नारद उवाच
कर्णस्य बाहुवीर्येण प्रश्रयेण दमेन च ॥
तुतोष भृगुशार्दूलो गुरुशुश्रूषया तथा ॥
तस्मै स विधिवत् कृत्स्नं ब्रह्मास्त्रं सनिवर्तनम् ॥
प्रोवाचाखिलम् अव्यग्रं तपस्वी सुतपस्विने ॥
विदितास्त्रस् ततः कर्णो रममाणो ऽऽश्रमे भृगोः ॥
चकार वै धनुर्वेदे यत्नम् अद्भुतविक्रमः ॥
ततः कदा चिद् रामस् तु चरन्न् आश्रमम् अन्तिकात् ॥
कर्णेन सहितो धीमान् उपवासेन कर्शितः ॥
सुष्वाप जामदग्न्यो वै विस्रम्भोत्पन्नसौहृदः ॥
कर्णस्योत्सङ्ग आधाय शिरः क्लान्तमना गुरुः ॥
अथ कृमिः श्लेष्ममयो मांसशोणितभोजनः ॥
दारुणो दारुणस्पर्शः कर्णस्याभ्याशम् आगमत् ॥
स तस्योरुम् अथासाद्य बिभेद रुधिराशनः ॥
न चैनम् अशकत् क्षेप्तुं हन्तुं वापि गुरोर् भयात् ॥
संदश्यमानो ऽपि तथा कृमिणा तेन भारत ॥
गुरुप्रबोधशङ्की च तम् उपैक्षत सूतजः ॥
कर्णस् तु वेदनां धैर्याद् असह्यां विनिगृह्य ताम् ॥
अकम्पन्न् अव्यथंश् चैव धारयाम् आस भार्गवम् ॥
यदा तु रुधिरेणाङ्गे परिस्पृष्टो भृगूद्वहः ॥
तदाबुध्यत तेजस्वी संतप्तश् चेदम् अब्रवीत् ॥
nārada uvāca
karṇasya bāhuvīryeṇa praśrayeṇa damena ca ||
tutoṣa bhṛguśārdūlo guruśuśrūṣayā tathā ||
tasmai sa vidhivat kṛtsnaṃ brahmāstraṃ sanivartanam ||
provācākhilam avyagraṃ tapasvī sutapasvine ||
viditāstras tataḥ karṇo ramamāṇo ''śrame bhṛgoḥ ||
cakāra vai dhanurvede yatnam adbhutavikramaḥ ||
tataḥ kadā cid rāmas tu carann āśramam antikāt ||
karṇena sahito dhīmān upavāsena karśitaḥ ||
suṣvāpa jāmadagnyo vai visrambhotpannasauhṛdaḥ ||
karṇasyotsaṅga ādhāya śiraḥ klāntamanā guruḥ ||
atha kṛmiḥ śleṣmamayo māṃsaśoṇitabhojanaḥ ||
dāruṇo dāruṇasparśaḥ karṇasyābhyāśam āgamat ||
sa tasyorum athāsādya bibheda rudhirāśanaḥ ||
na cainam aśakat kṣeptuṃ hantuṃ vāpi guror bhayāt ||
saṃdaśyamāno 'pi tathā kṛmiṇā tena bhārata ||
guruprabodhaśaṅkī ca tam upaikṣata sūtajaḥ ||
karṇas tu vedanāṃ dhairyād asahyāṃ vinigṛhya tām ||
akampann avyathaṃś caiva dhārayām āsa bhārgavam ||
yadā tu rudhireṇāṅge parispṛṣṭo bhṛgūdvahaḥ ||
tadābudhyata tejasvī saṃtaptaś cedam abravīt ||
Нарада сказал: «Тигр среди Бхригу был доволен силой рук Карны, его смирением, самообузданием и служением гуру. Поэтому этот аскет по правилу передал великому аскету Карне всю Брахмастру вместе с её отведением, без упущений и смущения. Изучив оружие, чудесно доблестный Карна, радуясь в ашраме Бхригу, усердно занимался Дханурведой. Однажды мудрый Рама, истощённый постом, ходил возле ашрама вместе с Карной. Уставший учитель Джамадагнья, доверяя ему и питая дружбу, положил голову на колени Карны и заснул. Тогда к Карне подполз ужасный слизистый червь, питающийся мясом и кровью, страшный своим прикосновением. Добравшись до его бедра, кровоядный червь стал вгрызаться в него. Карна не мог ни сбросить его, ни убить, боясь разбудить гуру. Даже терзаемый этим червём, о Бхарата, сын возницы терпел, опасаясь пробуждения учителя. Стойкостью сдержав невыносимую боль, Карна, не дрожа и не показывая страдания, продолжал держать Бхаргаву. Но когда кровь коснулась тела потомка Бхригу, сияющий Рама проснулся и, встревоженный, сказал».
d6ede920bda6 · प्रकाशित 20 जून 2026, 2:52:17 pm UTC
उपलब्ध भाषाएँRUश्लोक बदलें इन कुंजियों से
Карна проявляет подлинное служение гуру и почти сверхчеловеческое терпение. Но именно эта добродетель раскрывает скрытую неправду: такое терпение не похоже на то, что Парашурама ожидал от брахмана.