समाजवाटो निर्मल्लः सो ऽभवद् भीमदर्शनः अन्ध्रे तदा महामल्ले मुष्टिके च निपातिते ॥
ये च संप्रेक्षका गोपा नन्दगोपपुरोगमाः भयक्षोभितसर्वाङ्गाः सर्वे तत्रावतस्थिरे ॥
हर्षजं वारि नेत्राभ्यां वर्तयाना प्रवेपती प्रस्नवोत्पीडिता कृष्णं देवकी समुदैक्षत ॥
कृष्णदर्शनयुक्तेन बाष्पेणाकुलितेक्षणः वसुदेवो जरां त्यक्त्वा स्नेहेन तरुणायते ॥
वारमुख्याश् च ताः सर्वाः कृष्णस्य मुखपङ्कजम् पपुर् हि नेत्रभ्रमरैर् निमेषान्तरगामिभिः ॥
कंसस्यापि मुखे स्वेदो भ्रूभेदान्तरगोचरः अभवद् रोषनिर्यासः कृष्णसंदर्शनेरितः ॥
केशवायासधूमेन रोषनिःश्वासवायुना दीप्तम् अन्तर्गतं तस्य हृदयं मानसाग्निना ॥
तस्य प्रस्फुरितौष्ठस्य भिन्नालीकस्य तस्य वै कंसवक्त्रस्य रोषेण रक्तसूर्यायते वपुः ॥
क्रोधरक्तान् मुखात् तस्य प्रसृताः स्वेदबिन्दवः उद्यतस्येव सूर्यस्य प्रसृताः पादपङ्क्तयः ॥
samājavāṭo nirmallaḥ so 'bhavad bhīmadarśanaḥ andhre tadā mahāmalle muṣṭike ca nipātite ||
ye ca saṃprekṣakā gopā nandagopapurogamāḥ bhayakṣobhitasarvāṅgāḥ sarve tatrāvatasthire ||
harṣajaṃ vāri netrābhyāṃ vartayānā pravepatī prasnavotpīḍitā kṛṣṇaṃ devakī samudaikṣata ||
kṛṣṇadarśanayuktena bāṣpeṇākulitekṣaṇaḥ vasudevo jarāṃ tyaktvā snehena taruṇāyate ||
vāramukhyāś ca tāḥ sarvāḥ kṛṣṇasya mukhapaṅkajam papur hi netrabhramarair nimeṣāntaragāmibhiḥ ||
kaṃsasyāpi mukhe svedo bhrūbhedāntaragocaraḥ abhavad roṣaniryāsaḥ kṛṣṇasaṃdarśaneritaḥ ||
keśavāyāsadhūmena roṣaniḥśvāsavāyunā dīptam antargataṃ tasya hṛdayaṃ mānasāgninā ||
tasya prasphuritauṣṭhasya bhinnālīkasya tasya vai kaṃsavaktrasya roṣeṇa raktasūryāyate vapuḥ ||
krodharaktān mukhāt tasya prasṛtāḥ svedabindavaḥ udyatasyeva sūryasya prasṛtāḥ pādapaṅktayaḥ ||
Когда великие борцы, андхра и Муштика, были повержены, место собрания стало без борцов и страшно на вид. Пастухи-зрители во главе с Нандагопой стояли там, всем телом потрясённые страхом. Деваки дрожала, проливая из глаз слёзы радости, и смотрела на Кришну, а молоко выступало из её груди. Васудева, глаза которого были смущены слезами от видения Кришны, любовью словно сбросил старость и помолодел. Все избранные женщины глазами-пчёлами пили лотос лица Кришны, ловя его в промежутках между морганиями. На лице Камсы выступил пот, видный между складками бровей: это было выделение гнева, вызванное видом Кришны. Сердце его внутри пылало огнём ума, раздуваемым ветром яростных вздохов и дымом усилия Кешавы. Губы его дрожали, лоб рассекла складка, и от гнева лицо Камсы стало багровым, как красное солнце. С его гневно-красного лица потекли капли пота, словно ряды лучей восходящего солнца.
b06141181076 · опубликовано 22 июн. 2026 г., 04:01:50 UTC
Доступно наRUЛистайте стихи клавишами
Одна и та же встреча с Кришной раскрывает разные сердца: Деваки и Васудева оживают от любви, женщины пьют его красоту, а Камса горит от страха и гнева.