तं महाप्लवगं दृष्ट्वा सर्वे प्लवगयूथपाः । समेत्य समरे वीराः सहिताः पर्यवारयन् ॥
व्यवस्थितं हनूमन्तं ते दृष्ट्वा हरियूथपाः । बभूवुर् बलवन्तो हि बलवन्तम् उपाश्रिताः ॥
अकम्पनस् तु शैलाभं हनूमन्तम् अवस्थितम् । महेन्द्र इव धाराभिः शरैर् अभिववर्ष ह ॥
अचिन्तयित्वा बाणौघाञ् शरीरे पतिताञ् शितान् । अकम्पनवधार्थाय मनो दध्रे महाबलः ॥
स प्रहस्य महातेजा हनूमान् मारुतात्मजः । अभिदुद्राव तद् रक्षः कम्पयन्न् इव मेदिनीम् ॥
तस्याभिनर्दमानस्य दीप्यमानस्य तेजसा । बभूव रूपं दुर्धर्षं दीप्तस्येव विभावसोः ॥
आत्मानं त्व् अप्रहरणं ज्ञात्वा क्रोधसमन्वितः । शैलम् उत्पाटयाम् आस वेगेन हरिपुंगवः ॥
तं गृहीत्वा महाशैलं पाणिनैकेन मारुतिः । विनद्य सुमहानादं भ्रामयाम् आस वीर्यवान् ॥
ततस् तम् अभिदुद्राव राक्षसेन्द्रम् अकम्पनम् । यथा हि नमुचिं संख्ये वज्रेणेव पुरंदरः ॥
अकम्पनस् तु तद् दृष्ट्वा गिरिशृङ्गं समुद्यतम् । दूराद् एव महाबाणैर् अर्धचन्द्रैर् व्यदारयत् ॥
taṃ mahāplavagaṃ dṛṣṭvā sarve plavagayūthapāḥ | sametya samare vīrāḥ sahitāḥ paryavārayan ||
vyavasthitaṃ hanūmantaṃ te dṛṣṭvā hariyūthapāḥ | babhūvur balavanto hi balavantam upāśritāḥ ||
akampanas tu śailābhaṃ hanūmantam avasthitam | mahendra iva dhārābhiḥ śarair abhivavarṣa ha ||
acintayitvā bāṇaughāñ śarīre patitāñ śitān | akampanavadhārthāya mano dadhre mahābalaḥ ||
sa prahasya mahātejā hanūmān mārutātmajaḥ | abhidudrāva tad rakṣaḥ kampayann iva medinīm ||
tasyābhinardamānasya dīpyamānasya tejasā | babhūva rūpaṃ durdharṣaṃ dīptasyeva vibhāvasoḥ ||
ātmānaṃ tv apraharaṇaṃ jñātvā krodhasamanvitaḥ | śailam utpāṭayām āsa vegena haripuṃgavaḥ ||
taṃ gṛhītvā mahāśailaṃ pāṇinaikena mārutiḥ | vinadya sumahānādaṃ bhrāmayām āsa vīryavān ||
tatas tam abhidudrāva rākṣasendram akampanam | yathā hi namuciṃ saṃkhye vajreṇeva puraṃdaraḥ ||
akampanas tu tad dṛṣṭvā giriśṛṅgaṃ samudyatam | dūrād eva mahābāṇair ardhacandrair vyadārayat ||
Увидев великого прыгуна, все героические предводители ванаров собрались в битве и вместе окружили его. Когда они увидели Ханумана, твёрдо стоящего на месте, они обрели силу, ведь прибегли к сильному. Акампана же осыпал стоящего Ханумана, подобного горе, стрелами, как Махендра осыпает ливнями. Но могучий Хануман не обратил внимания на потоки острых стрел, падавших на его тело, и сосредоточил ум на убийстве Акампаны. Рассмеявшись, великосияющий Хануман, сын Марута, ринулся на этого ракшаса, словно сотрясая землю. Когда он громко ревел и сиял своим блеском, его облик стал неодолимым, словно облик пылающего огня. Осознав, что он без оружия, лучший из ванаров, исполненный гнева, с силой вырвал гору. Схватив эту великую гору одной рукой, доблестный сын Марута заревел великим рёвом и закружил её. Затем он ринулся на царственного ракшаса Акампану, как Пурандара в битве бросался на Намучи с молнией. Но Акампана, увидев поднятую горную вершину, ещё издали рассёк её великими стрелами-полумесяцами.
08394e4dd5b1 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Воины снова обретают силу, когда видят Ханумана. Его присутствие действует как опора: он не просто силён сам, он возвращает мужество тем, кто почти сломлен.