वैशंपायन उवाच
तद् वाक्यम् आकर्ण्य तथा कुन्तीपुत्रो धनंजयः ॥
युक्तं रथवरं तस्मा आचचक्षे नरर्षभ ॥
ततो युधिष्ठिरो राजा यमौ भीमार्जुनाव् अपि ॥
भूतानीव समस्तानि ययुः कृष्णनिवेशनम् ॥
आगच्छत्स्व् अथ कृष्णो ऽपि पाण्डवेषु महात्मसु ॥
शैनेयसहितो धीमान् रथम् एवान्वपद्यत ॥
रथस्थाः संविदं कृत्वा सुखां पृष्ट्वा च शर्वरीम् ॥
मेघघोषै रथवरैः प्रययुस् ते महारथाः ॥
मेघपुष्पं बलाहं च सैन्यं सुग्रीवम् एव च ॥
दारुकश् चोदयाम् आस वासुदेवस्य वाजिनः ॥
ते हया वासुदेवस्य दारुकेण प्रचोदिताः ॥
गां खुराग्रैस् तथा राजंल् लिखन्तः प्रययुस् तदा ॥
ते ग्रसन्त इवाकाशं वेगवन्तो महाबलाः ॥
क्षेत्रं धर्मस्य कृत्स्नस्य कुरुक्षेत्रम् अवातरन् ॥
ततो ययुर् यत्र भीष्मः शरतल्पगतः प्रभुः ॥
आस्ते ब्रह्मर्षिभिः सार्धं ब्रह्मा देवगणैर् यथा ॥
vaiśaṃpāyana uvāca
tad vākyam ākarṇya tathā kuntīputro dhanaṃjayaḥ ||
yuktaṃ rathavaraṃ tasmā ācacakṣe nararṣabha ||
tato yudhiṣṭhiro rājā yamau bhīmārjunāv api ||
bhūtānīva samastāni yayuḥ kṛṣṇaniveśanam ||
āgacchatsv atha kṛṣṇo 'pi pāṇḍaveṣu mahātmasu ||
śaineyasahito dhīmān ratham evānvapadyata ||
rathasthāḥ saṃvidaṃ kṛtvā sukhāṃ pṛṣṭvā ca śarvarīm ||
meghaghoṣai rathavaraiḥ prayayus te mahārathāḥ ||
meghapuṣpaṃ balāhaṃ ca sainyaṃ sugrīvam eva ca ||
dārukaś codayām āsa vāsudevasya vājinaḥ ||
te hayā vāsudevasya dārukeṇa pracoditāḥ ||
gāṃ khurāgrais tathā rājaṃl likhantaḥ prayayus tadā ||
te grasanta ivākāśaṃ vegavanto mahābalāḥ ||
kṣetraṃ dharmasya kṛtsnasya kurukṣetram avātaran ||
tato yayur yatra bhīṣmaḥ śaratalpagataḥ prabhuḥ ||
āste brahmarṣibhiḥ sārdhaṃ brahmā devagaṇair yathā ||
Вайшампаяна сказал: услышав эти слова, сын Кунти Дхананджая сообщил тому быку среди людей, что лучшая колесница запряжена. Затем царь Юдхиштхира, Близнецы, Бхима и Арджуна, словно все существа, собранные вместе, отправились к жилищу Кришны. Когда великодушные Пандавы подходили, мудрый Кришна вместе с Шайнеей взошёл на колесницу. Стоя на колесницах, они обменялись словами, спросили друг друга о благополучной ночи и отправились на лучших колесницах, гремящих как облака. Дарука погнал коней Васудевы: Мегхапушпу, Балаху, Сайнью и Сугриву. Побуждённые Дарукой, кони Васудевы тогда понеслись, чертя землю кончиками копыт. Быстрые и великосильные, словно пожирая небо, они достигли Курукшетры, поля всей дхармы. Затем они поехали туда, где владыка Бхишма лежал на ложе стрел вместе с брахмариши, как Брахма с сонмами богов.
96a2291b3b3f · प्रकाशित 20 जून 2026, 5:38:20 pm UTC
उपलब्ध भाषाएँRUश्लोक बदलें इन कुंजियों से
Путь к Бхишме описан почти как ритуальная процессия. Курукшетра названа полем всей дхармы: именно там, где дхарма была испытана войной, она теперь должна быть разъяснена словом.