चम्पका यत्र बहुशः फुल्लकोरकशोभिताः । कुर्वन्ति कामिनां तत्र हृच्छयार्तिं विलोकिताः
चूताः फलादिभिर्नम्रा मञ्जरीकोटिसंयुताः । नागाः पुन्नागवृक्षाश्च शालास्तालास्तमालकाः
कोकिलानां समारावा यत्र च श्रुतिगोचराः । सदा मधुपझङ्कारगतनिद्राः सुमल्लिकाः
दाडिमानां समूहाश्च कर्णिकारैः समन्विताः । केतक्यश्च तथा वन्यवृक्षराजिविराजिताः
तस्मिन्वने प्रमदसंयुतचित्तवृत्तिर्गायन्कलं मधुरवाग्विजिहीर्षयोच्चैः । उद्यत्कुचाभिरभितो वनिताभिरागाच्छोभानिधानवपुरुज्झितभीर्विवेश
काश्चित्तं नृत्यविद्याभिस्तोषयन्ति स्म शोभनम् । काश्चिद्गानकलाभिश्च काश्चिद्वाक्चातुरीगुणैः
भ्रूसंज्ञाभिः पराः काश्चित्तोषयामासुरुन्मदाः । परिरम्भणचातुर्यैस्तं हृष्टं विदधुः स्त्रियः
ताभिः पुष्पोच्चयं कृत्वा भूषयामास ताः स्त्रियः । वाण्या कोमलया शंसन्रेमे कामवपुर्धरः
एवं प्रवृत्ते समये राजराजस्य धीमतः । प्रायात्तद्वददेशं स हयः परशोभनः
तं स्वर्णपत्ररचितैकललाटदेशं गङ्गासमं घुसृणकुङ्कुमपिञ्जराङ्गम् । गत्यासमं पवनवेगतिरस्करिण्या दृष्ट्वा स्त्रियः परमकौतुकधामदेहम्
campakā yatra bahuśaḥ phullakorakaśobhitāḥ | kurvanti kāmināṃ tatra hṛcchayārtiṃ vilokitāḥ
cūtāḥ phalādibhirnamrā mañjarīkoṭisaṃyutāḥ | nāgāḥ punnāgavṛkṣāśca śālāstālāstamālakāḥ
kokilānāṃ samārāvā yatra ca śrutigocarāḥ | sadā madhupajhaṅkāragatanidrāḥ sumallikāḥ
dāḍimānāṃ samūhāśca karṇikāraiḥ samanvitāḥ | ketakyaśca tathā vanyavṛkṣarājivirājitāḥ
tasminvane pramadasaṃyutacittavṛttirgāyankalaṃ madhuravāgvijihīrṣayoccaiḥ | udyatkucābhirabhito vanitābhirāgācchobhānidhānavapurujjhitabhīrviveśa
kāścittaṃ nṛtyavidyābhistoṣayanti sma śobhanam | kāścidgānakalābhiśca kāścidvākcāturīguṇaiḥ
bhrūsaṃjñābhiḥ parāḥ kāścittoṣayāmāsurunmadāḥ | parirambhaṇacāturyaistaṃ hṛṣṭaṃ vidadhuḥ striyaḥ
tābhiḥ puṣpoccayaṃ kṛtvā bhūṣayāmāsa tāḥ striyaḥ | vāṇyā komalayā śaṃsanreme kāmavapurdharaḥ
evaṃ pravṛtte samaye rājarājasya dhīmataḥ | prāyāttadvadadeśaṃ sa hayaḥ paraśobhanaḥ
taṃ svarṇapatraracitaikalalāṭadeśaṃ gaṅgāsamaṃ ghusṛṇakuṅkumapiñjarāṅgam | gatyāsamaṃ pavanavegatiraskariṇyā dṛṣṭvā striyaḥ paramakautukadhāmadeham
«Пошёл он в весьма великий лес, полный груд прекрасных цветов, — место, устроенное Садашивой, сияющее шестью временами года. Там чампаки во множестве, украшенные раскрытыми бутонами, увиденные, причиняют влюблённым муку сердечной страсти. Манго, склонённые плодами и прочим, с мириадами соцветий; наги, деревья пуннага, шалы, пальмы, тамалы. Крики кукушек там всегда слышны уху; добрые жасмины, у которых дремота отогнана гудением пчёл. Купы гранатов вместе с карникарами, а также кетаки, сияющие рядами лесных деревьев. В тот лес, с умом, полным восторга, сладко поющий, со сладкой речью, громко, из желания резвиться, пришёл он со всех сторон окружённый женщинами с высокими грудями — с телом, вместилищем красоты, отбросивший страх, и вошёл [в него]. Иные ублажали его, прекрасного, искусством пляски, иные — искусством пения, иные — достоинствами искусной речи. Другие, опьянённые, ублажали знаками бровей; искусностью объятий сделали женщины его обрадованным. Совершив с ними сбор цветов, украсил он тех женщин; восхваляя нежной речью, наслаждался носящий тело Камы. Когда так протекало время, пришёл в тот самый край весьма прекрасный конь мудрого царя царей.»
d1b92acfb183 · प्रकाशित 3 सित॰ 2026, 4:13:46 am UTC
उपलब्ध भाषाएँRUश्लोक बदलें इन कुंजियों से
Царевич показан не злодеем, а баловнем: сад, устроенный Садашивой, пение, объятия, сбор цветов. Всё, что он умеет, — это брать понравившееся. Конь въезжает прямо в эту забаву, и то, что дальше будет войной для двух царств, начинается как ещё одна прихоть.