एवम् अस्त्व् इति संहृष्टः शक्रस् त्रिदशवर्धनः संदिदेशाग्रतः सोमं युद्धाय शिशिरायुधम् ॥
गच्छ सोम सहायत्वं कुरु पाशधरस्य वै असुराणां विनाशाय जयार्थं च दिवौकसाम् ॥
त्वम् अप्रतिमवीर्यश् च ज्योतिषां चेश्वरेश्वरः त्वन्मयं सर्वलोकानां रसं रसविदो विदुः ॥
क्षयवृद्धिस् तव व्यक्ता सागरे खे च मण्डले परिवर्तस्य् अहोरात्रं कालं जगति योजयन् ॥
लोकच्छायामयं लक्ष्म तवाङ्के शशसंस्थितम् न विदुः सोम देवाश् च ये च नक्षत्रयोगिनः ॥
त्वम् आदित्यपथाद् ऊर्ध्वं ज्योतिषां चोपरि स्थितः तमः प्रोत्सार्य वपुषा भासयस्य् अखिलं जगत् ॥
श्वेतभानुर् हिमतनुर् ज्योतिषाम् अधिपः शशी अब्दकृत् कालयोगात्मा ईज्यो यज्ञरसो ऽव्ययः ॥
ओषधीशः क्रियायोनिर् अब्जयोनिर् अनुष्णभाक् शीतांशुर् अमृताधारश् चपलः श्वेतवाहनः ॥
त्वं कान्तिः कान्तवपुषां त्वं सोमः सोमवृत्तिनाम् सौम्यस् त्वं सर्वभूतानां तिमिरघ्नस् त्वम् ऋक्षराट् ॥
तद् गच्छ त्वं सहानेन वरुणेन वरूथिना शमयस्वासुरीं मायां यया दह्याम संयुगे ॥
evam astv iti saṃhṛṣṭaḥ śakras tridaśavardhanaḥ saṃdideśāgrataḥ somaṃ yuddhāya śiśirāyudham ||
gaccha soma sahāyatvaṃ kuru pāśadharasya vai asurāṇāṃ vināśāya jayārthaṃ ca divaukasām ||
tvam apratimavīryaś ca jyotiṣāṃ ceśvareśvaraḥ tvanmayaṃ sarvalokānāṃ rasaṃ rasavido viduḥ ||
kṣayavṛddhis tava vyaktā sāgare khe ca maṇḍale parivartasy ahorātraṃ kālaṃ jagati yojayan ||
lokacchāyāmayaṃ lakṣma tavāṅke śaśasaṃsthitam na viduḥ soma devāś ca ye ca nakṣatrayoginaḥ ||
tvam ādityapathād ūrdhvaṃ jyotiṣāṃ copari sthitaḥ tamaḥ protsārya vapuṣā bhāsayasy akhilaṃ jagat ||
śvetabhānur himatanur jyotiṣām adhipaḥ śaśī abdakṛt kālayogātmā ījyo yajñaraso 'vyayaḥ ||
oṣadhīśaḥ kriyāyonir abjayonir anuṣṇabhāk śītāṃśur amṛtādhāraś capalaḥ śvetavāhanaḥ ||
tvaṃ kāntiḥ kāntavapuṣāṃ tvaṃ somaḥ somavṛttinām saumyas tvaṃ sarvabhūtānāṃ timiraghnas tvam ṛkṣarāṭ ||
tad gaccha tvaṃ sahānena varuṇena varūthinā śamayasvāsurīṃ māyāṃ yayā dahyāma saṃyuge ||
Вайшампаяна сказал: Обрадованный Шакра, умножающий силу богов, сказал: «Да будет так», и поставил впереди Сому, вооружённого прохладой для битвы. «Иди, Сома, помоги Варуне, держателю петли, ради уничтожения асуров и победы небожителей. Ты несравненной мощи, владыка владык светил; знатоки расы знают, что сок всех миров состоит из тебя. Твои убывание и рост явны в океане, в небе и в твоём диске; ты вращаешь день и ночь, устраивая время во вселенной. На твоём теле пребывает знак, сотканный из мировой тени, пятно зайца; даже боги и те, кто связан с созвездиями, не знают тебя до конца, о Сома. Ты стоишь выше пути солнца и над светилами; разгоняя тьму своим телом, ты освещаешь весь мир. Ты белолучий, холоднотелый владыка светил, творец года, душа порядка времени, достойный жертвы и неистощимая раса обряда. Ты владыка растений, источник действия, рождённый из воды и причастный прохладе; холоднолучий, опора амриты, подвижный и белоконный. Ты сияние прекрасных телом, Сома для идущих лунным путём, благой ко всем существам, губитель мрака и царь звёзд. Поэтому иди вместе с Варуной-защитником и усмири асурскую майю, которой мы горим в сражении».
27dadaa3a611 · опубликовано 22 июн. 2026 г., 03:30:58 UTC
Доступно наRUЛистайте стихи клавишами
Сома призывается не как второстепенное светило, а как сила времени, расы, прохлады и амриты. Против огненной майи Аурвы нужна не грубая мощь, а охлаждающая, питающая и упорядочивающая энергия луны.