तां रात्रिम् उषितं रामं सुखोत्थितम् अरिंदमम् । अब्रवीत् प्राञ्जलिर् वाक्यं जयं पृष्ट्वा विभीषणः ॥
स्नानानि चाङ्गरागाणि वस्त्राण्य् आभरणानि च । चन्दनानि च दिव्यानि माल्यानि विविधानि च ॥
अलंकारविदश् चेमा नार्यः पद्मनिभेक्षणाः । उपस्थितास् त्वां विधिवत् स्नापयिष्यन्ति राघव ॥
एवम् उक्तस् तु काकुत्स्थः प्रत्युवाच विभीषणम् । हरीन् सुग्रीवमुख्यांस् त्वं स्नानेनोपनिमन्त्रय ॥
स तु ताम्यति धर्मात्मा ममहेतोः सुखोचितः । सुकुमारो महाबाहुः कुमारः सत्यसंश्रवः ॥
तं विना कैकेयीपुत्रं भरतं धर्मचारिणम् । न मे स्नानं बहुमतं वस्त्राण्य् आभरणानि च ॥
इत एव पथा क्षिप्रं प्रतिगच्छाम तां पुरीम् । अयोध्याम् आयतो ह्य् एष पन्थाः परमदुर्गमः ॥
tāṃ rātrim uṣitaṃ rāmaṃ sukhotthitam ariṃdamam | abravīt prāñjalir vākyaṃ jayaṃ pṛṣṭvā vibhīṣaṇaḥ ||
snānāni cāṅgarāgāṇi vastrāṇy ābharaṇāni ca | candanāni ca divyāni mālyāni vividhāni ca ||
alaṃkāravidaś cemā nāryaḥ padmanibhekṣaṇāḥ | upasthitās tvāṃ vidhivat snāpayiṣyanti rāghava ||
evam uktas tu kākutsthaḥ pratyuvāca vibhīṣaṇam | harīn sugrīvamukhyāṃs tvaṃ snānenopanimantraya ||
sa tu tāmyati dharmātmā mamahetoḥ sukhocitaḥ | sukumāro mahābāhuḥ kumāraḥ satyasaṃśravaḥ ||
taṃ vinā kaikeyīputraṃ bharataṃ dharmacāriṇam | na me snānaṃ bahumataṃ vastrāṇy ābharaṇāni ca ||
ita eva pathā kṣipraṃ pratigacchāma tāṃ purīm | ayodhyām āyato hy eṣa panthāḥ paramadurgamaḥ ||
Когда Рама, покоритель врагов, счастливо поднялся после проведённой ночи, Вибхишана, сложив ладони и спросив о победе, сказал ему: «Рагхава, здесь приготовлены омовения, умащения, одежды, украшения, божественные сандалы и различные гирлянды. Эти лотосоокие женщины, искусные в украшении, предстали перед тобой и по правилу совершат твоё омовение». Услышав это, Какутстха ответил Вибхишане: «Пригласи на омовение обезьян во главе с Сугривой. А праведный Бхарата, сын Кайкейи, страдает ради меня: он привык к счастью, он нежный, могучерукий царевич, верный обещанию. Без него, Бхараты, следующего дхарме, для меня не имеют большой ценности ни омовение, ни одежды, ни украшения. Быстро вернёмся отсюда тем же путём в тот город, Айодхью; ведь путь туда долог и крайне труднопроходим».
d8c330a54dda · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Рама отказывается от царских удовольствий в Ланке, пока Бхарата страдает в ожидании. Победа не завершена для него, пока не восстановлена братская связь и долг перед Айодхьей.