भवन्तः सर्वकार्यज्ञाः सर्वशास्त्रविशारदाः न्यायवृत्तान्तकुशलास् त्रिवर्गस्य प्रवर्तकाः ॥
कर्तव्यानां च कर्तारो लोकस्य विबुधोपमाः पर्वता इव निष्कम्पा वृत्ते महति तस्थुषः ॥
अदम्भवृत्तयः सर्वे गुरुकर्मसु चोद्यताः राजमन्त्रधराः सर्वे सर्वे धनुषि पारगाः ॥
यशःप्रदीपा लोकानां वेदार्थानां विवक्षवः आश्रमाणां निसर्गज्ञा वर्णानां क्रमपारगाः ॥
प्रवक्तारः सुनियता नेतारो नयदर्शिनः भेत्तारः परराष्ट्राणां त्रातारः शरणार्थिनाम् ॥
एवम् अक्षतचारित्रैः श्रीमद्भिर् उदितोदितैः द्यौर् अपि अनुगृहीता स्याद् भवद्भिः किं पुनर् मही ॥
ऋषीणाम् इव वो वृत्तं प्रभावो मरुताम् इव रुद्राणाम् इव वः क्रोधो दीप्तिर् अङ्गिरसाम् इव ॥
व्यावर्तमानं सुमहद् भवद्भिः ख्यातकीर्तिभिः धृतं यदुकुलं वीरैर् भूतलं पर्वतैर् इव ॥
एवं भवत्सु युक्तेषु मम चित्तानुवर्तिषु वर्धमानो ममानर्थो भवद्भिः किम् उपेक्षितः ॥
bhavantaḥ sarvakāryajñāḥ sarvaśāstraviśāradāḥ nyāyavṛttāntakuśalās trivargasya pravartakāḥ ||
kartavyānāṃ ca kartāro lokasya vibudhopamāḥ parvatā iva niṣkampā vṛtte mahati tasthuṣaḥ ||
adambhavṛttayaḥ sarve gurukarmasu codyatāḥ rājamantradharāḥ sarve sarve dhanuṣi pāragāḥ ||
yaśaḥpradīpā lokānāṃ vedārthānāṃ vivakṣavaḥ āśramāṇāṃ nisargajñā varṇānāṃ kramapāragāḥ ||
pravaktāraḥ suniyatā netāro nayadarśinaḥ bhettāraḥ pararāṣṭrāṇāṃ trātāraḥ śaraṇārthinām ||
evam akṣatacāritraiḥ śrīmadbhir uditoditaiḥ dyaur api anugṛhītā syād bhavadbhiḥ kiṃ punar mahī ||
ṛṣīṇām iva vo vṛttaṃ prabhāvo marutām iva rudrāṇām iva vaḥ krodho dīptir aṅgirasām iva ||
vyāvartamānaṃ sumahad bhavadbhiḥ khyātakīrtibhiḥ dhṛtaṃ yadukulaṃ vīrair bhūtalaṃ parvatair iva ||
evaṃ bhavatsu yukteṣu mama cittānuvartiṣu vardhamāno mamānartho bhavadbhiḥ kim upekṣitaḥ ||
Камса сказал: «Вы знаете все дела, искусны во всех шастрах, сведущи в ходе политики и поддерживаете три цели жизни. Вы исполнители должных дел, подобные мудрым людям мира, неподвижные как горы и стоящие в великом поведении. Все вы чужды обмана, побуждаемы к серьёзным делам, храните царский совет и искусны в луке. Вы светильники славы для миров, желаете раскрыть смысл Вед, знаете природу ашрамов и порядок варн. Вы хорошо обузданные наставники, вожди, видящие политику, разрушители чужих царств и защитники ищущих прибежища. С такими людьми, славными и прославленными, с неповреждённой нравственностью, даже небо было бы облагодетельствовано — что уж говорить о земле. Ваше поведение подобно поведению риши, могущество — Марутам, гнев — Рудрам, сияние — Ангирасам. Род Яду удержан вами, героями знаменитой славы, как поверхность земли удерживается горами. Но если вы таковы, если вы следуете моей мысли, почему вы оставили без внимания мою растущую беду?»
87fe86304554 · опубликовано 22 июн. 2026 г., 03:44:13 UTC
Доступно наRUЛистайте стихи клавишами
Камса начинает с похвалы, но эта похвала служит обвинению. Он признаёт силу Ядавов лишь затем, чтобы упрекнуть их в бездействии перед угрозой, которую видит в Кришне.