शेष उवाच
यो गुरूनवमन्येत स्वविद्याचारदर्पितः । स मृतः पात्यते क्षारनरकेऽधोमुखः पुमान्
विश्वासघातं कुर्वन्ति ये नरा धर्मनिष्कृताः । शूलप्रोते च नरके पात्यन्ते बहुयातने
पिशुनो यो नरान्सर्वानुद्धेजयति वाक्यतः । दन्दशूके च पतितो दन्दशूकैः स दश्यते
एवं राजन्ननेकशो वै नरकाः पापकारिणाम् । पापं कृत्वा प्रयान्त्येते पीडां यान्ति सुदारुणाम्
यैर्न श्रुता रामकथा न परोपकृतिः कृता । तेषां सर्वाणि दुःखानि भवन्ति नरकान्तरे
अत्र यस्य सुखं स्वर्गे भूयात्तस्य इतीर्यते । ये दुःखिनो रोगयुता नरकादागताश्च ते
एतच्छ्रुत्वा महीपालः कम्पमानः क्षणे क्षणे । पप्रच्छ भूयस्तं विप्रं सर्वसंशयनुत्तये
तत्तत्पापस्य चिह्नानि कथयस्व महामुने । केन पापेन किं चिह्नं भूलोक उपजायते
इति श्रुत्वा तु तद्वाक्यं मुनिः प्रोवाच भूपतिम्
शृणु राजन्प्रवक्ष्यामि चिह्नानि पापकारिणाम् । सुरापः श्यावदन्तश्च नरकान्ते प्रजायते
अभक्ष्यभक्षकारी च जायते गुल्मकोदरः । उदक्या वीक्षितं भुक्त्वा जायते कृमिलोदरः
श्वमार्जारादिसंस्पृष्टं भुक्त्वा दुर्गन्धवान्भवेत् । अनिवेद्य सुरादिभ्यो भुञ्जानो जायते नरः
उदरे रोगवान्दुःखी महारोगप्रपीडितः । परान्नविघ्नकरणादजीर्णमभिजायते
मन्दोदराग्निर्भवति सति द्रव्ये कदन्नदः । विषदश्छर्दिरोगी स्यान्मार्गहा पादरोगवान्
पिशुनो नरकस्यान्ते जायते श्वासकासवान् । धूर्तोऽपस्माररोगी स्याच्छूली स्यात्परतापनः
yo gurūnavamanyeta svavidyācāradarpitaḥ | sa mṛtaḥ pātyate kṣāranarake'dhomukhaḥ pumān
viśvāsaghātaṃ kurvanti ye narā dharmaniṣkṛtāḥ | śūlaprote ca narake pātyante bahuyātane
piśuno yo narānsarvānuddhejayati vākyataḥ | dandaśūke ca patito dandaśūkaiḥ sa daśyate
evaṃ rājannanekaśo vai narakāḥ pāpakāriṇām | pāpaṃ kṛtvā prayāntyete pīḍāṃ yānti sudāruṇām
yairna śrutā rāmakathā na paropakṛtiḥ kṛtā | teṣāṃ sarvāṇi duḥkhāni bhavanti narakāntare
atra yasya sukhaṃ svarge bhūyāttasya itīryate | ye duḥkhino rogayutā narakādāgatāśca te
etacchrutvā mahīpālaḥ kampamānaḥ kṣaṇe kṣaṇe | papraccha bhūyastaṃ vipraṃ sarvasaṃśayanuttaye
tattatpāpasya cihnāni kathayasva mahāmune | kena pāpena kiṃ cihnaṃ bhūloka upajāyate
iti śrutvā tu tadvākyaṃ muniḥ provāca bhūpatim
śṛṇu rājanpravakṣyāmi cihnāni pāpakāriṇām | surāpaḥ śyāvadantaśca narakānte prajāyate
abhakṣyabhakṣakārī ca jāyate gulmakodaraḥ | udakyā vīkṣitaṃ bhuktvā jāyate kṛmilodaraḥ
śvamārjārādisaṃspṛṣṭaṃ bhuktvā durgandhavānbhavet | anivedya surādibhyo bhuñjāno jāyate naraḥ
udare rogavānduḥkhī mahārogaprapīḍitaḥ | parānnavighnakaraṇādajīrṇamabhijāyate
mandodarāgnirbhavati sati dravye kadannadaḥ | viṣadaśchardirogī syānmārgahā pādarogavān
piśuno narakasyānte jāyate śvāsakāsavān | dhūrto'pasmārarogī syācchūlī syātparatāpanaḥ
«Кто, гордый своей учёностью и поведением, презирает наставников, — тот муж, умерший, ввергается головою вниз в едкий ад. Которые люди, отринувшие дхарму, творят предательство доверия, — те ввергаются в ад Шулапроту, с многими муками. Наушник, который словом возмущает всех людей, — павший в Дандашуку, жалим он змеями. Так, о царь, многообразны ады для творящих грех; совершив грех, идут они [туда] и обретают весьма жестокое мучение. Кем не слышано сказание о Раме и не совершено благодеяние другим — у тех все страдания бывают в аду. У кого здесь счастье — у того было [оно] и на небесах, так говорится; а которые страдающие, с болезнями, — те пришли из ада. Услышав это, хранитель земли, дрожащий миг за мигом, снова вопросил того брахмана для рассеяния всех сомнений: „Поведай приметы того и этого греха, о великий мудрец: каким грехом какая примета возникает в земном мире?“ Услышав то слово, мудрец сказал владыке земли: „Слушай, поведаю я приметы творящих грех. Пьющий хмельное по исходе ада рождается с чёрными зубами. Вкушающий недозволенное рождается с опухолью в животе; съевший увиденное женщиной в нечистые дни [рождается] с червями в животе. Съев тронутое псом, кошкой и прочими, становится дурно пахнущим. Человек, вкушающий, не поднеся богам и прочим, [рождается] с болезнью в животе, страдающий, мучимый великой болезнью. От помехи чужой трапезе возникает несварение. Дающий дурную пищу при наличии достатка бывает со слабым огнём в животе; дающий яд будет страдать рвотой, губящий дорогу — болезнью ног. Наушник по исходе ада рождается с одышкой и кашлем; плут страдает падучей, мучитель других — коликами.“»
7722f6284889 · प्रकाशित 3 सित॰ 2026, 4:13:47 am UTC
उपलब्ध भाषाएँRUश्लोक बदलें इन कुंजियों से
Посреди перечня адов стоит фраза, ради которой он и произносится: страдают те, кем не слышано сказание о Раме и не сделано добра другому. Дальше идёт объяснение того, что видно глазами: болезнь и убожество названы следом прошлого. Мера здесь одна — что человек делал с чужим телом и чужой едой, то и получает своё.