सा त्व् एवम् उक्ता वैदेही अनसूयान् असूयया । प्रतिपूज्य वचो मन्दं प्रवक्तुम् उपचक्रमे ॥
नैतद् आश्चर्यम् आर्याया यन् मां त्वम् अनुभाषसे । विदितं तु ममाप्य् एतद् यथा नार्याः पतिर् गुरुः ॥
यद्य् अप्य् एष भवेद् भर्ता ममार्ये वृत्तवर्जितः । अद्वैधम् उपवर्तव्यस् तथाप्य् एष मया भवेत् ॥
किं पुनर् यो गुणश्लाघ्यः सानुक्रोशो जितेन्द्रियः । स्थिरानुरागो धर्मात्मा मातृवर्ती पितृ प्रियः ॥
यां वृत्तिं वर्तते रामः कौसल्यायां महाबलः । ताम् एव नृपनारीणाम् अन्यासाम् अपि वर्तते ॥
सकृद् दृष्टास्व् अपि स्त्रीषु नृपेण नृपवत्सलः । मातृवद् वर्तते वीरो मानम् उत्सृज्य धर्मवित् ॥
आगच्छन्त्याश् च विजनं वनम् एवं भयावहम् । समाहितं हि मे श्वश्र्वा हृदये यत् स्थितं मम ॥
प्राणिप्रदानकाले च यत् पुरा त्व् अग्निसंनिधौ । अनुशिष्टा जनन्यास्मि वाक्यं तद् अपि मे धृतम् ॥
नवीकृतं तु तत् सर्वं वाक्यैस् ते धर्मचारिणि । पतिशुश्रूषणान् नार्यास् तपो नान्यद् विधीयते ॥
सावित्री पतिशुश्रूषां कृत्वा स्वर्गे महीयते । तथा वृत्तिश् च याता त्वं पतिशुश्रूषया दिवम् ॥
वरिष्ठा सर्वनारीणाम् एषा च दिवि देवता । रोहिणी च विना चन्द्रं मुहूर्तम् अपि दृश्यते ॥
एवंविधाश् च प्रवराः स्त्रियो भर्तृदृढव्रताः । देवलोके महीयन्ते पुण्येन स्वेन कर्मणा ॥
sā tv evam uktā vaidehī anasūyān asūyayā | pratipūjya vaco mandaṃ pravaktum upacakrame ||
naitad āścaryam āryāyā yan māṃ tvam anubhāṣase | viditaṃ tu mamāpy etad yathā nāryāḥ patir guruḥ ||
yady apy eṣa bhaved bhartā mamārye vṛttavarjitaḥ | advaidham upavartavyas tathāpy eṣa mayā bhavet ||
kiṃ punar yo guṇaślāghyaḥ sānukrośo jitendriyaḥ | sthirānurāgo dharmātmā mātṛvartī pitṛ priyaḥ ||
yāṃ vṛttiṃ vartate rāmaḥ kausalyāyāṃ mahābalaḥ | tām eva nṛpanārīṇām anyāsām api vartate ||
sakṛd dṛṣṭāsv api strīṣu nṛpeṇa nṛpavatsalaḥ | mātṛvad vartate vīro mānam utsṛjya dharmavit ||
āgacchantyāś ca vijanaṃ vanam evaṃ bhayāvaham | samāhitaṃ hi me śvaśrvā hṛdaye yat sthitaṃ mama ||
prāṇipradānakāle ca yat purā tv agnisaṃnidhau | anuśiṣṭā jananyāsmi vākyaṃ tad api me dhṛtam ||
navīkṛtaṃ tu tat sarvaṃ vākyais te dharmacāriṇi | patiśuśrūṣaṇān nāryās tapo nānyad vidhīyate ||
sāvitrī patiśuśrūṣāṃ kṛtvā svarge mahīyate | tathā vṛttiś ca yātā tvaṃ patiśuśrūṣayā divam ||
variṣṭhā sarvanārīṇām eṣā ca divi devatā | rohiṇī ca vinā candraṃ muhūrtam api dṛśyate ||
evaṃvidhāś ca pravarāḥ striyo bhartṛdṛḍhavratāḥ | devaloke mahīyante puṇyena svena karmaṇā ||
Так наставленная независтливой Анасуйей, Вайдехи почтила её слова и мягко начала говорить: «О благородная, неудивительно, что ты наставляешь меня так. Мне самой известно, что для женщины муж является почитаемым наставником. О почтенная, даже если бы мой муж был лишён достойного поведения, я всё равно должна была бы без двоедушия служить ему. Что же говорить о том, кто достоин хвалы за свои качества, сострадателен, владеет чувствами, постоянен в любви, праведен, почтителен к матерям и дорог отцу? Могучий Рама относится к другим царским жёнам так же, как к Каусалье. Герой, знаток дхармы, любящий царя-отца, даже к женщинам, которых видел лишь однажды, относится как к матерям, оставив всякую гордость. Когда я уходила в этот безлюдный и страшный лес, свекровь вложила в моё сердце то, что теперь во мне пребывает; и наставление, которое прежде, перед огнём, дала мне мать при вручении меня мужу, я также сохранила. О следующая дхарме, все эти наставления обновлены твоими словами: для женщины не предписано иной аскезы, кроме служения мужу. Савитри, совершив служение мужу, почитается на небе; так же и ты своим образом жизни достигла небес через служение супругу. Эта богиня, лучшая из всех женщин на небе, Рохини, не видна без луны даже на мгновение. Такие лучшие женщины, твёрдые в обете мужу, почитаются в мире богов своим собственным благочестивым делом».
9a1c0c573e65 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Сита принимает наставление Анасуйи не как внешнее требование, а как уже усвоенную истину. Её верность Раме основана не на слепоте: она видит его качества и потому служение ему становится для неё естественной дхармой и высшей аскезой.