भर्तुर् भक्तिं पुरस्कृत्य रामाद् अन्यस्य वानर । नाहं स्प्रष्टुं पदा गात्रम् इच्छेयं वानरोत्तम ॥
यद् अहं गात्रसंस्पर्शं रावणस्य गता बलात् । अनीशा किं करिष्यामि विनाथा विवशा सती ॥
यदि रामो दशग्रीवम् इह हत्वा सराक्षसं । माम् इतो गृह्य गच्छेत तत् तस्य सदृशं भवेत् ॥
श्रुता हि दृष्टाश् च मया पराक्रमा; महात्मनस् तस्य रणावमर्दिनः । न देवगन्धर्वभुजंगराक्षसा; भवन्ति रामेण समा हि संयुगे ॥
समीक्ष्य तं संयति चित्रकार्मुकं; महाबलं वासवतुल्यविक्रमम् । सलक्ष्मणं को विषहेत राघवं; हुताशनं दीप्तम् इवानिलेरितम् ॥
सलक्ष्मणं राघवम् आजिमर्दनं; दिशागजं मत्तम् इव व्यवस्थितम् । सहेत को वानरमुख्य संयुगे; युगान्तसूर्यप्रतिमं शरार्चिषम् ॥
स मे हरिश्रेष्ठ सलक्ष्मणं पतिं; सयूथपं क्षिप्रम् इहोपपादय । चिराय रामं प्रति शोककर्शितां; कुरुष्व मां वानरमुख्य हर्षिताम् ॥
bhartur bhaktiṃ puraskṛtya rāmād anyasya vānara | nāhaṃ spraṣṭuṃ padā gātram iccheyaṃ vānarottama ||
yad ahaṃ gātrasaṃsparśaṃ rāvaṇasya gatā balāt | anīśā kiṃ kariṣyāmi vināthā vivaśā satī ||
yadi rāmo daśagrīvam iha hatvā sarākṣasaṃ | mām ito gṛhya gaccheta tat tasya sadṛśaṃ bhavet ||
śrutā hi dṛṣṭāś ca mayā parākramā; mahātmanas tasya raṇāvamardinaḥ | na devagandharvabhujaṃgarākṣasā; bhavanti rāmeṇa samā hi saṃyuge ||
samīkṣya taṃ saṃyati citrakārmukaṃ; mahābalaṃ vāsavatulyavikramam | salakṣmaṇaṃ ko viṣaheta rāghavaṃ; hutāśanaṃ dīptam ivānileritam ||
salakṣmaṇaṃ rāghavam ājimardanaṃ; diśāgajaṃ mattam iva vyavasthitam | saheta ko vānaramukhya saṃyuge; yugāntasūryapratimaṃ śarārciṣam ||
sa me hariśreṣṭha salakṣmaṇaṃ patiṃ; sayūthapaṃ kṣipram ihopapādaya | cirāya rāmaṃ prati śokakarśitāṃ; kuruṣva māṃ vānaramukhya harṣitām ||
«Поставив на первое место преданность мужу, ванара, я не хотела бы коснуться даже ногой тела другого, кроме Рамы, лучший ванара. То, что я была вынуждена коснуться тела Раваны, произошло силой; что я могла сделать, будучи беззащитной и беспомощной? Если Рама здесь убьёт десятишеего вместе с ракшасами, возьмёт меня отсюда и уйдёт, это будет достойно его. Я слышала и видела подвиги этого великодушного, сокрушающего битвы: ни боги, ни гандхарвы, ни змеи, ни ракшасы не равны Раме в сражении. Кто выдержит Рагхаву с Лакшманой, когда увидит его в бою с пёстрым луком, великосильного, равного Васаве доблестью, словно пылающий огонь, раздуваемый ветром? Главный ванара, кто выдержит в битве Рагхаву с Лакшманой, сокрушителя сражений, стоящего словно бешеный слон сторон, подобного солнцу конца юги и пламенеющего стрелами? Лучший хари, быстро приведи сюда моего мужа с Лакшманой и с предводителями войск. Я давно истощена скорбью по Раме: сделай меня радостной, главный ванара».
a601be3e0ef4 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Главная причина отказа Ситы — не страх и не сомнение в Ханумане, а чистота служения Раме. Она хочет, чтобы спасение совершил сам Рама: так будет восстановлена дхарма, честь и полнота их связи.