युधिष्ठिर उवाच
यम् अग्निर् ब्राह्मणो भूत्वा समागच्छन् नृणां वरम् ॥
दिधक्षुः खाण्डवं दावं दाशार्हसहितं पुरा ॥
महाबलं महाबाहुम् अजितं कुरुनन्दनम् ॥
सो ऽयं किं कर्म कौन्तेयः करिष्यति धनंजयः ॥
यो ऽयम् आसाद्य तं दावं तर्पयाम् आस पावकम् ॥
विजित्यैकरथेनेन्द्रं हत्वा पन्नगराक्षसान् ॥
श्रेष्ठः प्रतियुधां नाम सो ऽर्जुनः किं करिष्यति ॥
सूर्यः प्रतपतां श्रेष्ठो द्विपदां ब्राह्मणो वरः ॥
आशीविषश् च सर्पाणाम् अग्निस् तेजस्विनां वरः ॥
आयुधानां वरो वर्जः ककुद्मी च गवां वरः ॥
ह्रदानाम् उदधिः श्रेष्ठः पर्जन्यो वर्षतां वरः ॥
धृतराष्ट्रश् च नागानां हस्तिष्व् ऐरावतो वरः ॥
पुत्रः प्रियाणाम् अधिको भार्या च सुहृदां वरा ॥
यथैतानि विशिष्टानि जात्यां जात्यां वृकोदर ॥
एवं युवा गुडाकेशः श्रेष्ठः सर्वधनुष्मताम् ॥
सो ऽयम् इन्द्राद् अनवरो वासुदेवाच् च भारत ॥
गाण्डीवधन्वा श्वेताश्वो बीभत्सुः किं करिष्यति ॥
उषित्वा पञ्च वर्षाणि सहस्राक्षस्य वेश्मनि ॥
दिव्यान्य् अस्त्राण्य् अवाप्तानि देवरूपेण भास्वता ॥
यं मन्ये द्वादशं रुद्रम् आदित्यानां त्रयोदशम् ॥
यस्य बाहू समौ दीर्घौ ज्याघातकठिनत्वचौ ॥
दक्षिणे चैव सव्ये च गवाम् इव वहः कृतः ॥
हिमवान् इव शैलानां समुद्रः सरिताम् इव ॥
त्रिदशानां यथा शक्रो वसूनाम् इव हव्यवाट् ॥
मृगाणाम् इव शार्दूलो गरुडः पतताम् इव ॥
वरः संनह्यमानानाम् अर्जुनः किं करिष्यति ॥
yudhiṣṭhira uvāca
yam agnir brāhmaṇo bhūtvā samāgacchan nṛṇāṃ varam ||
didhakṣuḥ khāṇḍavaṃ dāvaṃ dāśārhasahitaṃ purā ||
mahābalaṃ mahābāhum ajitaṃ kurunandanam ||
so 'yaṃ kiṃ karma kaunteyaḥ kariṣyati dhanaṃjayaḥ ||
yo 'yam āsādya taṃ dāvaṃ tarpayām āsa pāvakam ||
vijityaikarathenendraṃ hatvā pannagarākṣasān ||
śreṣṭhaḥ pratiyudhāṃ nāma so 'rjunaḥ kiṃ kariṣyati ||
sūryaḥ pratapatāṃ śreṣṭho dvipadāṃ brāhmaṇo varaḥ ||
āśīviṣaś ca sarpāṇām agnis tejasvināṃ varaḥ ||
āyudhānāṃ varo varjaḥ kakudmī ca gavāṃ varaḥ ||
hradānām udadhiḥ śreṣṭhaḥ parjanyo varṣatāṃ varaḥ ||
dhṛtarāṣṭraś ca nāgānāṃ hastiṣv airāvato varaḥ ||
putraḥ priyāṇām adhiko bhāryā ca suhṛdāṃ varā ||
yathaitāni viśiṣṭāni jātyāṃ jātyāṃ vṛkodara ||
evaṃ yuvā guḍākeśaḥ śreṣṭhaḥ sarvadhanuṣmatām ||
so 'yam indrād anavaro vāsudevāc ca bhārata ||
gāṇḍīvadhanvā śvetāśvo bībhatsuḥ kiṃ kariṣyati ||
uṣitvā pañca varṣāṇi sahasrākṣasya veśmani ||
divyāny astrāṇy avāptāni devarūpeṇa bhāsvatā ||
yaṃ manye dvādaśaṃ rudram ādityānāṃ trayodaśam ||
yasya bāhū samau dīrghau jyāghātakaṭhinatvacau ||
dakṣiṇe caiva savye ca gavām iva vahaḥ kṛtaḥ ||
himavān iva śailānāṃ samudraḥ saritām iva ||
tridaśānāṃ yathā śakro vasūnām iva havyavāṭ ||
mṛgāṇām iva śārdūlo garuḍaḥ patatām iva ||
varaḥ saṃnahyamānānām arjunaḥ kiṃ kariṣyati ||
Юдхиштхира сказал: «Тот, к кому некогда Агни пришёл в образе брахмана, желая сжечь лес Кхандаву, вместе с Дашархой; этот Каунтея Дхананджая, великосильный, могучерукий, непобедимый потомок Куру, какое дело он будет делать? Он достиг того леса, насытил Павака, победил Индру на одной колеснице, убил змеев и ракшасов; Арджуна, лучший из противостоящих в бою, что он будет делать? Как солнце лучше всех пылающих, брахман — лучший среди двуногих, ядовитая змея — среди змей, огонь — среди сияющих, ваджра — среди оружия, бык — среди коров, океан — среди водоёмов, дождевое облако — среди проливающих воду, Дхритараштра — среди нагов, Айравата — среди слонов, сын — среди любимых, жена — среди друзей, так юный Гудакеша лучший среди всех лучников. Он не ниже Индры и Васудевы, о Бхарата, носитель Гандивы, владелец белых коней, Бибхатсу: что он будет делать? Пять лет прожив в доме тысячеглазого, он получил божественное оружие и сиял божественным обликом. Я считаю его двенадцатым Рудрой и тринадцатым среди Адитьев; его две длинные руки, правая и левая, огрубели от удара тетивы, словно упряжь у быков. Как Химаван среди гор, океан среди рек, Шакра среди богов, Хавьяват среди Васу, тигр среди зверей и Гаруда среди птиц, так Арджуна лучший среди вооружающихся. Что же он будет делать?»
a174f4ccef66 · опубликовано 16 июл. 2026 г., 17:58:59 UTC
Доступно наRUENЛистайте стихи клавишами
Прославление Арджуны звучит как трудность: чем выше дар, тем труднее его скрыть. Великий воин должен спрятать не только оружие, но и сияние собственной природы.