प्रविश्य तु महारण्यं दण्डकारण्यम् आत्मवान् । ददर्श रामो दुर्धर्षस् तापसाश्रममण्डलम् ॥
कुशचीरपरिक्षिप्तं ब्राह्म्या लक्ष्म्या समावृतम् । यथा प्रदीप्तं दुर्धर्शं गगने सूर्यमण्डलम् ॥
शरण्यं सर्वभूतानां सुसमृष्टाजिरं सदा । पूजितं चोपनृत्तं च नित्यम् अप्सरसां गणैः ॥
विशालैर् अग्निशरणैः स्रुग्भाण्डैर् अजिनैः कुशैः । समिद्भिस् तोयकलशैः फलमूलैश् च शोभितम् ॥
आरण्यैश् च महावृक्षैः पुण्यैः स्वादुफलैर् वृतम् । बलिहोमार्चितं पुण्यं ब्रह्मघोषनिनादितम् ॥
पुष्पैर् वन्यैः परिक्षिप्तं पद्मिन्या च सपद्मया । फलमूलाशनैर् दान्तैश् चीरकृष्णाजिनाम्बरैः ॥
सूर्यवैश्वानराभैश् च पुराणैर् मुनिभिर् वृतम् । पुण्यैश् अ नियताहारैः शोभितं परमर्षिभिः ॥
तद् ब्रह्मभवनप्रख्यं ब्रह्मघोषनिनादितम् । ब्रह्मविद्भिर् महाभागैर् ब्राह्मणैर् उपशोभितम् ॥
तद् दृष्ट्वा राघवः श्रीमांस् तापसाश्रममण्डलम् । अभ्यगच्छन् महातेजा विज्यं कृत्वा महद् धनुः ॥
praviśya tu mahāraṇyaṃ daṇḍakāraṇyam ātmavān | dadarśa rāmo durdharṣas tāpasāśramamaṇḍalam ||
kuśacīraparikṣiptaṃ brāhmyā lakṣmyā samāvṛtam | yathā pradīptaṃ durdharśaṃ gagane sūryamaṇḍalam ||
śaraṇyaṃ sarvabhūtānāṃ susamṛṣṭājiraṃ sadā | pūjitaṃ copanṛttaṃ ca nityam apsarasāṃ gaṇaiḥ ||
viśālair agniśaraṇaiḥ srugbhāṇḍair ajinaiḥ kuśaiḥ | samidbhis toyakalaśaiḥ phalamūlaiś ca śobhitam ||
āraṇyaiś ca mahāvṛkṣaiḥ puṇyaiḥ svāduphalair vṛtam | balihomārcitaṃ puṇyaṃ brahmaghoṣanināditam ||
puṣpair vanyaiḥ parikṣiptaṃ padminyā ca sapadmayā | phalamūlāśanair dāntaiś cīrakṛṣṇājināmbaraiḥ ||
sūryavaiśvānarābhaiś ca purāṇair munibhir vṛtam | puṇyaiś a niyatāhāraiḥ śobhitaṃ paramarṣibhiḥ ||
tad brahmabhavanaprakhyaṃ brahmaghoṣanināditam | brahmavidbhir mahābhāgair brāhmaṇair upaśobhitam ||
tad dṛṣṭvā rāghavaḥ śrīmāṃs tāpasāśramamaṇḍalam | abhyagacchan mahātejā vijyaṃ kṛtvā mahad dhanuḥ ||
Войдя в великий Дандакский лес, собранный и неодолимый Рама увидел область ашрамов подвижников. Она была окружена травой куша и корой, покрыта священной красотой и походила на пылающий, ослепительный солнечный диск в небе. Это место было убежищем для всех существ, всегда с тщательно очищенными дворами, почитаемое и окружённое танцами сонмов апсар. Оно сияло обширными святилищами огня, жертвенными ложками и сосудами, шкурами антилоп, травой куша, дровами, кувшинами воды, кореньями и плодами. Святое, освящённое подношениями и хомами, звучащее ведийским гласом, оно было окружено великими лесными деревьями со сладкими плодами, усыпано лесными цветами и украшено лотосовым прудом. Его наполняли обузданные мудрецы, питающиеся кореньями и плодами, одетые в кору и чёрные шкуры антилоп, древние муни, сияющие как солнце и жертвенный огонь, великие риши, сдержанные в пище. Эта обитель, подобная дому Брахмы, звучала священным гласом и сияла великодостойными брахманами, знатоками Брахмана. Увидев этот круг ашрамов подвижников, славный и великосияющий Рагхава приблизился, ослабив тетиву своего великого лука.
9ed26174e555 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Начало Аранья-канды показывает лес не как дикое пространство, а как священную область подвижничества. Рама входит туда с оружием, но сначала ослабляет тетиву: сила царя приходит к риши не для господства, а для защиты.