त्रेतायुगे भविष्यामि रामो भृगुकुलोद्वहः ॥
क्षत्रं चोत्सादयिष्यामि समृद्धबलवाहनम् ॥
संधौ तु समनुप्राप्ते त्रेतायां द्वापरस्य च ॥
रामो दाशरथिर् भूत्वा भविष्यामि जगत्पतिः ॥
त्रितोपघाताद् वैरूप्यम् एकतो ऽथ द्वितस् तथा ॥
प्राप्स्यतो वानरत्वं हि प्रजापतिसुताव् ऋषी ॥
तयोर् ये त्व् अन्वये जाता भविष्यन्ति वनौकसः ॥
ते सहाया भविष्यन्ति सुरकार्ये मम द्विज ॥
ततो रक्षःपतिं घोरं पुलस्त्यकुलपांसनम् ॥
हनिष्ये रावणं संख्ये सगणं लोककण्टकम् ॥
द्वापरस्य कलेश् चैव संधौ पर्यवसानिके ॥
प्रादुर्भावः कंसहेतोर् मथुरायां भविष्यति ॥
तत्राहं दानवान् हत्वा सुबहून् देवकण्टकान् ॥
कुशस्थलीं करिष्यामि निवासं द्वारकां पुरीम् ॥
वसानस् तत्र वै पुर्याम् अदितेर् विप्रियंकरम् ॥
हनिष्ये नरकं भौमं मुरं पीठं च दानवम् ॥
प्राग्ज्योतिषपुरं रम्यं नानाधनसमन्वितम् ॥
कुशस्थलीं नयिष्यामि हत्वा वै दानवोत्तमान् ॥
शंकरं च महासेनं बाणप्रियहितैषिणम् ॥
पराजेष्याम्य् अथोद्युक्तौ देवलोकनमस्कृतौ ॥
ततः सुतं बलेर् जित्वा बाणं बाहुसहस्रिणम् ॥
विनाशयिष्यामि ततः सर्वान् सौभनिवासिनः ॥
यः कालयवनः ख्यातो गर्गतेजोभिसंवृतः ॥
भविष्यति वधस् तस्य मत्त एव द्विजोत्तम ॥
जरासंधश् च बलवान् सर्वराजविरोधकः ॥
भविष्यत्य् असुरः स्फीतो भूमिपालो गिरिव्रजे ॥
मम बुद्धिपरिस्पन्दाद् वधस् तस्य भविष्यति ॥
समागतेषु बलिषु पृथिव्यां सर्वराजसु ॥
वासविः सुसहायो वै मम ह्य् एको भविष्यति ॥
एवं लोका वदिष्यन्ति नरनारायणाव् ऋषी ॥
उद्युक्तौ दहतः क्षत्रं लोककार्यार्थम् ईश्वरौ ॥
कृत्वा भारावतरणं वसुधाया यथेप्सितम् ॥
सर्वसात्वतमुख्यानां द्वारकायाश् च सत्तम ॥
करिष्ये प्रलयं घोरम् आत्मज्ञातिविनाशनम् ॥
कर्माण्य् अपरिमेयानि चतुर्मूर्तिधरो ह्य् अहम् ॥
कृत्वा लोकान् गमिष्यामि स्वान् अहं ब्रह्मसत्कृतान् ॥
हंसो हयशिराश् चैव प्रादुर्भावा द्विजोत्तम ॥
यदा वेदश्रुतिर् नष्टा मया प्रत्याहृता तदा ॥
सवेदाः सश्रुतीकाश् च कृताः पूर्वं कृते युगे ॥
अतिक्रान्ताः पुराणेषु श्रुतास् ते यदि वा क्व चित् ॥
अतिक्रान्ताश् च बहवः प्रादुर्भावा ममोत्तमाः ॥
लोककार्याणि कृत्वा च पुनः स्वां प्रकृतिं गताः ॥
न ह्य् एतद् ब्रह्मणा प्राप्तम् ईदृशं मम दर्शनम् ॥
यत् त्वया प्राप्तम् अद्येह एकान्तगतबुद्धिना ॥
एतत् ते सर्वम् आख्यातं ब्रह्मन् भक्तिमतो मया ॥
पुराणं च भविष्यं च सरहस्यं च सत्तम ॥
tretāyuge bhaviṣyāmi rāmo bhṛgukulodvahaḥ ||
kṣatraṃ cotsādayiṣyāmi samṛddhabalavāhanam ||
saṃdhau tu samanuprāpte tretāyāṃ dvāparasya ca ||
rāmo dāśarathir bhūtvā bhaviṣyāmi jagatpatiḥ ||
tritopaghātād vairūpyam ekato 'tha dvitas tathā ||
prāpsyato vānaratvaṃ hi prajāpatisutāv ṛṣī ||
tayor ye tv anvaye jātā bhaviṣyanti vanaukasaḥ ||
te sahāyā bhaviṣyanti surakārye mama dvija ||
tato rakṣaḥpatiṃ ghoraṃ pulastyakulapāṃsanam ||
haniṣye rāvaṇaṃ saṃkhye sagaṇaṃ lokakaṇṭakam ||
dvāparasya kaleś caiva saṃdhau paryavasānike ||
prādurbhāvaḥ kaṃsahetor mathurāyāṃ bhaviṣyati ||
tatrāhaṃ dānavān hatvā subahūn devakaṇṭakān ||
kuśasthalīṃ kariṣyāmi nivāsaṃ dvārakāṃ purīm ||
vasānas tatra vai puryām aditer vipriyaṃkaram ||
haniṣye narakaṃ bhaumaṃ muraṃ pīṭhaṃ ca dānavam ||
prāgjyotiṣapuraṃ ramyaṃ nānādhanasamanvitam ||
kuśasthalīṃ nayiṣyāmi hatvā vai dānavottamān ||
śaṃkaraṃ ca mahāsenaṃ bāṇapriyahitaiṣiṇam ||
parājeṣyāmy athodyuktau devalokanamaskṛtau ||
tataḥ sutaṃ baler jitvā bāṇaṃ bāhusahasriṇam ||
vināśayiṣyāmi tataḥ sarvān saubhanivāsinaḥ ||
yaḥ kālayavanaḥ khyāto gargatejobhisaṃvṛtaḥ ||
bhaviṣyati vadhas tasya matta eva dvijottama ||
jarāsaṃdhaś ca balavān sarvarājavirodhakaḥ ||
bhaviṣyaty asuraḥ sphīto bhūmipālo girivraje ||
mama buddhiparispandād vadhas tasya bhaviṣyati ||
samāgateṣu baliṣu pṛthivyāṃ sarvarājasu ||
vāsaviḥ susahāyo vai mama hy eko bhaviṣyati ||
evaṃ lokā vadiṣyanti naranārāyaṇāv ṛṣī ||
udyuktau dahataḥ kṣatraṃ lokakāryārtham īśvarau ||
kṛtvā bhārāvataraṇaṃ vasudhāyā yathepsitam ||
sarvasātvatamukhyānāṃ dvārakāyāś ca sattama ||
kariṣye pralayaṃ ghoram ātmajñātivināśanam ||
karmāṇy aparimeyāni caturmūrtidharo hy aham ||
kṛtvā lokān gamiṣyāmi svān ahaṃ brahmasatkṛtān ||
haṃso hayaśirāś caiva prādurbhāvā dvijottama ||
yadā vedaśrutir naṣṭā mayā pratyāhṛtā tadā ||
savedāḥ saśrutīkāś ca kṛtāḥ pūrvaṃ kṛte yuge ||
atikrāntāḥ purāṇeṣu śrutās te yadi vā kva cit ||
atikrāntāś ca bahavaḥ prādurbhāvā mamottamāḥ ||
lokakāryāṇi kṛtvā ca punaḥ svāṃ prakṛtiṃ gatāḥ ||
na hy etad brahmaṇā prāptam īdṛśaṃ mama darśanam ||
yat tvayā prāptam adyeha ekāntagatabuddhinā ||
etat te sarvam ākhyātaṃ brahman bhaktimato mayā ||
purāṇaṃ ca bhaviṣyaṃ ca sarahasyaṃ ca sattama ||
«В Трета-югу Я буду Рамой, потомком рода Бхригу, и уничтожу кшатру с её обильными силами и войсками. Когда наступит стык Треты и Двапары, Я стану Рамой Дашаратхи, Владыкой мира. Из-за повреждения Триты Эката и Двита, два риши, сыновья Праджапати, получат уродство и обезьянью природу; те, кто родятся в их роде, будут лесными жителями и станут Моими помощниками в деле богов. Тогда Я убью в битве страшного владыку ракшасов Равану, позор рода Пуластьи, вместе с его войском, занозу мира. На завершающем стыке Двапары и Кали Моё явление ради Камсы будет в Матхуре. Там, убив многих данавов, терзателей богов, Я сделаю Кушастхали Своей обителью, городом Дваракой. Живя в этом городе, Я убью Нараку Бхауму, обидчика Адити, а также данавов Муру и Питху. Убив лучших данавов, Я перенесу прекрасный, богатый Прагджьотишапур в Кушастхали. Затем Я одолею Шанкару и Махасену, которые, ради любви к Бане, выступят на бой, хотя почитаются миром богов. Победив сына Бали, тысячерукого Бану, Я уничтожу всех обитателей Саубхи. Калаявана, известный и покрытый сиянием Гарги, также будет убит от Меня, о лучший дваждырождённый. Могучий Джарасандха, враг всех царей, разросшийся асур, будет правителем в Гириврадже; его гибель произойдёт от движения Моей мысли. Когда на земле соберутся все сильные цари, только сын Васави будет Моим надёжным помощником. Тогда люди скажут: “Нара и Нараяна, два риши, два владыки, поднялись и сжигают кшатру ради дела мира”. Совершив желанное снятие бремени земли, Я произведу страшное разрушение главных Сатватов и Двараки, уничтожение Моих собственных родичей. Держа четыре проявления, Я совершу неизмеримые дела и уйду в Свои миры, почтённые Брахмой. Хамса и Хаяшира — Мои явления, о лучший дваждырождённый; когда ведийское слушание было утрачено, тогда Я вернул его, и в прежнюю Крита-югу Веды с шрути были восстановлены. В Пуранах, если ты где-либо слышал, уже прошли многие Мои высшие явления; совершив дела мира, они снова вернулись в свою природу. Даже Брахма не получил такого Моего видения, какое ты получил сегодня здесь, потому что твой разум вошёл в единую преданность. Всё это, о брахман, Я рассказал тебе как преданному: прошлое, будущее и тайну, о лучший».
91290768b1bb · प्रकाशित 21 जून 2026, 11:21:25 am UTC
उपलब्ध भाषाएँRUश्लोक बदलें इन कुंजियों से
Здесь Нараяна предсказывает Парашураму, Раму, Кришну и другие явления как одну линию защиты дхармы. Даже разрушение Двараки и рода Сатватов включено в снятие земного бремени, а не вынесено за пределы божественного замысла.