वृक्षाद् वृक्षं प्रधावन् स गिरींश् चापि नदीन् नदीम् । बभूव विलपन् रामः शोकपङ्कार्णवप्लुतः ॥
अस्ति कच्चित् त्वया दृष्टा सा कदम्बप्रिया प्रिया । कदम्ब यदि जानीषे शंस सीतां शुभाननाम् ॥
स्निग्धपल्लवसंकाशां पीतकौशेयवासिनीम् । शंसस्व यदि वा दृष्टा बिल्व बिल्वोपमस्तनी ॥
अथ वार्जुन शंस त्वं प्रियां ताम् अर्जुनप्रियाम् । जनकस्य सुता भीरुर् यदि जीवति वा न वा ॥
ककुभः ककुभोरुं तां व्यक्तं जानाति मैथिलीम् । लतापल्लवपुष्पाढ्यो भाति ह्य् एष वनस्पतिः ॥
भ्रमरैर् उपगीतश् च यथा द्रुमवरो ह्य् अयम् । एष व्यक्तं विजानाति तिलकस् तिलकप्रियाम् ॥
अशोकशोकापनुद शोकोपहतचेतसं । त्वन्नामानं कुरु क्षिप्रं प्रियासंदर्शनेन माम् ॥
यदि ताल त्वया दृष्टा पक्वतालफलस्तनी । कथयस्व वरारोहां कारुष्यं यदि ते मयि ॥
यदि दृष्टा त्वया सीता जम्बुजाम्बूनदप्रभा । प्रियां यदि विजानीषे निःशङ्कं कथयस्व मे ॥
vṛkṣād vṛkṣaṃ pradhāvan sa girīṃś cāpi nadīn nadīm | babhūva vilapan rāmaḥ śokapaṅkārṇavaplutaḥ ||
asti kaccit tvayā dṛṣṭā sā kadambapriyā priyā | kadamba yadi jānīṣe śaṃsa sītāṃ śubhānanām ||
snigdhapallavasaṃkāśāṃ pītakauśeyavāsinīm | śaṃsasva yadi vā dṛṣṭā bilva bilvopamastanī ||
atha vārjuna śaṃsa tvaṃ priyāṃ tām arjunapriyām | janakasya sutā bhīrur yadi jīvati vā na vā ||
kakubhaḥ kakubhoruṃ tāṃ vyaktaṃ jānāti maithilīm | latāpallavapuṣpāḍhyo bhāti hy eṣa vanaspatiḥ ||
bhramarair upagītaś ca yathā drumavaro hy ayam | eṣa vyaktaṃ vijānāti tilakas tilakapriyām ||
aśokaśokāpanuda śokopahatacetasaṃ | tvannāmānaṃ kuru kṣipraṃ priyāsaṃdarśanena mām ||
yadi tāla tvayā dṛṣṭā pakvatālaphalastanī | kathayasva varārohāṃ kāruṣyaṃ yadi te mayi ||
yadi dṛṣṭā tvayā sītā jambujāmbūnadaprabhā | priyāṃ yadi vijānīṣe niḥśaṅkaṃ kathayasva me ||
Рама, погружённый в океан грязи скорби, бегал от дерева к дереву, к горам, к рекам, и плакал: «О кадамба, не видел ли ты мою любимую, любящую кадамбу? Если знаешь, скажи о прекрасноликой Сите. О билва, скажи, если видел её — одетую в жёлтый шёлк, подобную нежным побегам, с грудью, подобной плодам бильвы. Или ты, Арджуна, скажи о той моей любимой, любящей Арджуну: жива ли робкая дочь Джанаки или нет? Этот какубха, богатый лианами, побегами и цветами, явно знает Майтили с прекрасными бёдрами, ведь он сияет. Этот лучший из деревьев, воспетый пчёлами, этот тилака явно знает ту, что любит тилаку. О ашока, устраняющий скорбь, сделай быстро своё имя истинным: я поражён скорбью — дай мне увидеть любимую. О тала, если ты видел её, прекраснобёдрую, с грудью, подобной спелым плодам талы, расскажи, если у тебя есть сострадание ко мне. Если ты видел Ситу, сияющую как плод джамбу и золото джамбунада, если знаешь мою любимую, без страха расскажи мне».
9bd93e89939b · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Рама обращается к деревьям как к живым свидетелям. Лес, который раньше был местом их жизни с Ситой, теперь становится пространством расспроса и надежды.