ततो ऽब्रवीन् मुनि श्रेष्ठः श्रुत्वा रामस्य भाषितम् । ध्यात्वा मुहूर्तं धर्मात्मा धीरो धीरतरं वचः ॥
इतो द्वियोजने तात बहुमूलफलोदकः । देशो बहुमृगः श्रीमान् पञ्चवट्य् अभिविश्रुतः ॥
तत्र गत्वाश्रमपदं कृत्वा सौमित्रिणा सह । रमस्व त्वं पितुर् वाक्यं यथोक्तम् अनुपालयन् ॥
विदितो ह्य् एष वृत्तान्तो मम सर्वस् तवानघ । तपसश् च प्रभावेन स्नेहाद् दशरथस्य च ॥
हृदयस्थश् च ते छन्दो विज्ञातस् तपसा मया । इह वासं प्रतिज्ञाय मया सह तपोवने ॥
अतश् च त्वाम् अहं ब्रूमि गच्छ पञ्चवटीम् इति । स हि रम्यो वनोद्देशो मैथिली तत्र रंस्यते ॥
स देशः श्लाघनीयश् च नातिदूरे च राघव । गोदावर्याः समीपे च मैथिली तत्र रंस्यते ॥
प्राज्यमूलफलैश् चैव नानाद्विज गणैर् युतः । विविक्तश् च महाबाहो पुण्यो रम्यस् तथैव च ॥
भवान् अपि सदारश् च शक्तश् च परिरक्षणे । अपि चात्र वसन् रामस् तापसान् पालयिष्यसि ॥
एतद् आलक्ष्यते वीर मधुकानां महद् वनम् । उत्तरेणास्य गन्तव्यं न्यग्रोधम् अभिगच्छता ॥
ततः स्थलम् उपारुह्य पर्वतस्याविदूरतः । ख्यातः पञ्चवटीत्य् एव नित्यपुष्पितकाननः ॥
अगस्त्येनैवम् उक्तस् तु रामः सौमित्रिणा सह । सात्कृत्यामन्त्रयाम् आस तम् ऋषिं सत्यवादिनम् ॥
तौ तु तेनाभ्यनुज्ञातौ कृतपादाभिवन्दनौ । तदाश्रमात् पञ्चवटीं जग्मतुः सह सीतया ॥
गृहीतचापौ तु नराधिपात्मजौ; विषक्ततूणी समरेष्व् अकातरौ । यथोपदिष्टेन पथा महर्षिणा; प्रजग्मतुः पञ्चवटीं समाहितौ ॥
tato 'bravīn muni śreṣṭhaḥ śrutvā rāmasya bhāṣitam | dhyātvā muhūrtaṃ dharmātmā dhīro dhīrataraṃ vacaḥ ||
ito dviyojane tāta bahumūlaphalodakaḥ | deśo bahumṛgaḥ śrīmān pañcavaṭy abhiviśrutaḥ ||
tatra gatvāśramapadaṃ kṛtvā saumitriṇā saha | ramasva tvaṃ pitur vākyaṃ yathoktam anupālayan ||
vidito hy eṣa vṛttānto mama sarvas tavānagha | tapasaś ca prabhāvena snehād daśarathasya ca ||
hṛdayasthaś ca te chando vijñātas tapasā mayā | iha vāsaṃ pratijñāya mayā saha tapovane ||
ataś ca tvām ahaṃ brūmi gaccha pañcavaṭīm iti | sa hi ramyo vanoddeśo maithilī tatra raṃsyate ||
sa deśaḥ ślāghanīyaś ca nātidūre ca rāghava | godāvaryāḥ samīpe ca maithilī tatra raṃsyate ||
prājyamūlaphalaiś caiva nānādvija gaṇair yutaḥ | viviktaś ca mahābāho puṇyo ramyas tathaiva ca ||
bhavān api sadāraś ca śaktaś ca parirakṣaṇe | api cātra vasan rāmas tāpasān pālayiṣyasi ||
etad ālakṣyate vīra madhukānāṃ mahad vanam | uttareṇāsya gantavyaṃ nyagrodham abhigacchatā ||
tataḥ sthalam upāruhya parvatasyāvidūrataḥ | khyātaḥ pañcavaṭīty eva nityapuṣpitakānanaḥ ||
agastyenaivam uktas tu rāmaḥ saumitriṇā saha | sātkṛtyāmantrayām āsa tam ṛṣiṃ satyavādinam ||
tau tu tenābhyanujñātau kṛtapādābhivandanau | tadāśramāt pañcavaṭīṃ jagmatuḥ saha sītayā ||
gṛhītacāpau tu narādhipātmajau; viṣaktatūṇī samareṣv akātarau | yathopadiṣṭena pathā maharṣiṇā; prajagmatuḥ pañcavaṭīṃ samāhitau ||
Услышав речь Рамы, лучший мудрец, праведный и твёрдый духом, немного поразмыслил и сказал ещё более твёрдое слово: «Отсюда, дитя, в двух йоджанах есть прекрасная местность, известная как Панчавати: там много кореньев, плодов, воды и зверей. Иди туда, устрой обитель вместе с Саумитри и живи радостно, как было сказано, исполняя слово отца. О безгрешный, вся твоя история известна мне — и силой аскезы, и из любви к Дашаратхе. Аскезой я узнал и желание твоего сердца: ты обещал жить здесь, со мной, в лесу подвижничества. Поэтому я говорю тебе: иди в Панчавати. Эта лесная область прекрасна, и Майтхили там будет радоваться. Место достойно похвалы, недалеко отсюда и близко к Годавари; там Майтхили будет счастлива. Оно изобильно кореньями и плодами, полно разных птиц, уединённо, свято и прекрасно, о могучерукий. Ты с женой способен жить там, и, пребывая там, о Рама, ты будешь охранять подвижников. Видишь, о герой, большой лес мадхука; иди к северу от него, направляясь к баньяну. Затем поднимись на ровное место недалеко от горы: там всегда цветущий лес, известный как Панчавати». Услышав это от Агастьи, Рама вместе с Саумитри почтительно простился с правдивым риши. Получив его разрешение и поклонившись его стопам, оба царских сына вместе с Ситой вышли из того ашрама в Панчавати. Взяв луки, с колчанами за плечами, неустрашимые в битвах, они сосредоточенно пошли в Панчавати путём, указанным великим риши.
e2c1bab44eea · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Агастья направляет Раму туда, где соединятся все линии его лесной дхармы: забота о Сите, исполнение слова отца, жизнь рядом с Годавари и защита подвижников. Панчавати становится не случайным местом поселения, а пространством, выбранным мудростью святого и соответствующим внутреннему намерению Рамы.