ततस् ते जयशब्देन प्रतिनन्द्य महेश्वरम् । विष्णोः समीपम् आजग्मुर् निशाचरभयार्दिताः ॥
शङ्खचक्रधरं देवं प्रणम्य बहुमान्य च । ऊचुः संभ्रान्तवद् वाक्यं सुकेशतनयार्दिताः ॥
सुकेशतनयैर् देवत्रिभिस् त्रेताग्निसंनिभैः । आक्रम्य वरदानेन स्थानान्य् अपहृतानि नः ॥
लङ्का नाम पुरी दुर्गा त्रिकूटशिखरे स्थिता । तत्र स्थिताः प्रबाधन्ते सर्वान् नः क्षणदाचराः ॥
स त्वम् अस्मत्प्रियार्थं तु जहि तान् मधुसूदन । चक्रकृत्तास्यकमलान् निवेदय यमाय वै ॥
भयेष्व् अभयदो ऽस्माकं नान्यो ऽस्ति भवता समः । नुद त्वं नो भयं देव नीहारम् इव भास्करः ॥
इत्य् एवं दैवतैर् उक्तो देवदेवो जनार्दनः । अभयं भयदो ऽरीणां दत्त्वा देवान् उवाच ह ॥
सुकेशं राक्षसं जाने ईशान वरदर्पितम् । तांश् चास्य तनयाञ् जाने येषां ज्येष्ठः स माल्यवान् ॥
तान् अहं समतिक्रान्तमर्यादान् राक्षसाधमान् । सूदयिष्यामि संग्रामे सुरा भवत विज्वराः ॥
इत्य् उक्तास् ते सुराः सर्वे विष्णुना प्रभविष्णुना । यथा वासं ययुर् हृष्टाः प्रशमन्तो जनार्दनम् ॥
tatas te jayaśabdena pratinandya maheśvaram | viṣṇoḥ samīpam ājagmur niśācarabhayārditāḥ ||
śaṅkhacakradharaṃ devaṃ praṇamya bahumānya ca | ūcuḥ saṃbhrāntavad vākyaṃ sukeśatanayārditāḥ ||
sukeśatanayair devatribhis tretāgnisaṃnibhaiḥ | ākramya varadānena sthānāny apahṛtāni naḥ ||
laṅkā nāma purī durgā trikūṭaśikhare sthitā | tatra sthitāḥ prabādhante sarvān naḥ kṣaṇadācarāḥ ||
sa tvam asmatpriyārthaṃ tu jahi tān madhusūdana | cakrakṛttāsyakamalān nivedaya yamāya vai ||
bhayeṣv abhayado 'smākaṃ nānyo 'sti bhavatā samaḥ | nuda tvaṃ no bhayaṃ deva nīhāram iva bhāskaraḥ ||
ity evaṃ daivatair ukto devadevo janārdanaḥ | abhayaṃ bhayado 'rīṇāṃ dattvā devān uvāca ha ||
sukeśaṃ rākṣasaṃ jāne īśāna varadarpitam | tāṃś cāsya tanayāñ jāne yeṣāṃ jyeṣṭhaḥ sa mālyavān ||
tān ahaṃ samatikrāntamaryādān rākṣasādhamān | sūdayiṣyāmi saṃgrāme surā bhavata vijvarāḥ ||
ity uktās te surāḥ sarve viṣṇunā prabhaviṣṇunā | yathā vāsaṃ yayur hṛṣṭāḥ praśamanto janārdanam ||
Тогда они победным возгласом приветствовали Махешвару и, мучимые страхом перед ночными странниками, пришли к Вишну. Поклонившись и воздав почесть богу, держащему раковину и диск, они, измученные сыновьями Сукеши, сказали как потрясённые: «О бог, три сына Сукеши, подобные трём священным огням, благодаря дару напали на нас и отняли наши места. Есть крепкий город по имени Ланка, стоящий на вершине Трикута; находясь там, ночные странники притесняют всех нас. Поэтому ты, Мадхусудана, ради нашего блага убей их и передай Яме их лица-лотосы, срезанные диском. В страхах нет для нас другого дарующего бесстрашие, равного тебе. О бог, рассей наш страх, как солнце туман». Так сказанный богами, Джанардана, бог богов, дающий страх врагам, дал богам бесстрашие и сказал: «Я знаю ракшаса Сукешу, возгордившегося даром Ишаны. Знаю и его сыновей, из которых старший — Мальяван. Эти низшие ракшасы перешли границы; я истреблю их в битве. Боги, будьте без тревоги». Услышав это от всемогущего Вишну, все боги радостно ушли по своим обителям, восхваляя Джанардану.
537c2a454359 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Вишну принимает защиту как восстановление границ. Ракшасы названы перешедшими меру: главная проблема не в силе как таковой, а в нарушении предела, который держит мир в равновесии.