शक्या लोभयितुं नाहम् ऐश्वर्येण धनेन वा । अनन्या राघवेणाहं भास्करेण प्रभा यथा ॥
उपधाय भुजं तस्य लोकनाथस्य सत्कृतम् । कथं नामोपधास्यामि भुजम् अन्यस्य कस्य चित् ॥
अहम् औपयिकी भार्या तस्यैव वसुधापतेः । व्रतस्नातस्य विप्रस्य विद्येव विदितात्मनः ॥
साधु रावण रामेण मां समानय दुःखिताम् । वने वाशितया सार्धं करेण्वेव गजाधिपम् ॥
मित्रम् औपयिकं कर्तुं रामः स्थानं परीप्सता । वधं चानिच्छता घोरं त्वयासौ पुरुषर्षभः ॥
वर्जयेद् वज्रम् उत्सृष्टं वर्जयेद् अन्तकश् चिरम् । त्वद्विधं न तु संक्रुद्धो लोकनाथः स राघवः ॥
रामस्य धनुषः शब्दं श्रोष्यसि त्वं महास्वनम् । शतक्रतुविसृष्टस्य निर्घोषम् अशनेर् इव ॥
इह शीघ्रं सुपर्वाणो ज्वलितास्या इवोरगाः । इषवो निपतिष्यन्ति रामलक्ष्मणलक्षणाः ॥
रक्षांसि परिनिघ्नन्तः पुर्याम् अस्यां समन्ततः । असंपातं करिष्यन्ति पतन्तः कङ्कवाससः ॥
राक्षसेन्द्रमहासर्पान् स रामगरुडो महान् । उद्धरिष्यति वेगेन वैनतेय इवोरगान् ॥
अपनेष्यति मां भर्ता त्वत्तः शीघ्रम् अरिंदमः । असुरेभ्यः श्रियं दीप्तां विष्णुस् त्रिभिर् इव क्रमैः ॥
जनस्थाने हतस्थाने निहते रक्षसां बले । अशक्तेन त्वया रक्षः कृतम् एतद् असाधु वै ॥
आश्रमं तु तयोः शून्यं प्रविश्य नरसिंहयोः । गोचरं गतयोर् भ्रात्रोर् अपनीता त्वयाधम ॥
न हि गन्धम् उपाघ्राय रामलक्ष्मणयोस् त्वया । शक्यं संदर्शने स्थातुं शुना शार्दूलयोर् इव ॥
तस्य ते विग्रहे ताभ्यां युगग्रहणम् अस्थिरम् । वृत्रस्येवेन्द्रबाहुभ्यां बाहोर् एकस्य निग्रहः ॥
क्षिप्रं तव स नाथो मे रामः सौमित्रिणा सह । तोयम् अल्पम् इवादित्यः प्राणान् आदास्यते शरैः ॥
गिरिं कुबेरस्य गतो ऽथवालयं; सभां गतो वा वरुणस्य राज्ञः । असंशयं दाशरथेर् न मोक्ष्यसे; महाद्रुमः कालहतो ऽशनेर् इव ॥
śakyā lobhayituṃ nāham aiśvaryeṇa dhanena vā | ananyā rāghaveṇāhaṃ bhāskareṇa prabhā yathā ||
upadhāya bhujaṃ tasya lokanāthasya satkṛtam | kathaṃ nāmopadhāsyāmi bhujam anyasya kasya cit ||
aham aupayikī bhāryā tasyaiva vasudhāpateḥ | vratasnātasya viprasya vidyeva viditātmanaḥ ||
sādhu rāvaṇa rāmeṇa māṃ samānaya duḥkhitām | vane vāśitayā sārdhaṃ kareṇveva gajādhipam ||
mitram aupayikaṃ kartuṃ rāmaḥ sthānaṃ parīpsatā | vadhaṃ cānicchatā ghoraṃ tvayāsau puruṣarṣabhaḥ ||
varjayed vajram utsṛṣṭaṃ varjayed antakaś ciram | tvadvidhaṃ na tu saṃkruddho lokanāthaḥ sa rāghavaḥ ||
rāmasya dhanuṣaḥ śabdaṃ śroṣyasi tvaṃ mahāsvanam | śatakratuvisṛṣṭasya nirghoṣam aśaner iva ||
iha śīghraṃ suparvāṇo jvalitāsyā ivoragāḥ | iṣavo nipatiṣyanti rāmalakṣmaṇalakṣaṇāḥ ||
rakṣāṃsi parinighnantaḥ puryām asyāṃ samantataḥ | asaṃpātaṃ kariṣyanti patantaḥ kaṅkavāsasaḥ ||
rākṣasendramahāsarpān sa rāmagaruḍo mahān | uddhariṣyati vegena vainateya ivoragān ||
apaneṣyati māṃ bhartā tvattaḥ śīghram ariṃdamaḥ | asurebhyaḥ śriyaṃ dīptāṃ viṣṇus tribhir iva kramaiḥ ||
janasthāne hatasthāne nihate rakṣasāṃ bale | aśaktena tvayā rakṣaḥ kṛtam etad asādhu vai ||
āśramaṃ tu tayoḥ śūnyaṃ praviśya narasiṃhayoḥ | gocaraṃ gatayor bhrātror apanītā tvayādhama ||
na hi gandham upāghrāya rāmalakṣmaṇayos tvayā | śakyaṃ saṃdarśane sthātuṃ śunā śārdūlayor iva ||
tasya te vigrahe tābhyāṃ yugagrahaṇam asthiram | vṛtrasyevendrabāhubhyāṃ bāhor ekasya nigrahaḥ ||
kṣipraṃ tava sa nātho me rāmaḥ saumitriṇā saha | toyam alpam ivādityaḥ prāṇān ādāsyate śaraiḥ ||
giriṃ kuberasya gato 'thavālayaṃ; sabhāṃ gato vā varuṇasya rājñaḥ | asaṃśayaṃ dāśarather na mokṣyase; mahādrumaḥ kālahato 'śaner iva ||
«Меня нельзя соблазнить властью или богатством. Я неотделима от Рагхавы, как сияние от солнца. Положив себе под голову почтенную руку этого владыки мира, как я могу положить под голову руку какого-то другого? Я подходящая жена только этого владыки земли, познавшего себя, как знание подходит брахману, омытому после обета. Равана, поступи благоразумно: верни меня, страдающую, Раме, как зовущая в лесу слониха возвращается к владыке слонов. Если ты хочешь сохранить своё положение и не хочешь страшной гибели, тебе следует сделать этого быка среди людей Раму своим надлежащим другом. Можно долго избегать выпущенной ваджры, можно долго избегать смерти, но подобного тебе разгневанный Рагхава, владыка мира, не пощадит. Ты услышишь великий звук лука Рамы, подобный грохоту молнии, выпущенной Индрой. Скоро здесь падут стрелы Рамы и Лакшманы, с хорошо сделанными древками, как змеи с пылающими пастями. Падая со всех сторон в этом городе и уничтожая ракшасов, они сделают небо непроходимым. Великий Рама-Гаруда стремительно вырвет великих змеев-владык ракшасов, как Вайнатея вырывает змей. Мой муж, укротитель врагов, быстро уведёт меня от тебя, как Вишну тремя шагами забрал у асуров сияющую Шри. Ракшас, когда сила ракшасов была уничтожена в Джанастхане, ты, бессильный, совершил дурное дело: вошёл в пустую обитель двух львов среди людей и увёл меня, когда братья ушли на охоту. Тебе невозможно, уловив даже запах Рамы и Лакшманы, устоять при встрече с ними, как собаке перед двумя тиграми. Твоё сражение с теми двумя будет непрочно, как попытка Вритры удержать одной рукой две руки Индры. Скоро мой владыка Рама вместе с Саумитри стрелами заберёт твои жизни, как солнце забирает малую воду. Уйдёшь ли ты на гору Куберы, в его обитель, или в собрание царя Варуны, без сомнения, от сына Дашаратхи ты не освободишься — как большое дерево, назначенное временем, не освобождается от молнии».
d4fca895401a · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Сита отвечает Раване с позиции не жертвы, а истины. Она не просит его богатств и не боится его силы: её довод прост — Рама неизбежен, потому что дхарма сильнее похищения.