गृध्र उवाच
अहो धिक् सुनृशंसेन जम्बुकेनाल्पमेधसा ॥
क्षुद्रेणोक्ता हीनसत्त्वा मानुषाः किं निवर्तथ ॥
पञ्चभूतपरित्यक्तं शून्यं काष्ठत्वम् आगतम् ॥
कस्माच् छोचथ निश्चेष्टम् आत्मानं किं न शोचथ ॥
तपः कुरुत वै तीव्रं मुच्यध्वं येन किल्बिषात् ॥
तपसा लभ्यते सर्वं विलापः किं करिष्यति ॥
अनिष्टानि च भाग्यानि जानीत सह मूर्तिभिः ॥
येन गच्छति लोको ऽयं दत्त्वा शोकम् अनन्तकम् ॥
धनं गाश् च सुवर्णं च मणिरत्नम् अथापि च ॥
अपत्यं च तपोमूलं तपोयोगाच् च लभ्यते ॥
यथाकृता च भूतेषु प्राप्यते सुखदुःखता ॥
गृहीत्वा जायते जन्तुर् दुःखानि च सुखानि च ॥
न कर्मणा पितुः पुत्रः पिता वा पुत्रकर्मणा ॥
मार्गेणान्येन गच्छन्ति त्यक्त्वा सुकृतदुष्कृते ॥
धर्मं चरत यत्नेन तथाधर्मान् निवर्तत ॥
वर्तध्वं च यथाकालं दैवतेषु द्विजेषु च ॥
शोकं त्यजत दैन्यं च सुतस्नेहान् निवर्तत ॥
त्यज्यताम् अयम् आकाशे ततः शीघ्रं निवर्तत ॥
यत् करोति शुभं कर्म तथाधर्मं सुदारुणम् ॥
तत् कर्तैव समश्नाति बान्धवानां किम् अत्र हि ॥
इह त्यक्त्वा न तिष्ठन्ति बान्धवा बान्धवं प्रियम् ॥
स्नेहम् उत्सृज्य गच्छन्ति बाष्पपूर्णाविलेक्षणाः ॥
प्राज्ञो वा यदि वा मूर्खः सधनो निर्धनो ऽपि वा ॥
सर्वः कालवशं याति शुभाशुभसमन्वितः ॥
किं करिष्यथ शोचित्वा मृतं किम् अनुशोचथ ॥
सर्वस्य हि प्रभुः कालो धर्मतः समदर्शनः ॥
यौवनस्थांश् च बालांश् च वृद्धान् गर्भगतान् अपि ॥
सर्वान् आविशते मृत्युर् एवंभूतम् इदं जगत् ॥
gṛdhra uvāca
aho dhik sunṛśaṃsena jambukenālpamedhasā ||
kṣudreṇoktā hīnasattvā mānuṣāḥ kiṃ nivartatha ||
pañcabhūtaparityaktaṃ śūnyaṃ kāṣṭhatvam āgatam ||
kasmāc chocatha niśceṣṭam ātmānaṃ kiṃ na śocatha ||
tapaḥ kuruta vai tīvraṃ mucyadhvaṃ yena kilbiṣāt ||
tapasā labhyate sarvaṃ vilāpaḥ kiṃ kariṣyati ||
aniṣṭāni ca bhāgyāni jānīta saha mūrtibhiḥ ||
yena gacchati loko 'yaṃ dattvā śokam anantakam ||
dhanaṃ gāś ca suvarṇaṃ ca maṇiratnam athāpi ca ||
apatyaṃ ca tapomūlaṃ tapoyogāc ca labhyate ||
yathākṛtā ca bhūteṣu prāpyate sukhaduḥkhatā ||
gṛhītvā jāyate jantur duḥkhāni ca sukhāni ca ||
na karmaṇā pituḥ putraḥ pitā vā putrakarmaṇā ||
mārgeṇānyena gacchanti tyaktvā sukṛtaduṣkṛte ||
dharmaṃ carata yatnena tathādharmān nivartata ||
vartadhvaṃ ca yathākālaṃ daivateṣu dvijeṣu ca ||
śokaṃ tyajata dainyaṃ ca sutasnehān nivartata ||
tyajyatām ayam ākāśe tataḥ śīghraṃ nivartata ||
yat karoti śubhaṃ karma tathādharmaṃ sudāruṇam ||
tat kartaiva samaśnāti bāndhavānāṃ kim atra hi ||
iha tyaktvā na tiṣṭhanti bāndhavā bāndhavaṃ priyam ||
sneham utsṛjya gacchanti bāṣpapūrṇāvilekṣaṇāḥ ||
prājño vā yadi vā mūrkhaḥ sadhano nirdhano 'pi vā ||
sarvaḥ kālavaśaṃ yāti śubhāśubhasamanvitaḥ ||
kiṃ kariṣyatha śocitvā mṛtaṃ kim anuśocatha ||
sarvasya hi prabhuḥ kālo dharmataḥ samadarśanaḥ ||
yauvanasthāṃś ca bālāṃś ca vṛddhān garbhagatān api ||
sarvān āviśate mṛtyur evaṃbhūtam idaṃ jagat ||
Гриф сказал: «Позор! Почему вы возвращаетесь, люди слабого духа, послушав низкого и маломудрого шакала? Это тело оставлено пятью элементами, пусто и стало подобно дереву. Зачем вы скорбите о неподвижном? Почему не оплакиваете самих себя? Совершайте суровый тапас, которым освободитесь от греха: тапасом достигается всё, а что сделает плач? Знайте нежеланные судьбы тел, которыми этот мир идёт дальше, оставив бесконечную скорбь. Богатство, коровы, золото, драгоценности и потомство имеют корнем тапас и достигаются через него. Как сделано существом, так оно получает счастье и страдание. Существо рождается, взяв свои счастья и страдания; сын не идёт кармой отца и отец - кармой сына. Каждый идёт своим путём, взяв свои заслуги и грехи. Исполняйте дхарму, отвращайтесь от адхармы, действуйте своевременно по отношению к божествам и брахманам. Оставьте скорбь и уныние, отступите от любви к сыну; оставьте его здесь и быстро возвращайтесь. Доброе дело и страшную адхарму вкушает сам деятель; при чём здесь родственники? Родные, оставив любимого родного, уходят с глазами, полными слёз. Мудрый или глупый, богатый или бедный - каждый идёт во власть времени, соединённый со своей доброй и дурной кармой. Что вы сделаете скорбью? Зачем оплакивать мёртвого? Время - владыка всего и по закону смотрит равно. Смерть входит во всех: молодых, детей, стариков и даже находящихся в утробе. Таков этот мир».
800ff8ec8484 · प्रकाशित 21 जून 2026, 10:10:05 am UTC
उपलब्ध भाषाएँRUश्लोक बदलें इन कुंजियों से
Гриф усиливает аргумент кармы: каждый наследует собственные поступки. Но его беспощадная ясность не исцеляет скорбь, а используется как давление на ослабленных людей.