शेष उवाच
इति प्रोक्तं तु मुनिना संश्रुत्य परवीरहा । विस्मयं मानयामास हृदि शौनकमब्रवीत्
कर्मणो गहना वार्ता यया सात्त्विकनामधृत् । दिवं प्राप्तोऽपि महता कर्मणा राक्षसीकृतः
स्वामिन्वद महर्षे त्वं कर्मणा स्वगतिर्यथा । येन कर्मविपाकेन यादृशं नरकं भवेत्
धन्योऽसि राघवश्रेष्ठ यत्ते मतिरियं शुभा । जानन्नपि हितार्थाय लोकानां त्वं ब्रवीषि भोः
कथयामि विचित्राणां कर्मणां विविधा गतीः । ताः शृणुष्व महाराज यच्छ्रुत्वा मोक्षमाप्नुयात्
परवित्तं परापत्यं कलत्रं पारकं च यः । बलात्कारेण गृह्णाति भोगबुद्ध्या च दुर्मतिः
कालपाशेन सम्बद्धो यमदूतैर्महाबलैः । तामिस्रे पात्यते तावद्यावद्वर्षसहस्रकम्
तत्र ताडनमुद्धताः कुर्वन्ति यमकिङ्कराः । पापभोगेन सन्तप्तस्ततो योनिं तु सौकरीम्
तत्र भुक्त्वा महादुःखं मानुषत्वं गमिष्यति । रोगादिचिह्नितं तत्र दुर्यशो ज्ञापकं स्वकम्
भूतद्रोहं विधायैव केवलं स्वकुटुम्बकम् । पुष्णाति पापनिरतः सोऽन्धतामिस्रके पतेत्
ये नरा इह जन्तूनां वधं कुर्वन्ति वै मृषा । ते रौरवे निपात्यन्ते भिद्यन्ते रुरुभी रुषा
यः स्वोदरार्थे भूतानां वधमाचरति स्फुटम् । महारौरवसंज्ञे तु पात्यते स यमाज्ञया
यो वै निजं तु जनकं ब्राह्मणं द्वेष्टि पापकृत् । कालसूत्रे महादुष्टे योजनायुतविस्तृते
यावन्ति पशुरोमाणि गवां द्वेषं करोति सः । तावद्वर्षसहस्राणि पच्यते यमकिङ्करैः
यो भूमौ भूपतिर्भूत्वा दण्डायोग्यं तु दण्डयेत् । करोति ब्राह्मणस्यापि देहखण्डं च लोलुपः
iti proktaṃ tu muninā saṃśrutya paravīrahā | vismayaṃ mānayāmāsa hṛdi śaunakamabravīt
karmaṇo gahanā vārtā yayā sāttvikanāmadhṛt | divaṃ prāpto'pi mahatā karmaṇā rākṣasīkṛtaḥ
svāminvada maharṣe tvaṃ karmaṇā svagatiryathā | yena karmavipākena yādṛśaṃ narakaṃ bhavet
dhanyo'si rāghavaśreṣṭha yatte matiriyaṃ śubhā | jānannapi hitārthāya lokānāṃ tvaṃ bravīṣi bhoḥ
kathayāmi vicitrāṇāṃ karmaṇāṃ vividhā gatīḥ | tāḥ śṛṇuṣva mahārāja yacchrutvā mokṣamāpnuyāt
paravittaṃ parāpatyaṃ kalatraṃ pārakaṃ ca yaḥ | balātkāreṇa gṛhṇāti bhogabuddhyā ca durmatiḥ
kālapāśena sambaddho yamadūtairmahābalaiḥ | tāmisre pātyate tāvadyāvadvarṣasahasrakam
tatra tāḍanamuddhatāḥ kurvanti yamakiṅkarāḥ | pāpabhogena santaptastato yoniṃ tu saukarīm
tatra bhuktvā mahāduḥkhaṃ mānuṣatvaṃ gamiṣyati | rogādicihnitaṃ tatra duryaśo jñāpakaṃ svakam
bhūtadrohaṃ vidhāyaiva kevalaṃ svakuṭumbakam | puṣṇāti pāpanirataḥ so'ndhatāmisrake patet
ye narā iha jantūnāṃ vadhaṃ kurvanti vai mṛṣā | te raurave nipātyante bhidyante rurubhī ruṣā
yaḥ svodarārthe bhūtānāṃ vadhamācarati sphuṭam | mahārauravasaṃjñe tu pātyate sa yamājñayā
yo vai nijaṃ tu janakaṃ brāhmaṇaṃ dveṣṭi pāpakṛt | kālasūtre mahāduṣṭe yojanāyutavistṛte
yāvanti paśuromāṇi gavāṃ dveṣaṃ karoti saḥ | tāvadvarṣasahasrāṇi pacyate yamakiṅkaraiḥ
yo bhūmau bhūpatirbhūtvā daṇḍāyogyaṃ tu daṇḍayet | karoti brāhmaṇasyāpi dehakhaṇḍaṃ ca lolupaḥ
«Услышав так сказанное мудрецом, губитель вражеских героев ощутил в сердце изумление и сказал Шаунаке: „Непроглядна весть о деянии, которою носивший имя Саттвика, хотя и достигший небес, великим деянием обращён был в ракшаса. О владыка, скажи, о великий риши: какова участь от деяния, каким созреванием деяния каков бывает ад?“ — „Блажен ты, о лучший из Рагхавов, что эта твоя мысль благая: хотя и знающий, ты говоришь ради блага людей, о [царь]. Поведаю я различные участи разнообразных деяний; слушай их, о великий царь, — услышав что, обретают освобождение. Кто чужое достояние, чужое дитя и чужую жену берёт насилием, с мыслью о наслаждении, злоумный, — тот, связанный петлёй Времени весьма сильными посланцами Ямы, ввергается в Тамисру на тысячу лет. Там свирепые слуги Ямы творят избиение; измученный вкушением греха, затем [идёт он] в свиное лоно. Вкусив там великое страдание, достигнет он человеческого состояния — отмеченного болезнями и прочим, выдающего свою дурную славу. Творя вражду к существам, кто питает только свою семью, привязанный к греху, — тот падает в Андхатамисру. Которые люди здесь напрасно творят убиение существ — те ввергаются в Раураву и с яростью терзаются [зверями] руру. Кто явно совершает убиение существ ради своего чрева — тот по повелению Ямы ввергается в именуемый Махараурава. Кто, творящий грех, ненавидит своего родителя и брахмана — [тот идёт] в весьма злую Каласутру, простирающуюся на десять тысяч йоджан. Сколько волос на скоте — столько тысяч лет варится слугами Ямы тот, кто творит ненависть к коровам. Кто, став владыкой земли, карает не заслуживающего кары и, алчный, [творит] расчленение тела даже брахмана…»
8b4d1fa179ed · प्रकाशित 3 सित॰ 2026, 4:13:47 am UTC
उपलब्ध भाषाएँRUश्लोक बदलें इन कुंजियों से
Царь спрашивает не из любопытства: он только что видел, как небожитель стал ракшасом. Мудрец сразу оговаривает, что перечень нужен не для устрашения — услышавший обретает освобождение. И первым в списке стоит не убийство, а взятое насилием чужое.