संजय उवाच
ते सेने ऽन्योन्यम् आसाद्य प्रहृष्टाश्वनरद्विपे ॥
बृहत्यौ संप्रजह्राते देवासुरचमूपमे ॥
ततो गजा रथाश् चाश्वाः पत्तयश् च महाहवे ॥
संप्रहारं परं चक्रुर् देहपाप्मप्रणाशनम् ॥
पूर्णचन्द्रार्कपद्मानां कान्तित्विड्गन्धतः समैः ॥
उत्तमाङ्गैर् नृसिंहानां नृसिंहास् तस्तरुर् महीम् ॥
अर्धचन्द्रैस् तथा भल्लैः क्षुरप्रैर् असिपट्टिशैः ॥
परश्वधैश् चाप्य् अकृन्तन्न् उत्तमाङ्गानि युध्यताम् ॥
व्यायतायतबाहूनां व्यायतायतबाहुभिः ॥
व्यायता बाहवः पेतुश् छिन्नमुष्ट्यायुधाङ्गदाः ॥
तैः स्फुरद्भिर् मही भाति रक्ताङ्गुलितलैस् तदा ॥
गरुडप्रहतैर् उग्रैः पञ्चास्यैर् इव पन्नगैः ॥
हयस्यन्दननागेभ्यः पेतुर् वीरा द्विषद्धताः ॥
विमानेभ्यो यथा क्षीणे पुण्ये स्वर्गसदस् तथा ॥
गदाभिर् अन्यैर् गुर्वीभिः परिघैर् मुसलैर् अपि ॥
पोथिताः शतशः पेतुर् वीरा वीरतरै रणे ॥
रथा रथैर् विनिहता मत्ता मत्तैर् द्विपैर् द्विपाः ॥
सादिनः सादिभिश् चैव तस्मिन् परमसंकुले ॥
रथा वररथैर् नागैर् अश्वारोहाश् च पत्तिभिः ॥
अश्वारोहैः पदाताश् च निहता युधि शेरते ॥
रथाश्वपत्तयो नागै रथैर् नागाश् च पत्तयः ॥
रथपत्तिद्विपाश् चाश्वैर् नृभिश् चाश्वरथद्विपाः ॥
रथाश्वेभनराणां च नराश्वेभरथैः कृतम् ॥
पाणिपादैश् च शस्त्रैश् च रथैश् च कदनं महत् ॥
saṃjaya uvāca
te sene 'nyonyam āsādya prahṛṣṭāśvanaradvipe ||
bṛhatyau saṃprajahrāte devāsuracamūpame ||
tato gajā rathāś cāśvāḥ pattayaś ca mahāhave ||
saṃprahāraṃ paraṃ cakrur dehapāpmapraṇāśanam ||
pūrṇacandrārkapadmānāṃ kāntitviḍgandhataḥ samaiḥ ||
uttamāṅgair nṛsiṃhānāṃ nṛsiṃhās tastarur mahīm ||
ardhacandrais tathā bhallaiḥ kṣuraprair asipaṭṭiśaiḥ ||
paraśvadhaiś cāpy akṛntann uttamāṅgāni yudhyatām ||
vyāyatāyatabāhūnāṃ vyāyatāyatabāhubhiḥ ||
vyāyatā bāhavaḥ petuś chinnamuṣṭyāyudhāṅgadāḥ ||
taiḥ sphuradbhir mahī bhāti raktāṅgulitalais tadā ||
garuḍaprahatair ugraiḥ pañcāsyair iva pannagaiḥ ||
hayasyandananāgebhyaḥ petur vīrā dviṣaddhatāḥ ||
vimānebhyo yathā kṣīṇe puṇye svargasadas tathā ||
gadābhir anyair gurvībhiḥ parighair musalair api ||
pothitāḥ śataśaḥ petur vīrā vīratarai raṇe ||
rathā rathair vinihatā mattā mattair dvipair dvipāḥ ||
sādinaḥ sādibhiś caiva tasmin paramasaṃkule ||
rathā vararathair nāgair aśvārohāś ca pattibhiḥ ||
aśvārohaiḥ padātāś ca nihatā yudhi śerate ||
rathāśvapattayo nāgai rathair nāgāś ca pattayaḥ ||
rathapattidvipāś cāśvair nṛbhiś cāśvarathadvipāḥ ||
rathāśvebhanarāṇāṃ ca narāśvebharathaiḥ kṛtam ||
pāṇipādaiś ca śastraiś ca rathaiś ca kadanaṃ mahat ||
Санджая сказал: «Две огромные армии, подобные войскам богов и асуров, сошлись друг с другом, полные ликующих коней, людей и слонов, и яростно столкнулись. Затем слоны, колесницы, кони и пешие в великой битве начали страшную схватку, уничтожающую телесную скверну. Герои устлали землю головами львов среди людей, равными полной луне, солнцу и лотосам красотой, блеском и ароматом. Полумесяцами, бхаллами, бритвенными стрелами, мечами, копьями и секирами они отсекали головы сражающихся. Руки длинноруких воинов, вытянутые, с отсечёнными кулаками, оружием и браслетами, падали на землю. Земля сияла этими трепещущими руками с кровавыми пальцами и ладонями, словно страшными пятиглавыми змеями, поражёнными Гарудой. Герои, убитые врагами, падали с коней, колесниц и слонов, как небожители падают с виман, когда иссякает их заслуга. Сотнями падали воины, раздробленные более сильными героями тяжёлыми булавами, дубинами и пестами. В этой крайней сумятице колесницы уничтожали колесницы, пьяные слоны - пьяных слонов, всадники - всадников; колесницы лежали, сражённые лучшими колесницами и слонами, конники - пехотинцами, пешие - конниками. Ратхи, кони, пехотинцы и слоны поражались слонами, колесницами, конями и людьми; руками, ногами, оружием и колесницами было совершено великое побоище людей, коней, слонов и ратхов».
dbccc2d4dd32 · प्रकाशित 20 जून 2026, 3:46:54 am UTC
उपलब्ध भाषाएँRUश्लोक बदलें इन कुंजियों से
Общее описание битвы намеренно лишает войну героического блеска: тела, головы и руки становятся частью земли. Так эпос показывает, что кшатрийская слава без дхармы быстро превращается в телесное разрушение.