तानि मुक्तानि शस्त्राणि यातुधानैः स राघवः । प्रतिजग्राह विशिखैर् नद्योघान् इव सागरः ॥
स तैः प्रहरणैर् घोरैर् भिन्नगात्रो न विव्यथे । रामः प्रदीप्तैर् बहुभिर् वज्रैर् इव महाचलः ॥
स विद्धः क्षतजादिग्धः सर्वगात्रेषु राघवः । बभूव रामः संध्याभ्रैर् दिवाकर इवावृतः ॥
विषेदुर् देवगन्धर्वाः सिद्धाश् च परमर्षयः । एकं सहस्त्रैर् बहुभिस् तदा दृष्ट्वा समावृतम् ॥
ततो रामः सुसंक्रुद्धो मण्डलीकृतकार्मुकः । ससर्ज निशितान् बाणाञ् शतशो ऽथ सहस्रशः ॥
दुरावारान् दुर्विषहान् कालपाशोपमान् रणे । मुमोच लीलया रामः कङ्कपत्रान् अजिह्मगान् ॥
ते शराः शत्रुसैन्येषु मुक्ता रामेण लीलया । आददू रक्षसां प्राणान् पाशाः कालकृता इव ॥
भित्त्वा राक्षसदेहांस् तांस् ते शरा रुधिराप्लुताः । अन्तरिक्षगता रेजुर् दीप्ताग्निसमतेजसः ॥
असंख्येयास् तु रामस्य सायकाश् चापमण्डलात् । विनिष्पेतुर् अतीवोग्रा रक्षः प्राणापहारिणः ॥
tāni muktāni śastrāṇi yātudhānaiḥ sa rāghavaḥ | pratijagrāha viśikhair nadyoghān iva sāgaraḥ ||
sa taiḥ praharaṇair ghorair bhinnagātro na vivyathe | rāmaḥ pradīptair bahubhir vajrair iva mahācalaḥ ||
sa viddhaḥ kṣatajādigdhaḥ sarvagātreṣu rāghavaḥ | babhūva rāmaḥ saṃdhyābhrair divākara ivāvṛtaḥ ||
viṣedur devagandharvāḥ siddhāś ca paramarṣayaḥ | ekaṃ sahastrair bahubhis tadā dṛṣṭvā samāvṛtam ||
tato rāmaḥ susaṃkruddho maṇḍalīkṛtakārmukaḥ | sasarja niśitān bāṇāñ śataśo 'tha sahasraśaḥ ||
durāvārān durviṣahān kālapāśopamān raṇe | mumoca līlayā rāmaḥ kaṅkapatrān ajihmagān ||
te śarāḥ śatrusainyeṣu muktā rāmeṇa līlayā | ādadū rakṣasāṃ prāṇān pāśāḥ kālakṛtā iva ||
bhittvā rākṣasadehāṃs tāṃs te śarā rudhirāplutāḥ | antarikṣagatā rejur dīptāgnisamatejasaḥ ||
asaṃkhyeyās tu rāmasya sāyakāś cāpamaṇḍalāt | viniṣpetur atīvogrā rakṣaḥ prāṇāpahāriṇaḥ ||
Оружие, выпущенное ятудханами, Рагхава встретил своими стрелами, как океан принимает потоки рек. Тело Рамы было рассечено этими страшными ударами, но он не дрогнул, как великая гора не дрожит от множества пылающих молний. Пронзённый и измазанный кровью по всем членам, Рама стал похож на солнце, покрытое сумеречными облаками. Боги, гандхарвы, сиддхи и высшие риши опечалились, увидев, что один герой окружён многими тысячами. Тогда Рама, сильно разгневанный, так натянул лук, что он стал кругом, и выпустил острые стрелы сотнями и тысячами. В бою он играючи посылал прямолетящие стрелы с перьями канки, неудержимые, невыносимые, подобные петлям смерти. Эти стрелы, выпущенные Рамой играючи, забирали жизни ракшасов во вражеском войске, словно петли, изготовленные самой Смертью. Пронзив тела ракшасов и залившись кровью, они сияли в воздухе с блеском пылающего огня. Из круга лука Рамы вылетали неисчислимые, крайне страшные стрелы, уносящие жизни ракшасов.
cb094257b004 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Рама принимает первый натиск без страха. Его кровь не означает слабости: она делает его похожим на солнце в сумеречных облаках. Когда он отвечает, его действие описано как лёгкое, почти игровое, потому что сила дхармы не нуждается в суетливом напряжении даже перед тысячами врагов.