रुक्मिणी त्व् एव तं दृष्ट्वा शोकार्ता पुत्रगृद्धिनी सपत्नीशतसंकीर्णा सबाष्पा वाक्यम् अब्रवीत् ॥
धन्यायाः खल्व् अयं पुत्रो दीर्घायुः प्रियदर्शनः इदृशः कामसंकाशो यौवने प्रथमे स्थितः ॥
जीवपुत्रा त्वया पुत्र का सा भाग्यविभूषिता किम् अर्थं चाम्बुदश्याम सभार्यस् त्वम् इहागतः ॥
अस्मिन् वयसि सुव्यक्तं प्रद्युम्नो मम पुत्रकः भवेद् यदि न नीतः स्यात् कृतान्तेन बलीयसा ॥
व्यक्तं वृष्णिकुमारो ऽयं न मिथ्या मम तर्कितम् विज्ञातो ऽसि मया चिह्नैर् विना चक्रं जनार्दनः ॥
मुखं नारायणस्येव केशाः केशान्त एव च मूर्धवक्षोभुजैस् तुल्यो हलिनः श्वशुरस्य मे ॥
कस् त्वं वृष्णिकुलं सर्वं वपुषा द्योतयन् स्थितः अहो जनार्दनस्यास्य दिव्या त्वम् अपरा तनुः ॥
rukmiṇī tv eva taṃ dṛṣṭvā śokārtā putragṛddhinī sapatnīśatasaṃkīrṇā sabāṣpā vākyam abravīt ||
dhanyāyāḥ khalv ayaṃ putro dīrghāyuḥ priyadarśanaḥ idṛśaḥ kāmasaṃkāśo yauvane prathame sthitaḥ ||
jīvaputrā tvayā putra kā sā bhāgyavibhūṣitā kim arthaṃ cāmbudaśyāma sabhāryas tvam ihāgataḥ ||
asmin vayasi suvyaktaṃ pradyumno mama putrakaḥ bhaved yadi na nītaḥ syāt kṛtāntena balīyasā ||
vyaktaṃ vṛṣṇikumāro 'yaṃ na mithyā mama tarkitam vijñāto 'si mayā cihnair vinā cakraṃ janārdanaḥ ||
mukhaṃ nārāyaṇasyeva keśāḥ keśānta eva ca mūrdhavakṣobhujais tulyo halinaḥ śvaśurasya me ||
kas tvaṃ vṛṣṇikulaṃ sarvaṃ vapuṣā dyotayan sthitaḥ aho janārdanasyāsya divyā tvam aparā tanuḥ ||
Рукмини же, увидев его, скорбящая и тоскующая по сыну, окружённая сотнями соперниц, со слезами сказала: «Счастлива та, чей это сын: долгоживущий, прекрасный, подобный Каме и стоящий в первой юности. Какая мать, украшенная судьбой, счастлива живым сыном вроде тебя, о сын? И зачем, тёмный как туча, ты пришёл сюда с женой? Если бы моего сына Прадьюмну не унесла могучая судьба, в таком возрасте он был бы точно таким. Ясно, что это царевич Вришни; моя догадка не ложна. По признакам я узнаю тебя: ты словно Джанардана, только без диска. Лицо — как у Нараяны, волосы и линия волос такие же, а головой, грудью и руками ты подобен Халину, моему деверю. Кто ты, стоящий здесь и озаряющий своим телом весь род Вришни? О, ты словно другая божественная форма этого Джанарданы».
5cb7234e4831 · опубликовано 22 июн. 2026 г., 05:33:55 UTC
Доступно наRUЛистайте стихи клавишами
Материнское сердце Рукмини узнаёт сына раньше объявления фактов. В её словах боль утраты соединяется с прозрением: признаки рода Кришны невозможно скрыть.