battle is made up of such delays.