Vedawordएक वैदिक पुस्तकालय
खोज
प्रवेश
महाभारत
Arjuna Destroys the Saṃśaptakas and the Battle Descends into Chaos8.19.46-75
8741 / 15823
महाभारत · 8.19.46-75
॥
देवनागरी

नरा नरैः समाजग्मुर् वारणा वरवारणैः ॥
रथाश् च रथिभिः सार्धं हयाश् च हयसादिभिः ॥
द्वंद्वान्य् आसन् महाराज प्रेक्षणीयानि संयुगे ॥
विस्मापनान्य् अचिन्त्यानि शस्त्रवन्त्य् उत्तमानि च ॥
अयुध्यन्त महावेगाः परस्परवधैषिणः ॥
अन्योन्यं समरे जघ्नुर् योधव्रतम् अनुष्ठिताः ॥
न हि ते समरं चक्रुः पृष्ठतो वै कथं चन ॥
मुहूर्तम् एव तद् युद्धम् आसीन् मधुरदर्शनम् ॥
तत उन्मत्तवद् राजन् निर्मर्यादम् अवर्तत ॥
रथी नागं समासाद्य विचरन् रणमूर्धनि ॥
प्रेषयाम् आस कालाय शरैः संनतपर्वभिः ॥
नागा हयान् समासाद्य विक्षिपन्तो बहून् अथ ॥
द्रावयाम् आसुर् अत्युग्रास् तत्र तत्र तदा तदा ॥
विद्राव्य च बहून् अश्वान् नागा राजन् बलोत्कटाः ॥
विषाणैश् चापरे जघ्नुर् ममृदुश् चापरे भृशम् ॥
साश्वारोहांश् च तुरगान् विषाणैर् बिभिदू रणे ॥
अपरांश् चिक्षिपुर् वेगात् प्रगृह्यातिबलास् तथा ॥
पादातैर् आहता नागा विवरेषु समन्ततः ॥
चक्रुर् आर्तस्वरं घोरं व्यद्रवन्त दिशो दश ॥
पदातीनां तु सहसा प्रद्रुतानां महामृधे ॥
उत्सृज्याभरणं तूर्णम् अवप्लुत्य रणाजिरे ॥
निमित्तं मन्यमानास् तु परिणम्य महागजाः ॥
जगृहुर् बिभिदुश् चैव चित्राण्य् आभरणानि च ॥
प्रतिमानेषु कुम्भेषु दन्तवेष्टेषु चापरे ॥
निगृहीता भृशं नागाः प्रासतोमरशक्तिभिः ॥
निगृह्य च गदाः के चित् पार्श्वस्थैर् भृशदारुणैः ॥
रथाश्वसादिभिस् तत्र संभिन्ना न्यपतन् भुवि ॥
सरथं सादिनं तत्र अपरे तु महागजाः ॥
भूमाव् अमृद्नन् वेगेन सवर्माणं पताकिनम् ॥
रथं नागाः समासाद्य धुरि गृह्य च मारिष ॥
व्याक्षिपन् सहसा तत्र घोररूपे महामृधे ॥
नाराचैर् निहतश् चापि निपपात महागजः ॥
पर्वतस्येव शिखरं वज्रभग्नं महीतले ॥
योधा योधान् समासाद्य मुष्टिभिर् व्यहनन् युधि ॥
केशेष्व् अन्योन्यम् आक्षिप्य चिच्छिदुर् बिभिदुः सह ॥
उद्यम्य च भुजाव् अन्यो निक्षिप्य च महीतले ॥
पदा चोरः समाक्रम्य स्फुरतो व्यहनच् छिरः ॥
मृतम् अन्यो महाराज पद्भ्यां ताडितवांस् तदा ॥
जीवतश् च तथैवान्यः शस्त्रं काये न्यमज्जयत् ॥
मुष्टियुद्धं महच् चासीद् योधानां तत्र भारत ॥
तथा केशग्रहश् चोग्रो बाहुयुद्धं च केवलम् ॥
समासक्तस्य चान्येन अविज्ञातस् तथापरः ॥
जहार समरे प्राणान् नानाशस्त्रैर् अनेकधा ॥
संसक्तेषु च योधेषु वर्तमाने च संकुले ॥
कबन्धान्य् उत्थितानि स्म शतशो ऽथ सहस्रशः ॥
लोहितैः सिच्यमानानि शस्त्राणि कवचानि च ॥
महारङ्गानुरक्तानि वस्त्राणीव चकाशिरे ॥
एवम् एतन् महायुद्धं दारुणं भृशसंकुलम् ॥
उन्मत्तरङ्गप्रतिमं शब्देनापूरयज् जगत् ॥
नैव स्वे न परे राजन् विज्ञायन्ते शरातुराः ॥
योद्धव्यम् इति युध्यन्ते राजानो जयगृद्धिनः ॥
स्वान् स्वे जघ्नुर् महाराज परांश् चैव समागतान् ॥
उभयोः सेनयोर् वीरैर् व्याकुलं समपद्यत ॥
रथैर् भग्नैर् महाराज वारणैश् च निपातितैः ॥
हयैश् च पतितैस् तत्र नरैश् च विनिपातितैः ॥
अगम्यरूपा पृथिवी मांसशोणितकर्दमा ॥
क्षणेनासीन् महाराज क्षतजौघप्रवर्तिनी ॥
पाञ्चालान् अवधीत् कर्णस् त्रिगर्तांश् च धनंजयः ॥
भीमसेनः कुरून् राजन् हस्त्यनीकं च सर्वशः ॥
एवम् एष क्षयो वृत्तः कुरुपाण्डवसेनयोः ॥
अपराह्णे महाराज काङ्क्षन्त्योर् विपुलं जयम् ॥

लिप्यंतरण (IAST)

narā naraiḥ samājagmur vāraṇā varavāraṇaiḥ ||
rathāś ca rathibhiḥ sārdhaṃ hayāś ca hayasādibhiḥ ||
dvaṃdvāny āsan mahārāja prekṣaṇīyāni saṃyuge ||
vismāpanāny acintyāni śastravanty uttamāni ca ||
ayudhyanta mahāvegāḥ parasparavadhaiṣiṇaḥ ||
anyonyaṃ samare jaghnur yodhavratam anuṣṭhitāḥ ||
na hi te samaraṃ cakruḥ pṛṣṭhato vai kathaṃ cana ||
muhūrtam eva tad yuddham āsīn madhuradarśanam ||
tata unmattavad rājan nirmaryādam avartata ||
rathī nāgaṃ samāsādya vicaran raṇamūrdhani ||
preṣayām āsa kālāya śaraiḥ saṃnataparvabhiḥ ||
nāgā hayān samāsādya vikṣipanto bahūn atha ||
drāvayām āsur atyugrās tatra tatra tadā tadā ||
vidrāvya ca bahūn aśvān nāgā rājan balotkaṭāḥ ||
viṣāṇaiś cāpare jaghnur mamṛduś cāpare bhṛśam ||
sāśvārohāṃś ca turagān viṣāṇair bibhidū raṇe ||
aparāṃś cikṣipur vegāt pragṛhyātibalās tathā ||
pādātair āhatā nāgā vivareṣu samantataḥ ||
cakrur ārtasvaraṃ ghoraṃ vyadravanta diśo daśa ||
padātīnāṃ tu sahasā pradrutānāṃ mahāmṛdhe ||
utsṛjyābharaṇaṃ tūrṇam avaplutya raṇājire ||
nimittaṃ manyamānās tu pariṇamya mahāgajāḥ ||
jagṛhur bibhiduś caiva citrāṇy ābharaṇāni ca ||
pratimāneṣu kumbheṣu dantaveṣṭeṣu cāpare ||
nigṛhītā bhṛśaṃ nāgāḥ prāsatomaraśaktibhiḥ ||
nigṛhya ca gadāḥ ke cit pārśvasthair bhṛśadāruṇaiḥ ||
rathāśvasādibhis tatra saṃbhinnā nyapatan bhuvi ||
sarathaṃ sādinaṃ tatra apare tu mahāgajāḥ ||
bhūmāv amṛdnan vegena savarmāṇaṃ patākinam ||
rathaṃ nāgāḥ samāsādya dhuri gṛhya ca māriṣa ||
vyākṣipan sahasā tatra ghorarūpe mahāmṛdhe ||
nārācair nihataś cāpi nipapāta mahāgajaḥ ||
parvatasyeva śikharaṃ vajrabhagnaṃ mahītale ||
yodhā yodhān samāsādya muṣṭibhir vyahanan yudhi ||
keśeṣv anyonyam ākṣipya cicchidur bibhiduḥ saha ||
udyamya ca bhujāv anyo nikṣipya ca mahītale ||
padā coraḥ samākramya sphurato vyahanac chiraḥ ||
mṛtam anyo mahārāja padbhyāṃ tāḍitavāṃs tadā ||
jīvataś ca tathaivānyaḥ śastraṃ kāye nyamajjayat ||
muṣṭiyuddhaṃ mahac cāsīd yodhānāṃ tatra bhārata ||
tathā keśagrahaś cogro bāhuyuddhaṃ ca kevalam ||
samāsaktasya cānyena avijñātas tathāparaḥ ||
jahāra samare prāṇān nānāśastrair anekadhā ||
saṃsakteṣu ca yodheṣu vartamāne ca saṃkule ||
kabandhāny utthitāni sma śataśo 'tha sahasraśaḥ ||
lohitaiḥ sicyamānāni śastrāṇi kavacāni ca ||
mahāraṅgānuraktāni vastrāṇīva cakāśire ||
evam etan mahāyuddhaṃ dāruṇaṃ bhṛśasaṃkulam ||
unmattaraṅgapratimaṃ śabdenāpūrayaj jagat ||
naiva sve na pare rājan vijñāyante śarāturāḥ ||
yoddhavyam iti yudhyante rājāno jayagṛddhinaḥ ||
svān sve jaghnur mahārāja parāṃś caiva samāgatān ||
ubhayoḥ senayor vīrair vyākulaṃ samapadyata ||
rathair bhagnair mahārāja vāraṇaiś ca nipātitaiḥ ||
hayaiś ca patitais tatra naraiś ca vinipātitaiḥ ||
agamyarūpā pṛthivī māṃsaśoṇitakardamā ||
kṣaṇenāsīn mahārāja kṣatajaughapravartinī ||
pāñcālān avadhīt karṇas trigartāṃś ca dhanaṃjayaḥ ||
bhīmasenaḥ kurūn rājan hastyanīkaṃ ca sarvaśaḥ ||
evam eṣa kṣayo vṛttaḥ kurupāṇḍavasenayoḥ ||
aparāhṇe mahārāja kāṅkṣantyor vipulaṃ jayam ||

शब्दशः अर्थ
संस्कृतIASTअर्थ
नराः नरैः समाजग्मुःnarāḥ naraiḥ samājagmuḥлюди с людьми сошлись; воины с воинами
वारणाः वरवारणैःvāraṇāḥ varavāraṇaiḥслоны с лучшими слонами; слоны со слонами
रथाः च रथिभिः सार्धम्rathāḥ ca rathibhiḥ sārdhamи колесницы с колесничими; ратхи с ратхинами
हयाः च हयसादिभिःhayāḥ ca hayasādibhiḥи кони с конниками; конница с конницей
द्वंद्वानि आसन् महाराजdvaṃdvāni āsan mahārājaпоединки были, великий царь; схватки возникли
प्रेक्षणीयानि संयुगेprekṣaṇīyāni saṃyugeдостойные смотреть в бою; зрелищные
विस्मापनानि अचिन्त्यानिvismāpanāni acintyāniудивительные, непостижимые; поражавшие разум
शस्त्रवन्ति उत्तमानि चśastravanti uttamāni caс оружием, превосходные; полные оружия
अयुध्यन्त महावेगाःayudhyanta mahāvegāḥсражались великоскорые; быстрые воины
परस्परवधैषिणःparasparavadhaiṣiṇaḥжелающие убить друг друга; ища взаимной смерти
अन्योन्यम् समरे जघ्नुःanyonyam samare jaghnuḥдруг друга в бою били; поражали друг друга
योधव्रतम् अनुष्ठिताःyodhavratam anuṣṭhitāḥвоинский обет исполняющие; следуя долгу воинов
न हि ते समरम् चक्रुःna hi te samaram cakruḥне ведь они бой делали; они не сражались
पृष्ठतः वै कथं चनpṛṣṭhataḥ vai kathaṃ canaсзади же каким-либо образом; ударяя в спину
मुहूर्तम् एव तद् युद्धम्muhūrtam eva tad yuddhamмгновение именно та битва; некоторое время бой
आसीत् मधुरदर्शनम्āsīt madhuradarśanamбыл сладок для взгляда; был прекрасен
ततः उन्मत्तवत् राजन्tataḥ unmattavat rājanзатем как безумный, царь; потом безумно
निर्मर्यादम् अवर्ततnirmaryādam avartataбез границ развернулся; стал беспредельным
रथी नागम् समासाद्यrathī nāgam samāsādyaколесничий слона достигнув; ратхин против слона
विचरन् रणमूर्धनिvicaran raṇamūrdhaniдвигаясь на вершине боя; в гуще боя
प्रेषयाम् आस कालायpreṣayām āsa kālāyaпосылал к Кале; отправлял к смерти
शरैः संनतपर्वभिःśaraiḥ saṃnataparvabhiḥстрелами с согнутыми узлами; изогнутыми стрелами
नागाः हयान् समासाद्यnāgāḥ hayān samāsādyaслоны коней встретив; слоны настигали коней
विक्षिपन्तः बहून् अथvikṣipantaḥ bahūn athaразбрасывая многих тогда; многих бросая
द्रावयाम् आसुः अत्युग्राःdrāvayām āsuḥ atyugrāḥзаставляли бежать очень страшные; гнали прочь
तत्र तत्र तदा तदाtatra tatra tadā tadāтам и там тогда; повсюду
विद्राव्य च बहून् अश्वान्vidrāvya ca bahūn aśvānи разогнав многих коней; разметав лошадей
नागाः राजन् बलोत्कटाःnāgāḥ rājan balotkaṭāḥслоны, царь, силой выдающиеся; мощные слоны
विषाणैः च अपरे जघ्नुःviṣāṇaiḥ ca apare jaghnuḥи бивнями другие убивали; били бивнями
ममृदुः च अपरे भृशम्mamṛduḥ ca apare bhṛśamи другие сильно давили; топтали
साश्वारोहान् च तुरगान्sāśvārohān ca turagānи коней со всадниками; конницу
विषाणैः बिभिदुः रणेviṣāṇaiḥ bibhiduḥ raṇeбивнями пробивали в бою; пронзали
अपरान् चिक्षिपुः वेगात्aparān cikṣipuḥ vegātдругих бросали силой; метали прочь
प्रगृह्य अतिबलाः तथाpragṛhya atibalāḥ tathāсхватив, сверхсильные так; схватывая
पादातैः आहताः नागाःpādātaiḥ āhatāḥ nāgāḥпехотинцами поражённые слоны; слоны, битые пешими
विवरेषु समन्ततःvivareṣu samantataḥв уязвимых местах со всех сторон; со всех сторон
चक्रुः आर्तस्वरम् घोरम्cakruḥ ārtasvaram ghoramиздавали стон страшный; страшно трубили
व्यद्रवन्त दिशः दशvyadravanta diśaḥ daśaбежали в десять сторон; разбегались
पदातीनाम् तु सहसाpadātīnām tu sahasāпехотинцев же внезапно; когда пешие
प्रद्रुतानाम् महामृधेpradrutānām mahāmṛdheбежали в великой битве; бросались прочь
उत्सृज्य आभरणम् तूर्णम्utsṛjya ābharaṇam tūrṇamбросив украшения быстро; отбросив уборы
अवप्लुत्य रणाजिरेavaplutya raṇājireспрыгнув на поле боя; соскочив
निमित्तम् मन्यमानाः तुnimittam manyamānāḥ tuзнаком считая же; принимая за знак
परिणम्य महागजाःpariṇamya mahāgajāḥповернувшись, великие слоны; повернув
जगृहुः बिभिदुः च एवjagṛhuḥ bibhiduḥ ca evaхватали и пробивали; схватывали и рвали
चित्राणि आभरणानि चcitrāṇi ābharaṇāni caпёстрые украшения также; яркие уборы
प्रतिमानेषु कुम्भेषुpratimāneṣu kumbheṣuв лицевых пластинах и лбах; на лбах
दन्तवेष्टेषु च अपरेdantaveṣṭeṣu ca apareи обмотках бивней другие; на бивнях
निगृहीताः भृशम् नागाःnigṛhītāḥ bhṛśam nāgāḥзажатые сильно слоны; слоны были удержаны
प्रासतोमरशक्तिभिःprāsatomaraśaktibhiḥпрасами, томарами, шакти; копьями и дротиками
निगृह्य च गदाः के चित्nigṛhya ca gadāḥ ke citи схватив булавы некоторые; некоторые схватили
पार्श्वस्थैः भृशदारुणैःpārśvasthaiḥ bhṛśadāruṇaiḥстоящими сбоку очень страшными; стоящими рядом
रथाश्वसादिभिः तत्रrathāśvasādibhiḥ tatraколесницами, конями, всадниками там; ратхами и конницей
संभिन्नाः न्यपतन् भुविsaṃbhinnāḥ nyapatan bhuviразбитые падали на землю; рушились
सरथम् सादिनम् तत्रsaratham sādinam tatraс колесницей и всадником там; вместе с ратхой
अपरे तु महागजाःapare tu mahāgajāḥдругие же великие слоны; иные слоны
भूमौ अमृद्नन् वेगेनbhūmau amṛdnan vegenaна земле давили силой; топтали
सवर्माणम् पताकिनम्savarmāṇam patākinamс доспехом и стягом; бронированного
रथम् नागाः समासाद्यratham nāgāḥ samāsādyaколесницу слоны достигнув; дойдя до ратхи
धुरि गृह्य च मारिषdhuri gṛhya ca māriṣaза дышло схватив, почтенный; ухватив за дышло
व्याक्षिपन् सहसा तत्रvyākṣipan sahasā tatraразбрасывали внезапно там; швыряли
घोररूपे महामृधेghorarūpe mahāmṛdheв страшной великой битве; в ужасной сече
नाराचैः निहतः च अपिnārācaiḥ nihataḥ ca apiнарачами убитый также; поражённый стрелами
निपपात महागजःnipapāta mahāgajaḥупал великий слон; рухнул слон
पर्वतस्य इव शिखरम्parvatasya iva śikharamкак вершина горы; словно горная вершина
वज्रभग्नम् महीतलेvajrabhagnam mahītaleваджрой разбитая на земле; сбитая молнией
योधाः योधान् समासाद्यyodhāḥ yodhān samāsādyaвоины воинов встретив; сойдясь
मुष्टिभिः व्यहनन् युधिmuṣṭibhiḥ vyahanan yudhiкулаками били в бою; дрались кулаками
केशेषु अन्योन्यम् आक्षिप्यkeśeṣu anyonyam ākṣipyaза волосы друг друга схватив; таская за волосы
चिच्छिदुः बिभिदुः सहcicchiduḥ bibhiduḥ sahaрубили и пробивали вместе; резали и кололи
उद्यम्य च भुजौ अन्यःudyamya ca bhujau anyaḥи подняв руки другой; иной подняв руки
निक्षिप्य च महीतलेnikṣipya ca mahītaleи бросив на землю; повалив наземь
पदा च उरः समाक्रम्यpadā ca uraḥ samākramyaи ногой на грудь наступив; наступив на грудь
स्फुरतः व्यहनत् शिरःsphurataḥ vyahanat śiraḥбьющегося разбивал голову; разбивал голову
मृतम् अन्यः महाराजmṛtam anyaḥ mahārājaмёртвого другой, великий царь; иной мёртвого
पद्भ्याम् ताडितवान् तदाpadbhyām tāḍitavān tadāногами бил тогда; топтал ногами
जीवतः च तथा एव अन्यःjīvataḥ ca tathā eva anyaḥи живому так же другой; другой живому
शस्त्रम् काये न्यमज्जयत्śastram kāye nyamajjayatоружие в тело погружал; всаживал оружие
मुष्टियुद्धम् महत् च आसीत्muṣṭiyuddham mahat ca āsītкулачный бой великий был; была драка кулаками
योधानाम् तत्र भारतyodhānām tatra bhārataвоинов там, Бхарата; среди воинов
तथा केशग्रहः च उग्रःtathā keśagrahaḥ ca ugraḥтакже хватание за волосы страшное; страшные схватки
बाहुयुद्धम् च केवलम्bāhuyuddham ca kevalamи только борьба руками; рукопашная
समासक्तस्य च अन्येनsamāsaktasya ca anyenaсцепившегося с одним; пока один сцепился
अविज्ञातः तथा अपरःavijñātaḥ tathā aparaḥнезамеченный так другой; другой незаметно
जहार समरे प्राणान्jahāra samare prāṇānзабирал в бою жизни; отнимал жизнь
नानाशस्त्रैः अनेकधाnānāśastraiḥ anekadhāразным оружием многими способами; разными ударами
संसक्तेषु च योधेषुsaṃsakteṣu ca yodheṣuи когда воины сцепились; в тесной схватке
वर्तमाने च संकुलेvartamāne ca saṃkuleи смятение продолжалось; в общей свалке
कबन्धानि उत्थितानि स्मkabandhāni utthitāni smaобезглавленные тела поднимались; туловища вставали
शतशः अथ सहस्रशःśataśaḥ atha sahasraśaḥсотнями и тысячами; сотни и тысячи
लोहितैः सिच्यमानानिlohitaiḥ sicyamānāniкровью орошаемые; залитые кровью
शस्त्राणि कवचानि चśastrāṇi kavacāni caоружия и доспехи; оружие и броня
महारङ्गानुरक्तानिmahāraṅgānuraktāniв большой краске окрашенные; багряно окрашенные
वस्त्राणि इव चकाशिरेvastrāṇi iva cakāśireкак одежды сияли; словно ткани
एवम् एतत् महायुद्धम्evam etat mahāyuddhamтак эта великая битва; такой бой
दारुणम् भृशसंकुलम्dāruṇam bhṛśasaṃkulamстрашная, очень смятённая; ужасно смешанная
उन्मत्तरङ्गप्रतिमम्unmattaraṅgapratimamподобная безумному театру; как безумная сцена
शब्देन आपूरयत् जगत्śabdena āpūrayat jagatзвуком наполняла мир; заполняла мир
न एव स्वेna eva sveни свои; своих не
न परे राजन्na pare rājanни чужие, царь; ни врагов, царь
विज्ञायन्ते शरातुराःvijñāyante śarāturāḥузнавались, стрелами измученные; не различали
योद्धव्यम् इति युध्यन्तेyoddhavyam iti yudhyante«надо сражаться» так сражаются; сражались по долгу
राजानः जयगृद्धिनःrājānaḥ jayagṛddhinaḥцари, жадные до победы; победолюбивые цари
स्वान् स्वे जघ्नुः महाराजsvān sve jaghnuḥ mahārājaсвоих свои били, великий царь; свои убивали своих
परान् च एव समागतान्parān ca eva samāgatānи врагов также встретившихся; и врагов
उभयोः सेनयोः वीरैःubhayoḥ senayoḥ vīraiḥдвух армий героями; воинами обеих армий
व्याकुलम् समपद्यतvyākulam samapadyataсмятение возникло; получилось смешение
रथैः भग्नैः महाराजrathaiḥ bhagnaiḥ mahārājaколесницами разбитыми, великий царь; сломанные ратхи
वारणैः च निपातितैःvāraṇaiḥ ca nipātitaiḥи слонами поваленными; павшие слоны
हयैः च पतितैः तत्रhayaiḥ ca patitaiḥ tatraи конями упавшими там; павшие кони
नरैः च विनिपातितैःnaraiḥ ca vinipātitaiḥи людьми поверженными; убитые люди
अगम्यरूपा पृथिवीagamyarūpā pṛthivīнепроходимого вида земля; земля стала непроходимой
मांसशोणितकर्दमाmāṃsaśoṇitakardamāмясо-кровавой грязью; грязью из плоти и крови
क्षणेन आसीत् महाराजkṣaṇena āsīt mahārājaв мгновение стала, великий царь; мгновенно сделалась
क्षतजौघप्रवर्तिनीkṣatajaughapravartinīпотоки крови несущая; текущая кровью
पाञ्चालान् अवधीत् कर्णःpāñcālān avadhīt karṇaḥПанчалов убивал Карна; Карна бил Панчалов
त्रिगर्तान् च धनंजयःtrigartān ca dhanaṃjayaḥа тригартов Дхананджая; Арджуна тригартов
भीमसेनः कुरून् राजन्bhīmasenaḥ kurūn rājanБхимасена Куру, царь; Бхима Куру
हस्त्यनीकम् च सर्वशःhastyanīkam ca sarvaśaḥи слоновий строй целиком; весь слоновий строй
एवम् एष क्षयः वृत्तःevam eṣa kṣayaḥ vṛttaḥтак эта гибель произошла; такой урон случился
कुरुपाण्डवसेनयोःkurupāṇḍavasenayoḥвойск Куру и Пандавов; двух армий
अपराह्णे महाराजaparāhṇe mahārājaпосле полудня, великий царь; во второй половине дня
काङ्क्षन्त्योः विपुलम् जयम्kāṅkṣantyoḥ vipulam jayamжаждущих обширной победы; жаждущих великой победы
अनुवाद

Люди сходились с людьми, слоны — с лучшими слонами, колесницы с колесничими, а кони с конниками. В сражении возникали поединки, достойные взгляда, удивительные, непостижимые и полные превосходного оружия. Стремительные воины, желая убить друг друга, сражались; исполняя воинский обет, они поражали друг друга в бою и никогда не вели его со спины. Лишь некоторое время эта битва была прекрасна для взгляда; затем, о царь, она стала безумной и лишённой границ. Колесничий, встретив слона в самой гуще боя, посылал его к Кале изогнутыми стрелами. Очень страшные слоны, настигнув коней, разбрасывали многих и там и сям обращали их в бегство. Мощные слоны, разогнав множество коней, одних били бивнями, других жестоко топтали, коней со всадниками пробивали бивнями, а иных, схватив, с великой силой бросали. Поражённые пехотинцами во все уязвимые места, слоны издавали страшные стоны и разбегались в десять сторон. Пешие в великой битве внезапно бросали украшения и соскальзывали на поле; великие слоны, принимая это за знак, поворачивали, хватали и пробивали пёстрые украшения. Другие слоны, схваченные за лицевые пластины, лбы и обмотки бивней прасами, томарами и шакти, падали на землю, разбитые стоящими рядом страшными колесницами, конями и всадниками. Иные великие слоны вместе с колесницей и всадником давили на земле бронированных, со стягами; схватив колесницу за дышло, слоны внезапно швыряли её в этой страшной великой битве. Великий слон, поражённый нарачами, падал на землю, как вершина горы, разбитая ваджрой. Воины, сходясь с воинами, били друг друга кулаками; хватая друг друга за волосы, рубили и кололи. Один, подняв руки врага и бросив его на землю, наступал ногой на грудь и разбивал голову бьющегося; другой топтал ногами мёртвого, а иной вонзал оружие в тело живого. Среди воинов, о Бхарата, была великая кулачная схватка, страшное хватание за волосы и чистая рукопашная. Пока один сцеплялся с другим, третий, незамеченный, разными оружиями и многими способами забирал жизнь в бою. Когда воины сцепились и смятение продолжалось, сотнями и тысячами поднимались обезглавленные туловища. Орошённые кровью оружие и доспехи сияли, словно одежды, окрашенные ярко-красной краской. Так эта страшная, чрезвычайно смешанная великая битва, подобная безумной сцене, наполняла мир звуком. Измученные стрелами не различали ни своих, ни чужих, о царь; цари, жадные до победы, сражались только потому, что «надо сражаться». Свои били своих, о великий царь, и также встреченных врагов; среди героев обеих армий возникло полное смешение. Разбитые колесницы, поваленные слоны, павшие кони и убитые люди мгновенно сделали землю непроходимой, грязной от мяса и крови, текущей потоками ран. Карна убивал Панчалов, Дхананджая — тригартов, Бхимасена — Куру и весь слоновий строй. Так во второй половине дня произошла эта гибель двух войск, Куру и Пандавов, жаждавших великой победы».

संस्करण

8a1fbf0f2bd8 · प्रकाशित 20 जून 2026, 8:45:27 am UTC

उपलब्ध भाषाएँRU
पिछलाश्लोक 8.19.36-45

श्लोक बदलें इन कुंजियों से