अवष्टब्धधनुं रामं क्रुद्धं च रिपुघातिनम् । ददर्शाश्रमम् आगम्य खरः सह पुरःसरैः ॥
तं दृष्ट्वा सगुणं चापम् उद्यम्य खरनिःस्वनम् । रामस्याभिमुखं सूतं चोद्यताम् इत्य् अचोदयत् ॥
स खरस्याज्ञया सूतस् तुरगान् समचोदयत् । यत्र रामो महाबाहुर् एको धुन्वन् धनुः स्थितः ॥
तं तु निष्पतितं दृष्ट्वा सर्वे ते रजनीचराः । नर्दमाना महानादं सचिवाः पर्यवारयन् ॥
स तेषां यातुधानानां मध्ये रतो गतः खरः । बभूव मध्ये ताराणां लोहिताङ्ग इवोदितः ॥
ततस् तं भीमधन्वानं क्रुद्धाः सर्वे निशाचराः । रामं नानाविधैः शस्त्रैर् अभ्यवर्षन्त दुर्जयम् ॥
मुद्गरैर् आयसैः शूलैः प्रासैः खड्गैः परश्वधैः । राक्षसाः समरे रामं निजघ्नू रोषतत्पराः ॥
ते बलाहकसंकाशा महानादा महाबलाः । अभ्यधावन्त काकुत्स्थं रामं युद्धे जिघांसवः ॥
ते रामे शरवर्षाणि व्यसृजन् रक्षसां गुणाः । शैलेन्द्रम् इव धाराभिर् वर्षमाणा महाधनाः ॥
स तैः परिवृतो घोरै राघवो रक्षसां गणैः । तिथिष्व् इव महादेवो वृतः पारिषदां गणैः ॥
avaṣṭabdhadhanuṃ rāmaṃ kruddhaṃ ca ripughātinam | dadarśāśramam āgamya kharaḥ saha puraḥsaraiḥ ||
taṃ dṛṣṭvā saguṇaṃ cāpam udyamya kharaniḥsvanam | rāmasyābhimukhaṃ sūtaṃ codyatām ity acodayat ||
sa kharasyājñayā sūtas turagān samacodayat | yatra rāmo mahābāhur eko dhunvan dhanuḥ sthitaḥ ||
taṃ tu niṣpatitaṃ dṛṣṭvā sarve te rajanīcarāḥ | nardamānā mahānādaṃ sacivāḥ paryavārayan ||
sa teṣāṃ yātudhānānāṃ madhye rato gataḥ kharaḥ | babhūva madhye tārāṇāṃ lohitāṅga ivoditaḥ ||
tatas taṃ bhīmadhanvānaṃ kruddhāḥ sarve niśācarāḥ | rāmaṃ nānāvidhaiḥ śastrair abhyavarṣanta durjayam ||
mudgarair āyasaiḥ śūlaiḥ prāsaiḥ khaḍgaiḥ paraśvadhaiḥ | rākṣasāḥ samare rāmaṃ nijaghnū roṣatatparāḥ ||
te balāhakasaṃkāśā mahānādā mahābalāḥ | abhyadhāvanta kākutsthaṃ rāmaṃ yuddhe jighāṃsavaḥ ||
te rāme śaravarṣāṇi vyasṛjan rakṣasāṃ guṇāḥ | śailendram iva dhārābhir varṣamāṇā mahādhanāḥ ||
sa taiḥ parivṛto ghorai rāghavo rakṣasāṃ gaṇaiḥ | tithiṣv iva mahādevo vṛtaḥ pāriṣadāṃ gaṇaiḥ ||
Кхара с передовыми воинами, придя к ашраму, увидел Раму, губителя врагов, разгневанного и крепко держащего лук. Увидев его лук с тетивой, поднятый и издающий суровый звук, Кхара велел вознице: «Гони прямо на Раму». По приказу Кхары возница погнал коней туда, где могучерукий Рама стоял один, потрясая луком. Увидев, что Кхара выехал, все ночные странники-советники с великим рёвом окружили его. Кхара среди этих ятудханов, стоя в колеснице, был подобен восходящему Лохитанге среди звёзд. Тогда все разгневанные ночные странники засыпали непобедимого Раму разными видами оружия. Ракшасы, занятые яростью, поражали Раму в битве железными палицами, копьями, дротиками, мечами и топорами. Подобные тучам, громкоревущие и великосильные, они бросились на Какутстху, желая убить Раму в бою. Сонмы ракшасов проливали на него дожди стрел, как великие облака проливают потоки на владыку гор. Окружённый страшными сонмами ракшасов, Рагхава был подобен Махадеве, окружённому сонмами своих спутников.
78e265231234 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Рама стоит один, а на него движется шумная масса войска. Сравнение с горой под дождём и с Махадевой среди спутников показывает его неподвижность: окружение не делает его слабым. Он уже занимает центр битвы, хотя внешне его окружают враги.