शैलप्रस्थेषु रम्येषु पश्येमान् कामहर्षणान् । किन्नरान् द्वंद्वशो भद्रे रममाणान् मनस्विनः ॥
शाखावसक्तान् खड्गांश् च प्रवराण्य् अम्बराणि च । पश्य विद्याधरस्त्रीणां क्रीडेद् देशान् मनोरमान् ॥
जलप्रपातैर् उद्भेदैर् निष्यन्दैश् च क्व चित् क्व चित् । स्रवद्भिर् भात्य् अयं शैलः स्रवन् मद इव द्विपः ॥
गुहासमीरणो गन्धान् नानापुष्पभवान् वहन् । घ्राणतर्पणम् अभ्येत्य कं नरं न प्रहर्षयेत् ॥
यदीह शरदो ऽनेकास् त्वया सार्धम् अनिन्दिते । लक्ष्मणेन च वत्स्यामि न मां शोकः प्रधक्ष्यति ॥
बहुपुष्पफले रम्ये नानाद्विजगणायुते । विचित्रशिखरे ह्य् अस्मिन् रतवान् अस्मि भामिनि ॥
अनेन वनवासेन मया प्राप्तं फलद्वयम् । पितुश् चानृणता धर्मे भरतस्य प्रियं तथा ॥
वैदेहि रमसे कच्चिच् चित्रकूटे मया सह । पश्यन्ती विविधान् भावान् मनोवाक्कायसंयतान् ॥
śailaprastheṣu ramyeṣu paśyemān kāmaharṣaṇān | kinnarān dvaṃdvaśo bhadre ramamāṇān manasvinaḥ ||
śākhāvasaktān khaḍgāṃś ca pravarāṇy ambarāṇi ca | paśya vidyādharastrīṇāṃ krīḍed deśān manoramān ||
jalaprapātair udbhedair niṣyandaiś ca kva cit kva cit | sravadbhir bhāty ayaṃ śailaḥ sravan mada iva dvipaḥ ||
guhāsamīraṇo gandhān nānāpuṣpabhavān vahan | ghrāṇatarpaṇam abhyetya kaṃ naraṃ na praharṣayet ||
yadīha śarado 'nekās tvayā sārdham anindite | lakṣmaṇena ca vatsyāmi na māṃ śokaḥ pradhakṣyati ||
bahupuṣpaphale ramye nānādvijagaṇāyute | vicitraśikhare hy asmin ratavān asmi bhāmini ||
anena vanavāsena mayā prāptaṃ phaladvayam | pituś cānṛṇatā dharme bharatasya priyaṃ tathā ||
vaidehi ramase kaccic citrakūṭe mayā saha | paśyantī vividhān bhāvān manovākkāyasaṃyatān ||
«Посмотри, о благая, на этих благородных киннаров, которые парами наслаждаются на прекрасных горных плато, радующих любовь. Посмотри на мечи и лучшие одежды, повешенные на ветвях, и на очаровательные места игр женщин-видьядхар. Там и сям эта гора сияет водопадами, источниками и струями, словно слон, источающий брачный сок. Ветер из пещер несёт ароматы разных цветов; достигнув обоняния, кого из людей он не привёл бы в восторг? О безупречная, если я буду жить здесь много осеней вместе с тобой и Лакшманой, скорбь не сожжёт меня. На этой прекрасной горе, полной цветов, плодов, разных птиц и пёстрых вершин, я доволен, о сияющая. Этим лесным жительством я обрёл два плода: исполнил долг перед отцом и сделал приятное Бхарате. О Вайдехи, радуешься ли ты Читракуте вместе со мной, созерцая многообразные явления, обузданные умом, речью и телом?»
8b03e631116c · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Рама прямо называет лесную жизнь исполнением долга и благом для Бхараты. Его радость не бегство от ответственности: она рождается из принятия дхармы и из присутствия Ситы и Лакшманы рядом.