अत्र ते वर्तयिष्यामि यथातत्त्वम् अरिंदम पित्रा मम पुरा गीतं लोकान्तरगतेन वै ॥
श्राद्धकाले मम पितुर् मया पिण्डः समुद्यतः तं पिता मम हस्तेन भित्त्वा भूमिम् अयाचत ॥
हस्ताभरणपूर्णेन केयूरभरितेन च रक्ताङ्गुलितलेनाथ यथा दृष्टः पुरा मया ॥
नैष कल्पविधिर् दृष्ट इति निश्चित्य चाप्य् अहम् कुशेष्व् एव तदा पिण्डं दत्तवान् अविचारयन् ॥
ततः पिता मे सुप्रीतो वाचा मधुरया तदा उवाच भरतश्रेष्ठ प्रीयमाणो मयानघ ॥
त्वया दायादवान् अस्मि कृतार्थो मुत्र चेह च सत्पुत्रेण त्वया पुत्र धर्मज्ञेन विपश्चिता ॥
मया च तव जिज्ञासा प्रयुक्तैषा दृढव्रत व्यवस्थानं च धर्मेषु कर्तुं लोकस्य चानघ ॥
प्रमाणं यद् धि कुरुते धर्माचारेषु पार्थिवः प्रजास् तद् अनुवर्तन्ते प्रमाणाचरितं सदा ॥
त्वया च भरतश्रेष्ठ वेदधर्माश् च शाश्वताः कृताः प्रमाणं प्रीतिश् च मम निर्वर्तितातुला ॥
तस्मात् तवाहं सुप्रीतः प्रीत्या वरम् अनुत्तमम् ददानि त्वं प्रतीच्छस्व त्रिषु लोकेषु दुर्लभम् ॥
न ते प्रभविता मृत्युर् यावज् जीवितुम् इच्छसि त्वत्तो भ्यनुज्ञां संप्राप्य मृत्युः प्रभविता तव ॥
किं वा ते प्रार्थितं भूयो ददानि वरम् उत्तमम् तद् ब्रूहि भरतश्रेष्ठ यत् ते मनसि वर्तते ॥
इत्य् उक्तवन्तं तम् अहम् अभिवाद्य कृताञ्जलिः अब्रुवं कृतकृत्यो हं प्रसन्ने त्वयि सत्तम ॥
यदि त्व् अनुग्रहं भूयस् त्वत्तो र्हामि महाद्युते प्रश्नम् इच्छाम्य् अहं किंचिद् व्याहृतं भवता स्वयम् ॥
स माम् उवाच धर्मात्मा ब्रूहि भीष्म यद् इच्छसि छेत्तास्मि संशयं तात यन् मां पृच्छसि भारत ॥
अपृच्छं तम् अहं तात तत्रान्तर्हितम् एव च गतं सुकृतिनां लोकं जातकौतूहलस् तदा ॥
श्रूयन्ते पितरो देवा देवानाम् अपि देवताः ते वाथ पितरो न्ये वा कान् यजामो वयं पुनः ॥
कथं च दत्तम् अस्माभिः श्राद्धं प्रीणाति वै पितॄन् लोकान्तरगतांस् तात किं नु श्राद्धस्य वै फलम् ॥
अत्र मे संशयस् तीव्रः कौतूहलम् अतीव च तद् ब्रूहि मम धर्मज्ञ सर्वज्ञो ह्य् असि मे मतः ॥
atra te vartayiṣyāmi yathātattvam ariṃdama pitrā mama purā gītaṃ lokāntaragatena vai ||
śrāddhakāle mama pitur mayā piṇḍaḥ samudyataḥ taṃ pitā mama hastena bhittvā bhūmim ayācata ||
hastābharaṇapūrṇena keyūrabharitena ca raktāṅgulitalenātha yathā dṛṣṭaḥ purā mayā ||
naiṣa kalpavidhir dṛṣṭa iti niścitya cāpy aham kuśeṣv eva tadā piṇḍaṃ dattavān avicārayan ||
tataḥ pitā me suprīto vācā madhurayā tadā uvāca bharataśreṣṭha prīyamāṇo mayānagha ||
tvayā dāyādavān asmi kṛtārtho mutra ceha ca satputreṇa tvayā putra dharmajñena vipaścitā ||
mayā ca tava jijñāsā prayuktaiṣā dṛḍhavrata vyavasthānaṃ ca dharmeṣu kartuṃ lokasya cānagha ||
pramāṇaṃ yad dhi kurute dharmācāreṣu pārthivaḥ prajās tad anuvartante pramāṇācaritaṃ sadā ||
tvayā ca bharataśreṣṭha vedadharmāś ca śāśvatāḥ kṛtāḥ pramāṇaṃ prītiś ca mama nirvartitātulā ||
tasmāt tavāhaṃ suprītaḥ prītyā varam anuttamam dadāni tvaṃ pratīcchasva triṣu lokeṣu durlabham ||
na te prabhavitā mṛtyur yāvaj jīvitum icchasi tvatto bhyanujñāṃ saṃprāpya mṛtyuḥ prabhavitā tava ||
kiṃ vā te prārthitaṃ bhūyo dadāni varam uttamam tad brūhi bharataśreṣṭha yat te manasi vartate ||
ity uktavantaṃ tam aham abhivādya kṛtāñjaliḥ abruvaṃ kṛtakṛtyo haṃ prasanne tvayi sattama ||
yadi tv anugrahaṃ bhūyas tvatto rhāmi mahādyute praśnam icchāmy ahaṃ kiṃcid vyāhṛtaṃ bhavatā svayam ||
sa mām uvāca dharmātmā brūhi bhīṣma yad icchasi chettāsmi saṃśayaṃ tāta yan māṃ pṛcchasi bhārata ||
apṛcchaṃ tam ahaṃ tāta tatrāntarhitam eva ca gataṃ sukṛtināṃ lokaṃ jātakautūhalas tadā ||
śrūyante pitaro devā devānām api devatāḥ te vātha pitaro nye vā kān yajāmo vayaṃ punaḥ ||
kathaṃ ca dattam asmābhiḥ śrāddhaṃ prīṇāti vai pitṝn lokāntaragatāṃs tāta kiṃ nu śrāddhasya vai phalam ||
atra me saṃśayas tīvraḥ kautūhalam atīva ca tad brūhi mama dharmajña sarvajño hy asi me mataḥ ||
Бхишма сказал: «О сокрушитель врагов, я расскажу тебе это как есть: прежде это поведал мне мой отец, уже ушедший в иной мир. Во время шраддхи моего отца я поднял пинду, и мой отец рукой, пробив землю, попросил её у меня. Я увидел тогда его руку, полную украшений, покрытую кейюрами и с окровавленными кончиками пальцев. Решив: “Такой порядок обряда не предписан”, я без колебания положил пинду именно на траву куша. Тогда мой отец, очень довольный, приятной речью сказал мне, о лучший Бхарата, радуясь мне: “О сын, благодаря тебе я обрёл наследника и достиг цели и в том мире, и здесь; ты добрый сын, знающий дхарму и мудрый. О твёрдый в обете, это испытание было устроено мной, чтобы через тебя установить для мира порядок в дхармах. Ведь то, что царь делает авторитетным образцом в исполнении дхармы, тому всегда следуют люди. О лучший Бхарата, тобой вечные ведийские дхармы сделаны образцом, и моя радость стала несравненной. Поэтому я очень доволен тобой и с любовью дарую тебе непревзойдённый дар, редкий в трёх мирах: смерть не получит власти над тобой, пока ты сам желаешь жить; лишь получив от тебя разрешение, смерть сможет властвовать над тобой. Что ещё ты просишь? Я дам лучший дар; скажи, о лучший Бхарата, что у тебя на сердце”. Когда он так сказал, я поклонился ему со сложенными ладонями и ответил: “Раз ты доволен, о лучший, я достиг цели. Но если я достоин ещё одной милости от тебя, о великосияющий, я хочу задать вопрос, объяснённый тобой самим”. Этот праведнодушный сказал мне: “Говори, Бхишма, что желаешь. Я устраню сомнение, о сын, о котором ты спрашиваешь меня, о Бхарата”. Тогда, когда он уже скрывался и уходил в мир добродетельных, у меня возникло желание узнать, и я спросил его: “Говорят, что питары — боги и даже божества богов. Они ли эти предки или иные? Кого же мы почитаем? Как данная нами шраддха радует предков, ушедших в иной мир, отец? Каков плод шраддхи? Здесь у меня сильное сомнение и очень большое желание узнать. Скажи мне это, знаток дхармы, ведь я считаю тебя всеведущим”».
2a7263c0f598 · опубликовано 22 июн. 2026 г., 03:30:37 UTC
Доступно наRUЛистайте стихи клавишами
Бхишма основывает учение на личной встрече с отцом Шантану. Важная деталь — пинда кладётся на кушу, а не прямо в протянутую руку: так устанавливается обрядовый порядок, которому затем следуют люди. Дхарма становится нормой через поступок того, кого признают образцом.