एतस्मिन्न् अन्तरे चापि सर्वे सुरगणास् तदा । अभ्यद्रवन् सुसंक्रुद्धा रावणं शस्त्रवृष्टिभिः ॥
रावणस् तु समासाद्य वस्वादित्यमरुद्गणान् । न शशाक रणे स्थातुं न योद्धुं शस्त्रपीडितः ॥
तं तु दृष्ट्वा परिश्रान्तं प्रहारैर् जर्जरच्छविम् । रावणिः पितरं युद्धे ऽदर्शनस्थो ऽब्रवीद् इदम् ॥
आगच्छ तात गच्छावो निवृत्तं रणकर्म तत् । जितं ते विदितं भो ऽस्तु स्वस्थो भव गतज्वरः ॥
अयं हि सुरसैन्यस्य त्रैलोक्यस्य च यः प्रभुः । स गृहीतो मया शक्रो भग्नमानाः सुराः कृताः ॥
यथेष्टं भुङ्क्ष्व त्रैलोक्यं निगृह्य रिपुम् ओजसा । वृथा ते किं श्रमं कृत्वा युद्धं हि तव निष्फलम् ॥
स दैवतबलात् तस्मान् निवृत्तो रणकर्मणः । तच् छ्रुत्वा रावणेर् वाक्यं स्वस्थचेता दशाननः ॥
अथ रणविगतज्वरः प्रभुर्; विजयम् अवाप्य निशाचराधिपः । भवनम् अभि ततो जगाम हृष्टः; स्वसुतम् अवाप्य च वाक्यम् अब्रवीत् ॥
अतिबलसदृशैः पराक्रमैस् तैर्; मम कुलमानविवर्धनं कृतम् । यद् अमरसमविक्रम त्वया; त्रिदशपतिस् त्रिदशाश् च निर्जिताः ॥
त्वरितम् उपनयस्व वासवं; नगरम् इतो व्रज सैन्यसंवृतः । अहम् अपि तव गच्छतो द्रुतं; सह सचिवैर् अनुयामि पृष्ठतः ॥
अथ स बलवृतः सवाहनस्; त्रिदशपतिं परिगृह्य रावणिः । स्वभवनम् उपगम्य राक्षसो; मुदितमना विससर्ज राक्षसान् ॥
etasminn antare cāpi sarve suragaṇās tadā | abhyadravan susaṃkruddhā rāvaṇaṃ śastravṛṣṭibhiḥ ||
rāvaṇas tu samāsādya vasvādityamarudgaṇān | na śaśāka raṇe sthātuṃ na yoddhuṃ śastrapīḍitaḥ ||
taṃ tu dṛṣṭvā pariśrāntaṃ prahārair jarjaracchavim | rāvaṇiḥ pitaraṃ yuddhe 'darśanastho 'bravīd idam ||
āgaccha tāta gacchāvo nivṛttaṃ raṇakarma tat | jitaṃ te viditaṃ bho 'stu svastho bhava gatajvaraḥ ||
ayaṃ hi surasainyasya trailokyasya ca yaḥ prabhuḥ | sa gṛhīto mayā śakro bhagnamānāḥ surāḥ kṛtāḥ ||
yatheṣṭaṃ bhuṅkṣva trailokyaṃ nigṛhya ripum ojasā | vṛthā te kiṃ śramaṃ kṛtvā yuddhaṃ hi tava niṣphalam ||
sa daivatabalāt tasmān nivṛtto raṇakarmaṇaḥ | tac chrutvā rāvaṇer vākyaṃ svasthacetā daśānanaḥ ||
atha raṇavigatajvaraḥ prabhur; vijayam avāpya niśācarādhipaḥ | bhavanam abhi tato jagāma hṛṣṭaḥ; svasutam avāpya ca vākyam abravīt ||
atibalasadṛśaiḥ parākramais tair; mama kulamānavivardhanaṃ kṛtam | yad amarasamavikrama tvayā; tridaśapatis tridaśāś ca nirjitāḥ ||
tvaritam upanayasva vāsavaṃ; nagaram ito vraja sainyasaṃvṛtaḥ | aham api tava gacchato drutaṃ; saha sacivair anuyāmi pṛṣṭhataḥ ||
atha sa balavṛtaḥ savāhanas; tridaśapatiṃ parigṛhya rāvaṇiḥ | svabhavanam upagamya rākṣaso; muditamanā visasarja rākṣasān ||
Тем временем все сонмы богов, сильно разгневанные, бросились на Равану ливнями оружия. Столкнувшись с сонмами Васу, Адитьев и Марутов, Равана, измученный оружием, не смог ни стоять в битве, ни сражаться. Увидев, что его отец утомлён и изломан ударами, невидимо стоящий Равани сказал ему в бою: «Иди, отец, пойдём. Дело битвы окончено. Знай, что победа твоя; будь спокоен и свободен от тревоги. Тот, кто является владыкой войска богов и трёх миров, Шакра, схвачен мной; гордость богов сломлена. Наслаждайся троемирием как пожелаешь, схватив врага силой. Зачем тебе напрасно трудиться? Твоя битва теперь бесплодна». Услышав слова сына Раваны, Десятиликий успокоился и отступил от битвы с войском богов. Владыка ночных странников, освободившись от тревоги боя и получив победу, радостно отправился к своей обители; достигнув своего сына, он сказал: «Этими подвигами, достойными чрезвычайной силы, ты увеличил честь моего рода, ведь ты, равный доблестью бессмертным, победил владыку богов и самих богов. Быстро приведи Васаву; иди отсюда в город, окружённый войском. Я тоже быстро пойду за тобой вместе с советниками». Тогда сын Раваны, окружённый войском и повозками, захватив владыку богов, пришёл в свой дом и с радостным умом распустил ракшасов.
5ced4236f5a8 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Равана сам оказывается тесним богами, но победу приносит сын. Так рождается слава Индраджита: не просто военная удача, а пленение самого владыки богов через майю и решимость.