अथ सात्यकिम् उत्सृज्य त्वरन् कर्णो ऽर्जुनं त्रिभिः ॥
विद्ध्वा विव्याध विंशत्या कृष्णं पार्थं पुनस् त्रिभिः ॥
अथ सात्यकिर् आगत्य कर्णं विद्ध्वा शितैः शरैः ॥
नवत्या नवभिश् चोग्रैः शतेन पुनर् आर्दयत् ॥
ततः प्रवीराः पाण्डूनां सर्वे कर्णम् अपीडयन् ॥
युधामन्युः शिखण्डी च द्रौपदेयाः प्रभद्रकाः ॥
उत्तमौजा युयुत्सुश् च यमौ पार्षत एव च ॥
चेदिकारूषमत्स्यानां केकयानां च यद् बलम् ॥
चेकितानश् च बलवान् धर्मराजश् च सुव्रतः ॥
एते रथाश्वद्विरदैः पत्तिभिश् चोग्रविक्रमैः ॥
परिवार्य रणे कर्णं नानाशस्त्रैर् अवाकिरन् ॥
भाषन्तो वाग्भिर् उग्राभिः सर्वे कर्णवधे वृताः ॥
तां शस्त्रवृष्टिं बहुधा छित्त्वा कर्णः शितैः शरैः ॥
अपोवाह स्म तान् सर्वान् द्रुमान् भङ्क्त्वेव मारुतः ॥
रथिनः समहामात्रान् गजान् अश्वान् ससादिनः ॥
शरव्रातांश् च संक्रुद्धो निघ्नन् कर्णो व्यदृश्यत ॥
तद् वध्यमानं पाण्डूनां बलं कर्णास्त्रतेजसा ॥
विशस्त्रक्षतदेहं च प्राय आसीत् पराङ्मुखम् ॥
अथ कर्णास्त्रम् अस्त्रेण प्रतिहत्यार्जुनः स्वयम् ॥
दिशः खं चैव भूमिं च प्रावृणोच् छरवृष्टिभिः ॥
atha sātyakim utsṛjya tvaran karṇo 'rjunaṃ tribhiḥ ||
viddhvā vivyādha viṃśatyā kṛṣṇaṃ pārthaṃ punas tribhiḥ ||
atha sātyakir āgatya karṇaṃ viddhvā śitaiḥ śaraiḥ ||
navatyā navabhiś cograiḥ śatena punar ārdayat ||
tataḥ pravīrāḥ pāṇḍūnāṃ sarve karṇam apīḍayan ||
yudhāmanyuḥ śikhaṇḍī ca draupadeyāḥ prabhadrakāḥ ||
uttamaujā yuyutsuś ca yamau pārṣata eva ca ||
cedikārūṣamatsyānāṃ kekayānāṃ ca yad balam ||
cekitānaś ca balavān dharmarājaś ca suvrataḥ ||
ete rathāśvadviradaiḥ pattibhiś cogravikramaiḥ ||
parivārya raṇe karṇaṃ nānāśastrair avākiran ||
bhāṣanto vāgbhir ugrābhiḥ sarve karṇavadhe vṛtāḥ ||
tāṃ śastravṛṣṭiṃ bahudhā chittvā karṇaḥ śitaiḥ śaraiḥ ||
apovāha sma tān sarvān drumān bhaṅktveva mārutaḥ ||
rathinaḥ samahāmātrān gajān aśvān sasādinaḥ ||
śaravrātāṃś ca saṃkruddho nighnan karṇo vyadṛśyata ||
tad vadhyamānaṃ pāṇḍūnāṃ balaṃ karṇāstratejasā ||
viśastrakṣatadehaṃ ca prāya āsīt parāṅmukham ||
atha karṇāstram astreṇa pratihatyārjunaḥ svayam ||
diśaḥ khaṃ caiva bhūmiṃ ca prāvṛṇoc charavṛṣṭibhiḥ ||
Тогда Карна, оставив Сатьяки, поспешно ранил Арджуну тремя стрелами, затем двадцатью поразил Кришну и снова тремя — Партху. Но Сатьяки подошёл, пронзил Карну острыми стрелами и снова изнурил его девяносто девятью страшными стрелами и ещё сотней. После этого все выдающиеся воины Пандавов стали теснить Карну: Юдхаманью, Шикханди, сыновья Драупади, прабхадраки, Уттамауджас, Юютсу, два близнеца, Паршата, войска чеди, карушей, матсьев и кекаев, сильный Чекитана и верный обетам Дхармараджа. Они окружили Карну в бою колесницами, конями, слонами и пехотинцами страшной доблести, осыпали его разным оружием и, грозно выкрикивая, все устремились к убийству Карны. Карна острыми стрелами рассёк этот дождь оружия и отбросил их всех, как буря ломает деревья. Разгневанный Карна был виден, когда поражал колесничих, погонщиков, слонов, коней со всадниками и тучи стрел. Войско Панду, избиваемое силой оружия Карны, израненное и лишённое оружия, почти обратилось вспять. Тогда Арджуна сам отразил Карна-астру своей астрой и покрыл стороны света, небо и землю ливнями стрел».
5f33abbe9ae2 · प्रकाशित 20 जून 2026, 8:45:27 am UTC
उपलब्ध भाषाएँRUश्लोक बदलें इन कुंजियों से
Карна на мгновение становится центром поля: против него сходятся почти все силы Пандавов, и он всё же отбрасывает их. Но решающий ответ приходит от Арджуны: только равная духовная и воинская сосредоточенность может остановить эту волну разрушения.