भीष्म उवाच
तत आहूय वैदेहं मुनिर् वचनम् अब्रवीत् ॥
अयं राजकुले जातो विदिताभ्यन्तरो मम ॥
आदर्श इव शुद्धात्मा शारदश् चन्द्रमा इव ॥
नास्मिन् पश्यामि वृजिनं सर्वतो मे परीक्षितः ॥
तेन ते संधिर् एवास्तु विश्वसास्मिन् यथा मयि ॥
न राज्यम् अनमात्येन शक्यं शास्तुम् अमित्रहन् ॥
अमात्यः शूर एव स्याद् बुद्धिसंपन्न एव च ॥
ताभ्यां चैव भयं राज्ञः पश्य राज्यस्य योजनम् ॥
धर्मात्मनां क्व चिल् लोके नान्यास्ति गतिर् ईदृशी ॥
कृतात्मा राजपुत्रो ऽयं सतां मार्गम् अनुष्ठितः ॥
सुसंगृहीतस् त्व् एवैष त्वया धर्मपुरोगमः ॥
संसेव्यमानः शत्रूंस् ते गृह्णीयान् महतो गणान् ॥
यद्य् अयं प्रतियुध्येत् त्वां स्वकर्म क्षत्रियस्य तत् ॥
जिगीषमाणस् त्वां युद्धे पितृपैतामहे पदे ॥
त्वं चापि प्रतियुध्येथा विजिगीषुव्रते स्थितः ॥
अयुद्ध्वैव नियोगान् मे वशे वैदेह ते स्थितः ॥
स त्वं धर्मम् अवेक्षस्व त्यक्त्वाधर्मम् असांप्रतम् ॥
न हि कामान् न च द्रोहात् स्वधर्मं हातुम् अर्हसि ॥
नैव नित्यं जयस् तात नैव नित्यं पराजयः ॥
तस्माद् भोजयितव्यश् च भोक्तव्यश् च परो जनः ॥
आत्मन्य् एव हि संदृश्याव् उभौ जयपराजयौ ॥
निःशेषकारिणां तात निःशेषकरणाद् भयम् ॥
bhīṣma uvāca
tata āhūya vaidehaṃ munir vacanam abravīt ||
ayaṃ rājakule jāto viditābhyantaro mama ||
ādarśa iva śuddhātmā śāradaś candramā iva ||
nāsmin paśyāmi vṛjinaṃ sarvato me parīkṣitaḥ ||
tena te saṃdhir evāstu viśvasāsmin yathā mayi ||
na rājyam anamātyena śakyaṃ śāstum amitrahan ||
amātyaḥ śūra eva syād buddhisaṃpanna eva ca ||
tābhyāṃ caiva bhayaṃ rājñaḥ paśya rājyasya yojanam ||
dharmātmanāṃ kva cil loke nānyāsti gatir īdṛśī ||
kṛtātmā rājaputro 'yaṃ satāṃ mārgam anuṣṭhitaḥ ||
susaṃgṛhītas tv evaiṣa tvayā dharmapurogamaḥ ||
saṃsevyamānaḥ śatrūṃs te gṛhṇīyān mahato gaṇān ||
yady ayaṃ pratiyudhyet tvāṃ svakarma kṣatriyasya tat ||
jigīṣamāṇas tvāṃ yuddhe pitṛpaitāmahe pade ||
tvaṃ cāpi pratiyudhyethā vijigīṣuvrate sthitaḥ ||
ayuddhvaiva niyogān me vaśe vaideha te sthitaḥ ||
sa tvaṃ dharmam avekṣasva tyaktvādharmam asāṃpratam ||
na hi kāmān na ca drohāt svadharmaṃ hātum arhasi ||
naiva nityaṃ jayas tāta naiva nityaṃ parājayaḥ ||
tasmād bhojayitavyaś ca bhoktavyaś ca paro janaḥ ||
ātmany eva hi saṃdṛśyāv ubhau jayaparājayau ||
niḥśeṣakāriṇāṃ tāta niḥśeṣakaraṇād bhayam ||
Бхишма сказал: «Затем муни призвал Вайдеху и сказал: “Этот человек рождён в царском роду, и его внутреннее мне известно. Он чист душой, как зеркало и как осенняя луна. Я не вижу в нём порока: он испытан мною со всех сторон. Пусть у тебя будет союз с ним; доверься ему, как мне. О губитель врагов, царством нельзя править без министра. Министр должен быть храбрым и разумным, но именно эти два качества могут вызывать страх у царя: таково устройство власти. Для праведных людей в мире нет иного такого пути. Этот царевич владеет собой и следует пути добрых. Если ты хорошо примешь его, ставя дхарму впереди, он, служа тебе, сможет захватить для тебя большие группы врагов. Если бы он сражался против тебя, желая победить в бою ради отцовского и дедовского места, это было бы собственным делом кшатрия; и ты, стоя в обете победителя, тоже сражался бы против него. Но теперь, по моему распоряжению, он стоит в твоей власти без битвы, Вайдеха. Поэтому взгляни на дхарму и оставь несвоевременную адхарму. Не из желания и не из вражды ты должен держаться своей дхармы. Победа не вечна, сын, и поражение не вечно. Поэтому другого человека надо и поддерживать, и принимать от него пользу. Победу и поражение следует видеть в самом себе: для тех, кто доводит дело до полного уничтожения, возникает опасность именно от полного уничтожения”».
bf25763ddab4 · प्रकाशित 20 जून 2026, 8:35:51 pm UTC
उपलब्ध भाषाएँRUश्लोक बदलें इन कुंजियों से
Муни показывает Вайдехе практическую дхарму примирения. Настоящая победа здесь не в том, чтобы стереть соперника, а в том, чтобы превратить достойного врага в опору царства.