वाजिनश् च हतारोहाः पत्तयश् च गतासवः ॥
शेरते युधि निर्भिन्ना वमन्तो रुधिरं बहु ॥
सहस्रशश् च रथिनः पतिताः पतितायुधाः ॥
अक्षताः समदृश्यन्त भीमाद् भीता गतासवः ॥
रथिभिर् वाजिभिः सूतैः पत्तिभिश् च तथा गजैः ॥
भीमसेनशरच्छिन्नैर् आस्तीर्णा वसुधाभवत् ॥
तत् स्तम्भितम् इवातिष्ठद् भीमसेनबलार्दितम् ॥
दुर्योधनबलं राजन् निरुत्साहं कृतव्रणम् ॥
निश्चेष्टं तुमुले दीनं बभौ तस्मिन् महारणे ॥
प्रसन्नसलिलः काले यथा स्यात् सागरो नृप ॥
मन्युवीर्यबलोपेतं बलात् पर्यवरोपितम् ॥
अभवत् तव पुत्रस्य तत् सैन्यम् इषुभिस् तदा ॥
रुधिरौघपरिक्लिन्नं रुधिरार्द्रं बभूव ह ॥
सूतपुत्रो रणे क्रुद्धः पाण्डवानाम् अनीकिनीम् ॥
भीमसेनः कुरूंश् चापि द्रावयन् बह्व् अशोभत ॥
वर्तमाने तथा रौद्रे संग्रामे ऽद्भुतदर्शने ॥
निहत्य पृतनामध्ये संशप्तकगणान् बहून् ॥
अर्जुनो जयतां श्रेष्ठो वासुदेवम् अथाब्रवीत् ॥
प्रभग्नं बलम् एतद् धि योत्स्यमानं जनार्दन ॥
एते धावन्ति सगणाः संशप्तकमहारथाः ॥
अपारयन्तो मद्बाणान् सिंहशब्दान् मृगा इव ॥
vājinaś ca hatārohāḥ pattayaś ca gatāsavaḥ ||
śerate yudhi nirbhinnā vamanto rudhiraṃ bahu ||
sahasraśaś ca rathinaḥ patitāḥ patitāyudhāḥ ||
akṣatāḥ samadṛśyanta bhīmād bhītā gatāsavaḥ ||
rathibhir vājibhiḥ sūtaiḥ pattibhiś ca tathā gajaiḥ ||
bhīmasenaśaracchinnair āstīrṇā vasudhābhavat ||
tat stambhitam ivātiṣṭhad bhīmasenabalārditam ||
duryodhanabalaṃ rājan nirutsāhaṃ kṛtavraṇam ||
niśceṣṭaṃ tumule dīnaṃ babhau tasmin mahāraṇe ||
prasannasalilaḥ kāle yathā syāt sāgaro nṛpa ||
manyuvīryabalopetaṃ balāt paryavaropitam ||
abhavat tava putrasya tat sainyam iṣubhis tadā ||
rudhiraughapariklinnaṃ rudhirārdraṃ babhūva ha ||
sūtaputro raṇe kruddhaḥ pāṇḍavānām anīkinīm ||
bhīmasenaḥ kurūṃś cāpi drāvayan bahv aśobhata ||
vartamāne tathā raudre saṃgrāme 'dbhutadarśane ||
nihatya pṛtanāmadhye saṃśaptakagaṇān bahūn ||
arjuno jayatāṃ śreṣṭho vāsudevam athābravīt ||
prabhagnaṃ balam etad dhi yotsyamānaṃ janārdana ||
ete dhāvanti sagaṇāḥ saṃśaptakamahārathāḥ ||
apārayanto madbāṇān siṃhaśabdān mṛgā iva ||
Кони с убитыми всадниками и пешие, лишённые жизни, лежали в бою, пронзённые и истекающие обильной кровью. Тысячи колесничных воинов, павшие с выпавшим оружием, казались невредимыми, хотя были безжизненны от страха перед Бхимой. Земля была устлана колесничими, конями, возницами, пешими и слонами, рассечёнными стрелами Бхимасены. Войско Дурьодханы, измученное силой Бхимасены, стояло словно оцепеневшее, без воодушевления и всё израненное, царь. В той великой битве оно выглядело неподвижным и жалким среди сумятицы, как океан со спокойной водой в своё время. Войско твоего сына, прежде исполненное гнева, доблести и силы, было насильно низвергнуто стрелами и стало мокрым от крови, залитым кровавыми потоками. Разгневанный сын суты в бою разгонял войско Пандавов, а Бхимасена — Куру; оба выглядели великолепно. Пока продолжалась эта грозная, чудесная видом битва, Арджуна, лучший из победителей, сразив в гуще войска многие отряды самшаптаков, сказал Васудеве: «Это войско, сражаясь, разбито, Джанардана. Эти великие самшаптаки бегут со своими отрядами, не выдерживая моих стрел, как звери не выдерживают львиного рёва».
fa6968cf903b · प्रकाशित 20 जून 2026, 6:21:34 am UTC
उपलब्ध भाषाएँRUश्लोक बदलें इन कुंजियों से
Бхима и Карна отражают друг друга как две стороны разрушения, а Арджуна уже смотрит шире отдельного успеха. Победа над самшаптаками не закрывает для него главной тревоги: где сейчас Карна и что происходит с войском Пандавов.