राम वृद्धो ऽस्मि दीर्घायुर् भुक्ता भोगा मयेप्सिताः । अन्नवद्भिः क्रतुशतैस् तथेष्टं भूरिदक्षिणैः ॥
जातम् इष्टम् अपत्यं मे त्वम् अद्यानुपमं भुवि । दत्तम् इष्टम् अधीतं च मया पुरुषसत्तम ॥
अनुभूतानि चेष्टानि मया वीर सुखानि च । देवर्षि पितृविप्राणाम् अनृणो ऽस्मि तथात्मनः ॥
न किं चिन् मम कर्तव्यं तवान्यत्राभिषेचनात् । अतो यत् त्वाम् अहं ब्रूयां तन् मे त्वं कर्तुम् अर्हसि ॥
अद्य प्रकृतयः सर्वास् त्वाम् इच्छन्ति नराधिपम् । अतस् त्वां युवराजानम् अभिषेक्ष्यामि पुत्रक ॥
अपि चाद्याशुभान् राम स्वप्नान् पश्यामि दारुणान् । सनिर्घाता महोल्काश् च पतन्तीह महास्वनाः ॥
अवष्टब्धं च मे राम नक्षत्रं दारुणैर् ग्रहैः । आवेदयन्ति दैवज्ञाः सूर्याङ्गारकराहुभिः ॥
प्रायेण हि निमित्तानाम् ईदृशानां समुद्भवे । राजा वा मृत्युम् आप्नोति घोरां वापदम् ऋच्छति ॥
तद् यावद् एव मे चेतो न विमुह्यति राघव । तावद् एवाभिषिञ्चस्व चला हि प्राणिनां मतिः ॥
अद्य चन्द्रो ऽभ्युपगतः पुष्यात् पूर्वं पुनर् वसुम् । श्वः पुष्य योगं नियतं वक्ष्यन्ते दैवचिन्तकाः ॥
तत्र पुष्ये ऽभिषिञ्चस्व मनस् त्वरयतीव माम् । श्वस् त्वाहम् अभिषेक्ष्यामि यौवराज्ये परंतप ॥
तस्मात् त्वयाद्य व्रतिना निशेयं नियतात्मना । सह वध्वोपवस्तव्या दर्भप्रस्तरशायिना ॥
सुहृदश् चाप्रमत्तास् त्वां रक्षन्त्व् अद्य समन्ततः । भवन्ति बहुविघ्नानि कार्याण्य् एवंविधानि हि ॥
विप्रोषितश् च भरतो यावद् एव पुराद् इतः । तावद् एवाभिषेकस् ते प्राप्तकालो मतो मम ॥
कामं खलु सतां वृत्ते भ्राता ते भरतः स्थितः । ज्येष्ठानुवर्ती धर्मात्मा सानुक्रोशो जितेन्द्रियः ॥
किं तु चित्तं मनुष्याणाम् अनित्यम् इति मे मतिः । सतां च धर्मनित्यानां कृतशोभि च राघव ॥
इत्य् उक्तः सो ऽभ्यनुज्ञातः श्वोभाविन्य् अभिषेचने । व्रजेति रामः पितरम् अभिवाद्याभ्ययाद् गृहम् ॥
rāma vṛddho 'smi dīrghāyur bhuktā bhogā mayepsitāḥ | annavadbhiḥ kratuśatais tatheṣṭaṃ bhūridakṣiṇaiḥ ||
jātam iṣṭam apatyaṃ me tvam adyānupamaṃ bhuvi | dattam iṣṭam adhītaṃ ca mayā puruṣasattama ||
anubhūtāni ceṣṭāni mayā vīra sukhāni ca | devarṣi pitṛviprāṇām anṛṇo 'smi tathātmanaḥ ||
na kiṃ cin mama kartavyaṃ tavānyatrābhiṣecanāt | ato yat tvām ahaṃ brūyāṃ tan me tvaṃ kartum arhasi ||
adya prakṛtayaḥ sarvās tvām icchanti narādhipam | atas tvāṃ yuvarājānam abhiṣekṣyāmi putraka ||
api cādyāśubhān rāma svapnān paśyāmi dāruṇān | sanirghātā maholkāś ca patantīha mahāsvanāḥ ||
avaṣṭabdhaṃ ca me rāma nakṣatraṃ dāruṇair grahaiḥ | āvedayanti daivajñāḥ sūryāṅgārakarāhubhiḥ ||
prāyeṇa hi nimittānām īdṛśānāṃ samudbhave | rājā vā mṛtyum āpnoti ghorāṃ vāpadam ṛcchati ||
tad yāvad eva me ceto na vimuhyati rāghava | tāvad evābhiṣiñcasva calā hi prāṇināṃ matiḥ ||
adya candro 'bhyupagataḥ puṣyāt pūrvaṃ punar vasum | śvaḥ puṣya yogaṃ niyataṃ vakṣyante daivacintakāḥ ||
tatra puṣye 'bhiṣiñcasva manas tvarayatīva mām | śvas tvāham abhiṣekṣyāmi yauvarājye paraṃtapa ||
tasmāt tvayādya vratinā niśeyaṃ niyatātmanā | saha vadhvopavastavyā darbhaprastaraśāyinā ||
suhṛdaś cāpramattās tvāṃ rakṣantv adya samantataḥ | bhavanti bahuvighnāni kāryāṇy evaṃvidhāni hi ||
viproṣitaś ca bharato yāvad eva purād itaḥ | tāvad evābhiṣekas te prāptakālo mato mama ||
kāmaṃ khalu satāṃ vṛtte bhrātā te bharataḥ sthitaḥ | jyeṣṭhānuvartī dharmātmā sānukrośo jitendriyaḥ ||
kiṃ tu cittaṃ manuṣyāṇām anityam iti me matiḥ | satāṃ ca dharmanityānāṃ kṛtaśobhi ca rāghava ||
ity uktaḥ so 'bhyanujñātaḥ śvobhāviny abhiṣecane | vrajeti rāmaḥ pitaram abhivādyābhyayād gṛham ||
Дашаратха сказал: «О Рама, я состарился и прожил долго. Желанные наслаждения мною испытаны, сотни жертв с обильной пищей и богатыми дарами совершены. Ты, мой желанный и несравненный на земле сын, родился у меня; о лучший из людей, мною даны дары, совершены жертвы и изучено должное. О герой, я пережил желанные радости и свободен от долга перед богами, риши, предками, брахманами и самим собой. У меня не осталось никакой обязанности, кроме твоего помазания. Поэтому всё, что я скажу тебе, ты должен исполнить. Сегодня все силы царства желают видеть тебя владыкой людей, поэтому, сынок, я помажу тебя наследником. Но сегодня, о Рама, я вижу страшные дурные сны; здесь падают великие огненные знамения с громовым грохотом. Знатоки небесных знамений сообщают, что моё созвездие поражено страшными планетами — Солнцем, Марсом и Раху. Обычно при возникновении таких знамений царь достигает смерти или попадает в ужасную беду. Поэтому, о Рагхава, пока мой ум ещё не омрачился, прими помазание; ведь мысль живых существ неустойчива. Сегодня луна вошла в Пунарвасу, предшествующее Пушье; завтра, как определённо скажут астрологи, будет соединение с Пушьей. При этой Пушье прими помазание: моё сердце словно торопит меня. Завтра, о сокрушитель врагов, я помажу тебя на сан наследника. Поэтому сегодня ты должен, соблюдая обет и обуздав себя, провести эту ночь в посте вместе с супругой, лежа на подстилке из дарбхи. Пусть бдительные друзья сегодня охраняют тебя со всех сторон, ибо в делах такого рода бывает много препятствий. Пока Бхарата отсутствует вдали от этой столицы, именно это время я считаю подходящим для твоего помазания. Конечно, твой брат Бхарата утверждён в поведении благородных: он следует за старшим, праведен, сострадателен и владеет чувствами. Однако, по моему мнению, ум людей изменчив; и даже для благородных, всегда стоящих в дхарме, совершённое дело становится украшением, о Рагхава». Наставленный так и отпущенный в связи с завтрашним помазанием словами «иди», Рама поклонился отцу и отправился домой.
c76e742561d0 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Дашаратха говорит с Рамой не только как царь, но и как человек, чувствующий приближение опасности. Его торопливость объясняется знамениями, старостью и пониманием изменчивости человеческого ума; поэтому дхарма должна быть закреплена действием, пока возможность ещё открыта.